wd wp Пошук:
    ⬜

    Хабі Алонса

    У Вікіпедыі ёсць артыкулы пра іншых асоб з прозвішчам Алонса. .mw-parser-output .ts-Спартыўная_кар’ера-table{width:100%!important;display:table;margin:0 0 -2px;border-collapse:separate;text-align:left}.mw-parser-output .ts-Спартыўная_кар’ера-table th{background-color:#dcebff;text-align:center}.mw-parser-output .ts-Спартыўная_кар’ера-table td:nth-child(1){width:27%}.mw-parser-output .ts-Спартыўная_кар’ера-table td:nth-child(3){width:20%}.mw-parser-output .ts-Спартыўная_кар’ера-table.stripped tr:nth-child(odd){background-color:#f8f9fa}.mw-parser-output .ts-Спартыўная_кар’ера-table.stripped tr:nth-child(even){background-color:#eff1f3}.mw-parser-output .ts-Спартыўная_кар’ера-table.stripped tr.odd{background-color:#f8f9fa}.mw-parser-output .ts-Спартыўная_кар’ера-table.stripped tr.even{background-color:#eff1f3}body.skin-minerva .mw-parser-output .ts-Спартыўная_кар’ера-table.stripped tr{background-color:transparent} Хаб’е́р Ало́нса Ала́на (баскск.: Xabier Alonso Olano, ісп.: Xabier Alonso Olano; нар. 25 лістапада 1981, Талоса(руск.) бел., Іспанія) — іспанскі футбаліст (апорны паўабаронца) і трэнер. Выступаў за нацыянальную зборную Іспаніі (2003—2014). У цяперашні час працуе галоўным трэнерам нямецкага клуба «Баер 04».

    Удзельнік чэмпіянату Еўропы 2004, чэмпіянату свету 2006, чэмпіянату Еўропы 2008, чэмпіянату свету 2010, чэмпіянату Еўропы 2012 і чэмпіянату свету 2014. Двухразовы чэмпіён Еўропы (2008, 2012) і чэмпіён свету (2010). На клубным узроўні Алонса — пераможца Лігі чэмпіёнаў (2004/05(руск.) бел., 2013/14(бел. (тар.)) бел.), Суперкубка УЕФА (2005(руск.) бел., 2014(руск.) бел.), Кубка Англіі (2005/06(англ.) бел.), Суперкубка Англіі (2006(англ.) бел.), Кубка Іспаніі (2010/11(руск.) бел., 2013/14(руск.) бел.), чэмпіянату Іспаніі (2011/12(руск.) бел.) і Суперкубка Іспаніі(руск.) бел. (2012(руск.) бел.), Кубка Германіі (2015/16(руск.) бел.), чэмпіянату Германіі (2014/15(руск.) бел., 2015/16(руск.) бел., 2016/17(руск.) бел.) і Суперкубка Германіі(руск.) бел. (2016(руск.) бел.). У складзе нацыянальнай зборнай Хабі — двухразовы пераможца Еўра (2008, 2012) і чэмпіён свету (2010).

    Алонса пачаў кар’еру ў галоўнай камандзе свайго роднага рэгіёна Гіпускаа — «Рэал Сасьедадзе», дэбютаваўшы за клуб у 1999 годзе. У сезоне 2000/01(руск.) бел. Хабі на правах арэнды перайшоў у клуб другога дывізіёну(руск.) бел. «Эйбар» на паўгода. Вярнуўшыся з арэнды, Алонса стаў іграком асноўнага складу. У сезоне 2001/02(руск.) бел. баск забіў свой першы гол. У наступным сезоне(руск.) бел. Алонса згуляў ключавую ролю ў заваяванні срэбных медалёў чэмпіянату, дзякуючы чаму клуб здолеў кваліфікавацца ў Лігу чэмпіёнаў. Сезон 2003/04 стаў для Хабі апошнім у складзе «Сасьедада». Летам 2004 года Алонса перайшоў у «Ліверпул» за 10,5 млн £. У першым сваім сезоне ў складзе «чырвоных» іспанец выйграў Лігу чэмпіёнаў. У сезоне 2005/06 Хабі заваяваў яшчэ два трафеі: Суперкубак УЕФА і Кубак Англіі. У наступныя тры сезоны на «Энфілдзе(бел. (тар.)) бел.» іспанец выйграў Суперкубак Англіі, а таксама дайшоў да фіналу(бел. (тар.)) бел. Лігі чэмпіёнаў і заваяваў срэбныя медалі чэмпіянату Англіі(руск.) бел.. У летняе трансфернае акно(англ.) бел. 2009 года Алонса за 30 млн € перайшоў у мадрыдскі «Рэал»[3], дзе стаў пераможцам Лігі чэмпіёнаў[4], чэмпіянату і Суперкубка Іспаніі, а таксама двухразовым пераможцам Кубка Іспаніі. У 2014 годзе, пасля пяці гадоў праведзеных у складзе «Рэала», Хабі перайшоў у мюнхенскую «Баварыю», падпісаўшы двухгадовы кантракт[5]. У складзе «Баварыі» Хабі Алонса тройчы стаў чэмпіёнам краіны, выйграў Кубак і Суперкубак Германіі. У студзені 2017 года абвясціў аб завяршэнні кар’еры па заканчэнні сезона 2016/17[6].

