«Pawa» — беларускі гурт беларускай сярэднявечнай музыкі, які выконвае музыку напрамку Folktronica, Folk-Medieval, фолк-рок, сярэднявечную музыку. Заснаваны ў 2011 годзе ў Мінску.
У сваёй творчасці гурт засяроджвае ўвагу выключна на беларускай песеннай традыцыі[1], пры гэтым эксперыментуе з традыцыйнай народнай музыкай у кантэксце сучаснага гучання[2]. Гурт «Pawa» спалучае ў сваёй музыцы традыцыі еўрапейскага сярэднявечча і электронныя аранжыроўкі[3].
Гурт «Pawa» быў створаны ў 2011 годзе. У склад гурта увайшлі ўдзельнікі гурта «Testamentum Terrae», далучыўся да гурту і «электроншчык» Niko_S (Мікіта Седзянкоў). Па словах Юрася Панкевіча (дудар абодвух калектываў) галоўнай ідэяй праекту стала «прага дапоўніць прыгожыя і таямнічыя мелодыі сярэдневечных музычных твораў сілаю і энергетыкай сучаснага электроннага гучання»[3]. У кастрычніку 2011 года на беларускім лэйбле Vigma гурт выдаў дэбютны альбом «Pawa».
Святкаванне новага 2013 году і цэнтральны святочны салют у Мінску адбываліся пад творы гурта «Pawa»[3].
Гурт браў удзел у шматлікіх музычных фестывалях: «Басовішча», WOŚP (Польшча), Tautų mugė (Літва), «Камяніца», «Наследие веков» (Беларусь), а таксама выступаў на сцэнах шматлікіх клубаў Беларусі, Польшчы, Расіі[3].