wd wp Пошук: ⬜

Мікалай Канстанцінавіч Казакевіч

У Вікіпедыі ёсць артыкулы пра іншых асоб з прозвішчам Казакевіч.

«Юнацтва», 1972, палатно, алей, 180 х 175 см.

Мікалай Канстанцінавіч Казаке́віч (5 мая 1934, вёска Дулебы, Бярэзінскі раён, Мінская вобласць — 7 лютага 2021, Гомель) — беларускі мастак-жывапісец, заслужаны дзеяч мастацтваў БССР (1988), лаўрэат Дзяржаўнай прэміі Рэспублікі Беларусь (2000).

Біяграфія

У 1955 годзе скончыў Мінскае мастацкае вучылішча, у 1961 — Беларускі дзяржаўны тэатральна-мастацкі інстытут. Выкладчыкі — Віталь Цвірка, Уладзімір Сухаверхаў, Аляксандр Мазалёў. Упершыню творы мастака экспанаваліся ў 1961 годзе.

Член Беларускага саюза мастакоў з 1963 года. Жыў у г. Гомелі.

Працаваў у станковым жывапісе ў жанрах лірычнага пейзажу, сюжэтна-тэматычнай карціны. Адной з найбольш вядомых прац мастака з’яўляецца карціна «Над роднымі прасторамі» (1979)[2].

Карціны М. Казакевіча знаходзяцца ў Нацыянальным мастацкім музеі Рэспублікі Беларусь, фондзе Беларускага саюза мастакоў, Музеі сучаснага выяўленчага мастацтва, карціннай галерэі Г. Х. Вашчанкі, Магілёўскім абласны м мастацкім музеі імя Паўла Масленікава.

Выстаўкі

1961 — Усесаюзная выстаўка дыпломных работ. Масква, Ленінград
1974 — Калектыўная выстаўка мастакоў СССР, ПНР і ГДР
1979 — Персанальная мастацкая выстаўка ЦДМ, Масква
1980 — Выстаўка твораў савецкіх мастакоў, ГДР
1982 — Выстаўка мастакоў Расіі, Украіны і Беларусі «Кіеву 1500 гадоў»
1987 — Персанальная мастацкая выстава, Мінск
1993 — Персанальная мастацкая выстава, Клермон-Феран, Францыя
1995 — Персанальная мастацкая выстава, Дзяржаўны мастацкі музей, Мінск
2008 — Персанальная мастацкая выстава, карцінная галерэя Г. Х. Вашчанкі, Гомель

і інш.

Узнагароды і прэміі

Дзяржаўная прэмія Рэспублікі Беларусь у галіне літаратуры, мастацтва і архітэктурыі (2000) — за серыю пейзажаў «Краявіды Беларусі», выкананых у 1995—1998 гадах.
Ордэн Дружбы народаў
Ордэн Францыска Скарыны (2010)
Бронзавая медаль ВДНГ СССР за працу «Юнацтва»
Заслужаны дзеяч мастацтваў Беларусі
Ганаровая грамата Вярхоўнага Савета БССР

Зноскі

↑ Беларуская Вікіпедыя — 2007.
↑ «Над роднымі прасторамі» Архівавана 18 красавіка 2019.

Літаратура

Беларуская энцыклапедыя: У 18 т. / Рэдкал.: Г. П. Пашкоў і інш.. — Мн.: БелЭн, 1998. — Т. 7: Застаўка — Кантата. — 604 с. — 10 000 экз. — ISBN 985-11-0130-3 (т. 7), ISBN 985-11-0035-8. — С. 411.
Беларускі саюз мастакоў: Энцыклапедычны даведнік / аўтар-складальнік Б. А. Крэпак і інш. — Мн .: ВТАА «Кавалер Паблішерс», 1998. — С. 235. — 664 с. — 3 000 экз. — ISBN 985-6427-09-6..
Салавей Л. Ф. Мікалай Казакевіч: Альбом. — Мн. : Беларусь, 1987. — 54 с.

Спасылкі

Сайт Мікалая Казакевіча
Оптимистические пейзажи Николая Казакевича // «Гомельская правда» 24 января 2008 (руск.)