    Алонса адрозніваецца здольнасцю забіваць галы з далёкіх дыстанцый. У матчы на Кубак Англіі супраць каманды «Лутан Таўн»(англ.) бел. у студзені 2006 года ён забіў два галы з далёкай дыстанцыі, адзін з якіх ударам прыкладна з 60 метраў. У верасні 2006 года Алонса забіў яшчэ адзін гол са сваёй паловы поля ў матчы Прэм’ер-лігі супраць «Ньюкасл Юнайтэд».

    Раннія гады

    Хабі Алонса паходзіць з вядомай футбольнай сям’і. Яго бацька, Перыка Алонса(англ.) бел., гуляў за «Рэал Сасьедад», у складзе якога стаў двухразовым чэмпіёнам Іспаніі, і за «Барселону». Брат Хабі, Мікеле Алонса(англ.) бел., гуляе на пазіцыі паўабаронцы за «Рэал Уніён»(руск.) бел.. Іншы брат, Ён — футбольны суддзя. Алонса нарадзіўся ў Талосе, невялікім мястэчку Краіны Баскаў, да шасці гадоў жыў у Барселоне, потым яго сям’я пераехала ў Сан-Себасцьян. Менавіта тут выявіўся яго запал да футбола, ён правёў сваё дзяцінства, гуляючы ў футбол на Плая дэ ла Конча (Шэл Біч)[7]. На пляжах Сан-Себасцьяна Алонса пасябраваў з жыхаром Кале Маціа, Мікелем Артэтам, і яны часта спаборнічалі адзін з адным, гуляючы разам у футбол па выхадных[8]. У раннім узросце Алонса вырашыў стаць апорным паўабаронцам, гэта амплуа дапамагло яму навучыцца добра распараджацца мячом на поле.

    Калі яму было 15, ён па школьнай праграме абмену адправіўся ў ірландскі горад Келс, графства Міт(руск.) бел., каб вывучыць англійскую мову[9].

    Алонса і Артэта былі амбіцыйныя і марылі гуляць побач за «Рэал Сасьедад», але іх шляхі разышліся пасля таго, як Артэта перайшоў у «Барселону», тым часам як Алонса падпісаў кантракт з «Рэал Сасьедадам»[10].

    Алонса прагрэсаваў, выступаючы за рэзервовую каманду «Рэал Сасьедад», і ва ўзросце 18 гадоў у сезоне 1999/2000 ён дэбютаваў у першай камандзе сан-себасцьянскага клуба. Яго першы выхад на поле адбыўся 1 снежня 1999 года ў паядынку Кубка Іспаніі з «Лаграньесам»[11]

    Клубная кар’ера

    «Рэал Сасьедад»

    Джон Тошак(руск.) бел. прызнаў патэнцыял у Алонса і выдаткаваў шмат часу, распрацоўваючы метады навучання, скіраваныя на індывідуальнае паляпшэнне яго тэхнічных магчымасцей[12]. Першую палову сезона 2000/01 Алонса адгуляў у «Эйбары» на правах арэнды, пасля чаго вярнуўся ў родную каманду. Каманда ўмацавала свае пазіцыі ў сярэдзіне табліцы ў 2001/02 сезоне, заняўшы 13-е месца. Алонса правёў 30 матчаў у сезоне, а таксама забіў свой першы гол у Ла Лізе, за ўвесь сезон адзначыўся 3 разы. Улетку 2002 года ў «Рэал Сасьедада» зноў змяніўся трэнер, і ўсё ж з прыходам Рэйнальда Денуэкса(руск.) бел. Алонса захаваў сваё месца ў першай камандзе[13].

