Славянскія мовы

Славянскія мовы — група роднасных моў індаеўрапейскай сям’і; распаўсюджаныя на тэрыторыі Еўропы і Азіі. Агульны лік носьбітаў каля 400 млн чалавек[1]. Адрозніваюцца вялікай ступенню блізкасці адна да адной, гэта праяўляецца ў структуры слова, ужыванні граматычных катэгорый, структуры сказа, семантыцы, сістэме рэгулярных гукавых адпаведнікаў, марфаналагічных чаргаваннях. Такая блізкасць тлумачыцца адзінствам паходжання славянскіх моў і іх працяглымі і інтэнсіўнымі кантактамі паміж сабой на ўзроўні літаратурных моў і дыялектаў.

З іншых індаеўрапейскіх моў да славянскіх бліжэй за ўсё балтыйскія мовы. Іаган Ботвідус сцвярджаў, што «Славянская мова — супольная для харватаў, далматаў, палякаў, літоўцаў, маскавітаў і русінаў»[2].

Славянскія мовы па ступені іх блізкасці адна да адной прынята дзяліць на 3 групы: усходнеславянскія, заходнеславянскія і паўднёваславянскія.

Для запісу сучасных славянскіх моў выкарыстоўваюцца кірыліца і лацініца. Раней выкарыстоўваліся таксама глаголіца і арабскае пісьмо.

Лічыцца, што ўсе славянскія мовы пайшлі ад гіпатэтычнай праславянскай мовы.

Спіс славянскіх моў

Выдзяляецца амаль 2 дзясяткі славянскіх моў[3].

Гістарычныя †

• прабалта-славянская
• праславянская

Усходнеславянскія мовы

• старажытнаруская †
• старажытнанаўгародская †
• старабеларуская †
• беларуская
  • заходнепалеская
  • падляшская
• руская
• украінская
  • русінская

Заходнеславянскія мовы

• палабская †
• польская
  • старапольская †
  • сілезская
• кашубская
  • славінская †
• верхнелужыцкая
• ніжнелужыцкая
• чэшская
  • мараўская
• славацкая

Паўднёваславянскія мовы

• сербахарвацкая
  • баснійская
  • сербская
  • харвацкая
  • чарнагорская
• славенская
• славянасербская †
• стараславянская †
• царкоўнаславянская
• балгарская
• македонская

Гісторыя

Гэты раздзел артыкула яшчэ не напісаны. Паводле задумы аднаго з удзельнікаў Вікіпедыі, на гэтым месцы павінен размяшчацца спецыяльны раздзел. Вы можаце дапамагчы праекту, напісаўшы гэты раздзел.

Зноскі

1. ↑ Omniglot
2. ↑ Botvidi, J. Theses de quaestione: utrum Muschovitae sint Christiani? / Johannes Botvidi. — Holmiae, 1620. — P. 3.
3. ↑ Indo-European, Slavic (англ.)

Літаратура

• Зінкевіч А. В. Славянскія мовы // Беларуская энцыклапедыя: У 18 т. / Рэдкал.: Г. П. Пашкоў і інш.. — Мн.: БелЭн, 2002. — Т. 14: Рэле — Слаявіна. — С. 504—505. — 512 с. — 10 000 экз. — ISBN 985-11-0238-5 (т. 14), ISBN 985-11-0035-8.