wd wp Пошук: ⬜

1 кастрычніка

1 кастрычніка — дзвесце семдзесят чацвёрты (дзвесце семдзесят пяты ў высакосны год) дзень года па Грыгарыянскім календары.

Падзеі

959: Эдгар становіцца каралём усёй Англіі.
1386: Заснаваны Гайдэльбергскі ўніверсітэт, старэйшы на тэрыторыі Германіі.
1653: Земскі сабор у Маскве ўхваліў вайну з Рэччу Паспалітай ў падтрымку казацкага гетмана Багдана Хмяльніцкага з мэтай авалодаць усходнімі землямі Рэчы Паспалітай.
1817: У Віленскім універсітэце заснавана тайнае студэнцкае патрыятычнае таварыства філаматаў.
1831: Расійскі імператар выдаў указ пра перавод шляхты, не зацверджанай Дэпартаментам герольдыі, з дваранскага саслоўя ў аднадворцаў або гараджан.
1869: У Вене выйшлі першыя паштоўкі.
1921: Адкрылася Беларуская драматычная студыя.
1936: Франсіска Франка прызначаны хунтай кіраўніком ураду Іспаніі.
1946: Завяршыўся Нюрнбергскі працэс.
1949: Абвешчана Кітайская Народная Рэспубліка.
1950: Прынята асобная канстытуцыя Заходняга Берліна.
1964: У горадзе Токіа была запушчаная лінія пасажырскага экспрэса Такайда Сінкансэн (ці “Цягнік Кулі”).
1969: Адкрыты Пекінскі метрапалітэн.
1978: Абвешчана незалежнасць Тувалу.
2008: Па яўрэйскім календары, скончыўся Рош Ха-Шана і пачаўся новы год.

Нарадзіліся

1207: Генрых III, кароль Англіі
Жак Бланшар, французскі мастак
1612: Ян Антоні Храпавіцкі, дзяржаўны дзеяч Вялікага Княства Літоўскага (пам. 3.11.1685)
1620: Нікалас Пітэрс Берхем, галандскі жывапісец
1754: Павел I, расійскі імператар
1865: Поль Дзюка, французскі кампазітар
1881: Міхаіл Станюта, беларускі мастак
1888: Лукаш Дзекуць-Малей, пратэстанцкі прапаведнік, рэлігійны дзеяч, перакладчык, выдавец (пам. 20.1.1955)
1900: Раман Семашкевіч, беларускі мастак-жывапісец, графік, скульптар (пам. 22.12.1937)
1912: Леў Гумілёў, расійскі гісторык-этнолаг, географ, філосаф, заснавальнік пасіянарнай тэорыі этнагенезу, паэт, перакладчык (пам. 15.6.1992)
1924: Джэймс Эрл Картэр, 39-ы прэзідэнт ЗША
1927: Алег Яфрэмаў, расійскі акцёр, рэжысёр, народны артыст СССР (пам. 2000)
1930: Філіп Нуарэ, французскі акцёр тэатра і кіно (пам. 23.11.2006)
1937: Іван Вашкевіч, беларускі акцёр, тэатральны дзеяч
1937: Андрэй Мдзівані, беларускі кампазітар
1945: Рам Натх Кавінд, індыйскі дзяржаўны дзеяч
1952: Анатоль Байдачны, расійскі і беларускі футбаліст, футбольны трэнер, трэнер зборнай Беларусі па футболу (2003-05)
1956: Андрус Ансіп, 10-ы прэм’ер-міністр Эстоніі