    У нечакана паспяховым для каманды сезоне 2002/03, калі яна заняла другое месца ў чэмпіянаце, прапусціўшы наперад толькі мадрыдскі «Рэал», Хабі Алонса быў ключавым іграком «Рэал Сасьедада», ён узяў удзел у 33 матчах і забіў у іх 3 галы, заявіўшы пра сябе як пра «ўзыходную зорку» іспанскага футбола[14].

    Улетку 2004 года ў «Рэал Сасьедад» перайшоў сябар дзяцінства Алонса, Мікель Артэта[15]. Артэта быў у захапленні ад перспектывы стаць партнёрам Алонса ў цэнтры поля, але яго радасць была нядоўгай. Алонса атрымаў прапанову ад «Ліверпула» і 20 жніўня 2004 года перайшоў у мерсісайдскі клуб[11][16].

    «Ліверпул»

    У складзе «Ліверпула»

    Алонса прыбыў у Ліверпул разам з Луісам Гарсія з «Барселоны», паклаўшы тым самым пачатак новай эры на «Энфілдзе». Новы трэнер «Ліверпула», Рафаэль Бенітэс(бел. (тар.)) бел., імкнуўся рэарганізаваць клуб і цалкам перапрацаваць гульню каманды, выбраўшы свой уласны стыль тренерства і тактыку каманды[17]. Алонса перайшоў у «Ліверпул» у жніўні 2004 года. Ён дэбютаваў у англійскай Прэм’ер-лізе 29 жніўня на «Рыбак Стэдыўм(руск.) бел.» у матчы супраць «Болтан Уондэрэрс», які «Ліверпул» прайграў з лікам 0:1[18]. Бачанне поля і добрае валоданне пасам дазволілі Алонса стаць адным з асноўных ігракоў у паўабароне «Ліверпула», а яго запамінальныя дакладныя далёкія пасы і відовішчныя магутныя ўдары зрабілі Алонса ўлюбёнцам заўзятараў «чырвоных». Свой першы гол у Англіі Хабі забіў са штрафнога ў браму «Фулхэма» 16 кастрычніка[19], да перапынку таго матча «Ліверпул» прайграваў 0:2, але потым пасля выхаду Алонса на замену пераламаў ход гульні, перамогшы з лікам 4:2.

    1 студзеня 2005 года ў выніку сутыкнення з Фрэнкам Лэмпардам з «Чэлсі» Алонса зламаў шчыкалатку і на тры месяцы выбыў з гульні. Вярнуўшыся да вырашальных матчаў плэй-офф Лігі чэмпіёнаў, ён вельмі дапамог камандзе, калі з-за траўмы не мог гуляць капітан «Ліверпула», Стывен Джэрард[20]. У фінальным матчы супраць «Мілана» Алонса зраўняў лік, а потым «Ліверпул» перамог у серыі пенальці[21]. Алонса быў у захапленні ад перамогі, сказаўшы: «Гэта найлепшы момант у маёй прафесійнай кар’еры»[22].

    7 студзеня 2006 года ў матчы Кубка Англіі з клубам «Лутан Таўн» Хабі Алонса забіў самы далёкі гол у гісторыі «Ліверпула», паразіўшы браму саперніка са сваёй паловы поля (мяч праляцеў адлегласць прыкладна ў 60 метраў). Хоць брама «Лутана» была ў гэты момант пустой (брамнік пайшоў у штрафную «чырвоных» на падачу вуглавога), гэта дасягненне Алонса стала прадметам працяглага абмеркавання заўзятараў і прэсы. Таксама паведамлялася, што адзін фанат «Ліверпула» паставіў 200 фунтаў на тое, што ў Хабі да канца сезона атрымаецца забіць са сваёй паловы поля, і выйграў 25 000 фунтаў[23].

    20 верасня 2006 года Алонса зноў адзначыўся далёкім голам, гэтым разам паразіўшы браму «Ньюкасла» ў матчы Прэм’ер-лігі. У выніку Алонса быў прызнаны майстрам далёкіх удараў, Хабі прызнаўся, што адпрацоўвае такія ўдары на трэніроўках[24].

