Мінскі дзяржаўны мастацкі каледж імя А. К. Глебава, колішнія назвы Мінскае мастацкае вучылішча (1947-) з 1969 імя А. К. Глебава — сярэдняя спецыяльная навучальная ўстанова Рэспублікі Беларусь, адна са старэйшых і аўтарытэтных у краіне сярэдніх спецыяльных навучальных устаноў у сферы культуры. Размешчаны па адрасе вул. Петруся Броўкі, 22.
Заснаваны ў 1947 годзе як Мінскае мастацкае вучылішча з аддзяленнямі мастацка-педагагічным, скульптурным, прыкладнога мастацтва і дэкаратыўна-афармляльніцкім. Першыя гады існавання заняткі праходзілі ў памяшканнях Дзяржаўнага тэатра оперы і балета БССР. У вучылішчы, у пасляваенны час, фактычна фарміравалася беларуская школа сучаснага выяўленчага мастацтва.