wd wp Пошук: ⬜

Аляксей Канстанцінавіч Глебаў

У Вікіпедыі ёсць артыкулы пра іншых асоб з прозвішчам Глебаў.

Аляксе́й Канстанці́навіч Гле́баў (11 (24) сакавіка 1908, в. Звяровічы, Смаленская губерня (цяпер Краснінскі раён, Смаленская вобласць, Расія) — 2 кастрычніка 1968, Мінск, БССР) — беларускі скульптар

, народны мастак БССР, лаўрэат Дзяржаўнай прэміі БССР (1976)[3].

Біяграфія

А. К. Глебаў нарадзіўся ў вёсцы Звяровічы (сучасны Краснінскі раён Смаленскай вобласці). У 1926—1930 гадах вучыўся ў Віцебскім мастацкім тэхнікуме[3] ў М. А. Керзіна. Адзін з арганізатараў у Віцебску Аб’яднання моладзі Асацыяцыі мастакоў рэвалюцыі. Удзельнік Вялікай Айчыннай вайны[3].

З 1955 года выкладаў у Беларускім тэатральна-мастацкім інстытуце[3].

Творчасць

Працаваў у галіне партрэтнай, сюжэтна-кампазіцыйнай і манументальнай пластыкі[3]. Лепшыя работы адметныя тонкай мадэліроўкай формаў, пластычнасцю і эмацыйнай выразнасцю, майстэрствам выканання ў матэрыяле[3].

Удзельнічаў у афармленні Дома ўраду БССР (бюст М. В. Фрунзэ, 1933), ствараў барэльефы для Дома Чырвонай Арміі (1936) і Палаца піянераў і школьнікаў (1940) у Мінску, скульптуры «Лявоніха» і «Крыжачок» для будынка Усесаюзнай сельскагаспадачай выстаўкі ў Маскве (1940)[3].

Скульптар шмат гадоў працаваў над помнікам беларускаму першадрукару Францыску Скарыну. У 1946 годзе была створана невялікая па памерах мадэль першадрукара з глобусам у руках. У 1954 годзе з дрэва была выразаная новая статуя Скарыны, якая экспанавалася ў 1955 годзе на ВДНГ у Маскве.

У 1967 годзе Глебаў стварыў мадэль помніка Скарыну для Полацка. Адліць з бронзы скульптуру ён не паспеў, што зрабілі за яго яго вучні — скульптары Ігар Глебаў і Андрэй Заспіцкі.

У 1976 годзе Аляксею Глебаву пасмяротна была прысуджана Дзяржаўная прэмія БССР за помнік Францыску Скарыну ў Полацку[4].

Творы

• Манумент Перамогі ў Мінску (1954), у сааўтарстве з А. А. Бембелем, З. І. Азгурам, С. І. Селіханавым

• Група «Грамадзянская вайна ў Беларусі» (гліна, 1937—1940, не захавалася)

• Конная статуя Л. М. Даватара (гіпс, 1945, Абласны краязнаўчы музей, Віцебск)

• Партрэт У. І. Уладамірскага (бронза, 1949)

• Помнік Францыску Скарыну ў Полацку (1974).

• Помнік Сталіну ў Мінску (1952), у сааўтарстве з А. А. Бембелем, З. І. Азгурам, С. І. Селіханавым.

• Помнік Якубу Коласу ў вёсцы Мікалаеўшчына Стаўбцоўскага раёна (1972), у сааўтарстве з І. Краўчанкам.

• Група «Максім Горкі і Янка Купала», 1949

• «Георгій Скарына» (дрэва, 1954),

• «Пасля працы. Улікоўшчыца» (1957)

• Група «Сустрэча У. І. Леніна на Фінляндскім вакзале ў красавіку 1917» (гіпс, 1957—1958) — усё ў Мастацкім музеі БССР, Мінск

• Рэльеф «Партызаны Беларусі» (бронза, 1954) для помніка воінам Савецкай Арміі і партызанам у Мінску.

• статуі «Юнацтва», «Плаўчыха» (абедзве 1963 год).