    1 верасня 2007 года яму ўпершыню ў кар’еры атрымалася двойчы за гульню паразіць браму саперніка «Ліверпула» ў Прэм’ер-лізе. Адбылася гэтая падзея ў матчы на ​​"Энфілдзе" супраць «Дэрбі Каўнці», у якім «чырвоныя» перамаглі з лікам 6:0[25][26]. Алонса адкрыў лік у гэтым матчы, на 25-й хвіліне ўдарам са штрафнога з адлегласці ў 50 метраў паразіўшы браму гасцей. У другім тайме баск вызначыўся яшчэ раз, прабіўшы з-за межаў штрафной плошчы. Гэты гол стаў для «Ліверпула» чацвёртым у дадзеным паядынку.

    «Рэал Мадрыд»

    У матчы за мадрыдскі «Рэал» у Лізе чэмпіёнаў
    У матчы за мадрыдскі «Рэал» супраць «Вальядаліда»

    Улетку 2009 года мадрыдскі «Рэал» пачаў актыўна праводзіць трансферы вядомых ігракоў; адной з мэт каманды стаў Алонса. Нягледзячы на тое, што трэнер «Ліверпула» Рафаэль Бенітэс неаднаразова паведамляў пра тое, што клуб не мае намер прадаваць Хабі[27][28][29], прадстаўнікі «Рэала» ціснулі на «чырвоных», увесь час заяўляючы праз прэсу пра тое, што ігрок ім вельмі патрэбен. Пры гэтым «вяршковыя» адмовіліся згаджацца з мінімальнай сумай адступных (каля 35 мільёнаў фунтаў), якую патрабаваў за футбаліста «Ліверпул». «Рэал» назваў яе «празмеру вялікай» за «іграка, якому няма замены»[30] і прыстрашыўшы зусім адмовіцца ад угоды[31], і гэта пры тым, што незадоўга да таго мадрыдскі клуб выдаткаваў 93,5 і 63,5 мільёнаў еўра на Крыштыяну Раналду і Кака адпаведна.

    Пасля двух месяцаў лета, цягам якіх цягнуліся перамовы паміж клубамі, 30 ліпеня Алонса афіцыйна запытаў трансфер[32]. 4 жніўня было дасягнута пагадненне паміж клубамі пра суму кампенсацыі[33], а праз яшчэ два дні ігрок быў прададзены ў «Рэал», прыкладная сума трансферу склала 30 мільёнаў фунтаў. Меркавалася, што галоўнай прычынай сыходу Алонса сталі яго напружаныя адносіны з Бенітэсам. Але ў сваім першым інтэрв’ю пасля пераходу паўабаронца сказаў, што канфлікту ў іх не было, і паведаміў, што хацеў стаць часткай «мадрыдскага праекта»[34].

    У першым сезоне за «Рэал» Хабі выступаў пад нумарам «22». Дэбют Хабі ў «Рэале» адбыўся ў матчы з «Дэпартыва». Хабі правёў на поле ўсе 90 хвілін. Свой першы гол у футболцы «Рэала» Алонса забіў у браму «Вільярэала» з пенальці на 87-й хвіліне[35]. У матчы супраць «Севільі» Хабі адкрыў лік за гасцей аўтаголам на 10 хвіліне. Наступны гол Хабі забіў у браму «Спортынга». У матчы супраць «Атлетыка» Хабі забіў гол на 49-й хвіліне і аддаў галявы пас на 55-й.

    У тым сезоне Алонса стаў ключавым іграком у цэнтры паўабароны «Рэала». Алонса гуляў добра не толькі ў чэмпіянаце, але і ў Лізе чэмпіёнаў. Усяго ў сезоне 2010/11 Хабі Алонса згуляў 52 матчы і забіў адзін мяч[36].

    Чэмпіёнскі для «Рэала» сезон Хабі пачаў у добрай форме. Ён паказваў стабільную гульню як у абароне, так і ў нападзе, выступаючы стваральнікам атак каманды.

    Сезон 2012/13 атрымаўся для іспанца не вельмі ўдалым. З-за траўмаў ён выбываў з гульняў на немалыя тэрміны. Становішча пагоршылася і пасля канфлікту каманды з трэнерам Жазэ Маўрынью. У сярэдзіне сакавіка 2013 года з’явіліся паведамленні пра тое, што Алонса не збіраецца падаўжаць кантракт з кіраўніцтвам «Рэала», які мінае па заканчэнні сезона 2013/14. Аднак у пачатку студзеня 2014 года Хабі падоўжыў кантракт да чэрвеня 2016 года[37][38][39].

