«Belsat Music Live» — штотыднёвая музычная праграма[ru] Сяргея Будкіна, якая выходзіла па суботах у эфіры тэлеканала «Белсат» з 2017[1] па 2020 год.
Першы сезон з’явіўся ў 2017 годзе, кожны штотыднёвы эпізод доўжыўся 25 хвілін. Пачынаючы з другога сезона працягласць эпізода склала 30 хвілін. Выходзіць у эфір па суботах у 20:25. Вядучая — Міра Шульц. Згодна з канцэпцыяй у кожным эпізодзе ўдзельнічае музычны калектыў або выканаўца, які грае жывы сэт і дае інтэрв’ю[2].
З 2018 года з’явіўся новы фармат праграмы BML Premium. Так пачалі называцца некаторыя выпускі шоу, падчас якіх паўторна запрошаны музыка ці гурт грае жывы сэт ужо перад натоўпам гледачоў у студыі. Такія выпускі праграмы доўжыліся 45 хвілін.
Апошні выпуск праграмы быў зняты ў новым фармаце BML Stars. Музыкі гралі свой сэт не ў студыі, а ў адмыслова выбранай вулічнай лакацыі.
19 верасня 2020 года выйшла першая ў новым тэлесезоне праграма з этна-трыа «Троіца», якую знялі на руінах храма ў Беразаўцы пад Карэлічамі. Рашэнне пра закрыццё праграмы было прынятае пад канец жніўня ў той момант, калі ўжо быў запушчаны працэс вытворчасці некалькіх праграмаў, неглядзячы на дамоўленасць і тое, што было зроблена 50 % працы. Дырэктар тэлеканала Агнешка Рамашэўска-Гузы патлумачыла закрыццё праграмы неабходнасцю прадастаўлення сродкаў на журналісцкую інфармацыйную службу бягучых падзей і ўнясеннем змен у восеньскі графік вяшчання, павялічэннем сродкаў на іншыя праграмы, якія ў цяперашні час асабліва цікавяць людзей.[3]
У 2019 годзе Лёша Горбаш з «34mag» параўнаў аўтарскі праект Сяргея Будкіна з «Live Lounge(польск.) бел.» і «Вячэрнім Ургантам»[4].