• Рэльефы на сюжэты піянерскага жыцця ў Палацы піянераў і школьнікаў. 1940

• Рэльефы на сюжэты піянерскага жыцця ў Палацы піянераў і школьнікаў. 1940

• Лявоніха. Барэльеф у гасцініцы «Беларусь». 1947

• М. Горкі і Я. Купала. 1947

• Янка Купала. 1949

• Партрэт народнага артыста БССР У. І. Уладамірскага. 1949

• Новыя гарызонты. 1953

• Генерал Даватар. 1955

• Георгій Скарына. 1955

• Георгій Скарына. 1955. Фрагмент

• Рэльеф «Партызаны Беларусі» для помніка воінам Савецкай Арміі і партызанам. 1953

• Вяртанне з працы. 1957

• Сустрэча У. І. Леніна на Фінляндскім вакзале ў красавіку 1917 года. 1957-1958

• Сустрэча У. І. Леніна на Фінляндскім вакзале ў красавіку 1917 года. 1957-1958. Фрагмент

• Ураджай. Эскіз. 1958

• Хлеб-соль. Эскіз. 1958

• Эцюд аголенай фігуры. 1959

Сям’я

Дзядзька скульптара Ігара Мікалаевіча Глебава[5].

Узнагароды і памяць

• Ордэн Леніна
• Заслужаны дзеяч мастацтваў БССР (1944)[6]
• Народны мастак БССР (1955)
• Лаўрэат Дзяржаўнай прэміі БССР (1976, пасмяртна)[6]

Імя А. К. Глебава прысвоена мастацкаму каледжу ў Мінску. У 1971 г. на доме па адрасе вул. Захарава № 25, у якім ён жыў, устаноўлена мемарыяльная дошка (скульпт. І. Краўчанка)[7].

Зноскі

1. ↑ Глебов Алексей Константинович // Большая советская энциклопедия: [в 30 т.] / под ред. А. М. Прохорова — 3-е изд. — М.: Советская энциклопедия, 1969. Праверана 27 верасня 2015.
2. ↑ Глебов Алексей Константинович // Большая советская энциклопедия: [в 30 т.] / под ред. А. М. Прохорова — 3-е изд. — М.: Советская энциклопедия, 1969. Праверана 28 верасня 2015.
3. 1 2 3 4 5 6 7 Белорусская ССР. Краткая энциклопедия, 1982
4. ↑ К 105-летию народного художника Беларуси Алексея Глебова (руск.)
5. ↑ Крылы Пегаса Лёшкі Глебушкі. Культура. № 19 (1197) 09.05.2015
6. 1 2 Выставка «И дольше века…» (руск.)
7. ↑ Збор помнікаў гісторыі і культуры Беларусі / АН БССР. Ін-т мастацтвазнаўства, этнаграфіі і фальклору; Рэд. кал.: С. В. Марцэлеў (гал. рэд.) і інш. — Мн.: БелСЭ, 1988. — Мінск. — 333 с.: іл. — ISBN 5-85700-006-8.

Літаратура

• Энцыклапедыя літаратуры і мастацтва Беларусі: У 5-і т., Т. 2. Габой — Карціна / Рэдкал.: І. П. Шамякін (гал. рэд.) і інш. — Мн.: БелСЭ, 1985. — Т. 4. — 702 с. — 9 500 экз.
• Глебов Алексей Константинович // Белорусская ССР: Краткая энциклопедия в 5 т. (руск.)  / Ред. колл.: П. У. Бровка и др. — Мн.: «Белорусская советская энциклопедия» имени Петруся Бровки, 1982. — Т. 5. Биографический справочник. — С. 149—150. — 737 с. — 50 000 экз.
• Никифоров П. П., А. К. Глебов. — М., 1960.

Спасылкі

• Глебаў Аляксей Канстанцінавіч на сайце анлайн-энцыклапедыі «Беларусь у асобах і падзеях»
• Фатаграфія скульптуры «Георгій Скарына» на сайце Вялікай савецкай энцыклапедыі

Тэмы гэтай старонкі (25):
Вікіпедыя:Артыкулы з пераазначэннем значэння з Вікідадзеных
Народныя мастакі Беларускай ССР
Нарадзіліся ў Краснінскім раёне (Смаленская вобласць)
Мастакі паводле алфавіта
Кавалеры ордэна Леніна
Памерлі ў Мінску
Выкладчыкі Беларускай акадэміі мастацтваў
Кавалеры ордэна Працоўнага Чырвонага Сцяга
Скульптары XX стагоддзя
Лаўрэаты Дзяржаўнай прэміі БССР
Нарадзіліся 24 сакавіка
Заслужаныя дзеячы мастацтваў Беларускай ССР
Нарадзіліся ў Краснінскім павеце
Скульптары СССР
Памерлі ў 1968 годзе
Памерлі 2 кастрычніка
Выпускнікі Віцебскага Народнага мастацкага вучылішча
Скульптары Беларусі
Асобы на марках
Скульптары паводле алфавіта
Удзельнікі Вялікай Айчыннай вайны
Вікіпедыя:Артыкулы з крыніцамі з Вікідадзеных
Пахаваныя на Усходніх могілках Мінска
Нарадзіліся ў 1908 годзе
Асобы