    У матчы за мюнхенскую «Баварыю» супраць маскоўскага ЦСКА

    «Баварыя»

    29 жніўня 2014 года Алонса перайшоў у склад нямецкай «Баварыі», падпісаўшы з клубам двухгадовы кантракт[40]. Кантракт падпісаны на 2 гады[41]. У новым клубе Алонса атрымаў футболку з нумарам 3. Дэбютаваў на наступны дзень у матчы супраць «Шальке 04», які скончыўся ўнічыю 1:1[42]. 27 верасня 2014 года ў матчы супраць «Кёльна» Алонса пабіў рэкорд па колькасці пасаў за матч Бундэслігі, 196[43]. 18 кастрычніка 2014 года іспанец аформіў першы гол за «Баварыю», забіўшы са штрафнога мяч у браму «Вердэра». Матч скончыўся з лікам 6:0[44].

    17 лютага 2015 года, у яго 100-ым матчы ў Лізе чэмпіёнаў, Алонса быў выключаны з гульні за другую жоўтую картку пры ліку 0:0 супраць данецкага «Шахцёра»[45]. У другім матчы Алонса вярнуўся[46], «Баварыя» перамагла 7:0[47]. Алонса забіў свой чацвёрты гол у Лізе чэмпіёнаў са штрафнога ў матчы супраць «Порту» ў чвэрцьфінале. «Баварыя» выйграла 6:1 і чацвёрты раз запар прайшла ў паўфінал.

    28 красавіка 2015 года Алонса стаў адным з чатырох ігракоў «Баварыі»-чэмпіёнаў свету, якія прайгралі «Барусіі» паўфінал Кубка Германіі па футболе(руск.) бел.[48]. Ён таксама быў адзіным іграком, які не забіў пенальці ў Суперкубку 2015(руск.) бел. супраць «Вольфсбурга», яго ўдар быў адбіты Кунам Кастэлсам(руск.) бел.[49].

    Летам 2015 года змяніў нумар 3 на 14, пасля сыходу Клаўдзіа Пісара(руск.) бел..

    18 снежня 2015 года Алонса падпісаў новы кантракт з «Баварыяй» да 2017 года[50]. У студзені 2017 года абвясціў аб завяршэнні кар’еры па заканчэнні сезона 2016/17[6]. 20 мая 2017 года згуляў свой апошні афіцыйны матч, калі выйшаў у асноўным складзе «Баварыі» ў матчы апошняга тура Бундэслігі супраць «Фрайбурга» (4:1). У гэтым матчы ён адзначыўся галявой перадачай на Ар’ена Робена і быў заменены на 82-й хвіліне на Франка Рыберы. Усяго за тры гады ў Германіі Хабі Алонса тройчы стаў чэмпіёнам краіны, выйграў Кубак і Суперкубак Германіі.

    Міжнародная кар’ера

    Алонса забівае гол у чвэрцьфінале Еўра-2012 супраць Францыі

    Еўра-2004

    Упершыню за зборную Іспаніі Алонса згуляў 30 красавіка 2003 года ў таварыскім матчы супраць зборнай Эквадора, ва ўзросце 22 гадоў. На Еўра-2004 Алонса быў заменены ў матчы з Расіяй пры ліку 1:0, згуляў усе 90 хвілін супраць Партугаліі, дзе яго каманда саступіла з лікам 0:1. У выніку іспанцы не прайшлі групавы этап[51][52].

    ЧС-2006

    На чэмпіянаце свету ў Германіі Хабі Алонса 14 чэрвеня 2006 года забіў свой першы гол за зборную ў браму зборнай Украіны[53]. Нягледзячы на паспяховы выступ на групавой стадыі, дзе Іспанія выйграла ўсе свае гульні, каманда была выбіта будучымі фіналістамі, французамі, у 1/8 фіналу[54].

    Еўра-2008

    На Еўра-2008, якое аказалася паспяховым для іспанцаў, Алонса быў капітанам зборнай у апошняй гульні групавога этапу супраць Грэцыі, стаў іграком матча[55]. Іспанія выйграла турнір, а Алонса згуляў у чатырох з шасці матчаў за зборную[56].

    ЧС-2010

    На ЧС-2010 Хабі Алонса браў удзел ва ўсіх матчах зборнай Іспаніі, гуляючы разам з Серхіа Бускетсам і Хаві ў цэнтры поля, і дапамог зборнай заваяваць першы трафей Кубка свету[57]. На 28-й хвіліне апошняй гульні супраць Нідэрландаў ён атрымаў удар у грудзі ад галандскага паўабаронцы Найджэла дэ Ёнга(бел. (тар.)) бел.. Фол быў спрэчным, здавалася, што парушэнне заслугоўвае непасрэднай чырвонай карткі, але Говард Уэб(англ.) бел. абмежаваўся жоўтай[58]. Нягледзячы на боль, ён дагуляў увесь матч.

