У Вікіпедыі ёсць артыкулы пра іншых асоб з прозвішчам Раманоўскі.
Пётр Міхайлавіч Раманоўскі (21 верасня 1919 года, Орша, Віцебская вобласць — 23 верасня 1977) — беларускі мастак-жывапісец.
У 1938 годзе скончыў Віцебскае мастацкае вучылішча. Па заканчэнні быў накіраваны ва Усерасійскую Акадэмію мастацтваў.
З пачатку Вялікай Айчыннай вайны пайшоў на фронт, дзе ваяваў да вызвалення Беларусі — 3 чэрвеня 1944 года.
Працягнуў вучобу ў Ленінградскім інстытуце жывапісу, скульптуры і архітэктуры імя І. Я. Рэпіна, які скончыў у 1948 годзе.
З 1948 па 1954 годы выкладаў у Мінскім мастацкім вучылішчы.
З 1949 года браў удзел у мастацкіх выстаўках. Працаваў у рэалістычным напрамку, у жанрах пейзажа, партрэта, сюжэтна-тэматычнай карціны.
Творы мастака захоўвацца ў фондах Нацыянальнага мастацкага музея Беларусі. Каля 50 карцін прынесены ў дар г. Орша[1].