    Еўра-2012

    На Еўра-2012 23 чэрвеня 2012 года Хабі Алонса згуляў свой 100-ы матч за Іспанію[59] ў чвэрцьфінале супраць Францыі, у якім ён забіў абодва мячы і прынёс перамогу Іспаніі.

    ЧС-2014

    Перад ЧС-2014 Хабі Алонса прыняў рашэнне завяршыць выступы за зборную Іспаніі па завяршэнні турніру[60]. На самым «мундыялі» Алонса адкрыў лік у першым матчы групавога этапу са зборнай Нідэрландаў, аднак матч скончыўся паражэннем іспанцаў з лікам 1:5. У другім матчы Іспанія затым прайграла 2:0 зборнай Чылі. У гэтым матчы Алонса атрымаў жоўтую картку і быў заменены ў перапынку, калі лік ужо быў 2:0. Трэці матч Іспанія выйграла апошні матчы супраць Аўстраліі і заняла трэцяе месца ў групе; Алонса згуляў 83 хвіліны ў матчы.

    Алонса скончыў міжнародную кар’еру 27 жніўня 2014 года[61]. Усяго за зборную сваёй краіны Хабі Алонса правёў 114 гульняў і забіў 16 мячоў, выйграўшы ў складзе нацыянальнай каманды два чэмпіянаты Еўропы (2008, 2012), чэмпіянат свету (2010) і стаў бронзавым прызёрам Кубка канфедэрацый (2009).

    Зборная Краіны Баскаў

    Алонса дэбютаваў у зборнай Краіны Баскаў(англ.) бел. у таварыскім матчы супраць Ганы 29 снежня 2001 года[62] і атрымліваў рэгулярныя выклікі, але з-за шчыльнага графіка ў клубе не заўсёды меў магчымасць з’яўляцца. 29 снежня 2012 года Алонса з’явіўся на полі ў матчы зборнай Краіны Баскаў з Балівіяй, які быў выйграны пірэнейцамі 6:1[63].

    Стыль гульні

    Алонса адрозніваецца на поле добрай тэхнікай, а таксама пастаўленым ударам, што дазваляе забіваць галы з далёкіх дыстанцый, а сіла ўдару дазваляе яму віртуозна выконваць штрафныя ўдары. У матчы Кубка Англіі супраць «Лутан Таўн» у студзені 2006 года ён забіў два галы з далёкай дыстанцыі, адзін з якіх — ударам прыкладна з 60 метраў. У верасні 2006 года Алонса забіў яшчэ адзін гол са сваёй паловы поля ў матчы Прэм’ер-лігі супраць «Ньюкасл Юнайтэд»[64].

    Хабі як плэймэйкер валодае дакладным пасам і валодае добрым бачаннем поля, што дазваляе аддаваць якасныя перадачы на далёкія адлегласці.

    Як заўзятар я б сказаў, што Хабі вялікі ігрок. Я думаю, што ён з’яўляецца найлепшым распасоўшчыкам у Еўропе.— Прэзідэнт «Рэала», Фларэнтына Перэс(англ.) бел., чэрвень 2009[65].

    Былы партнёр Хабі па «Ліверпулу» Стывен Джэрард на пытанне «каго Вы б хацелі вярнуць з былых партнёраў?» Стыві адказаў, што менавіта Алонса ён бы хацеў вярнуць, калі гэта было б магчыма. Бачанне поля і добрае валоданне пасам дазволілі Алонса стаць адным з асноўных ігракоў у паўабароне «Ліверпула», а яго запамінальныя дакладныя далёкія пасы і відовішчныя далёкія ўдары зрабілі Алонса ўлюбёнцам заўзятараў «чырвоных». У складзе зборнай Іспаніі Хабі з’яўляўся штатным пенальцістам. Пры гэтым штрафныя выконвае досыць рэдка.

    Трэнерская кар’ера

    У 2018 годзе стаў трэнерам юнацкай каманды мадрыдскага «Рэала». У 2019 годзе атрымаў трэнерскую ліцэнзію катэгорыі Pro, у чэрвені стала вядома пра прызначэнне Хабі Алонса галоўным трэнерам другой каманды «Рэал Сасьедада»[66].

    5 кастрычніка 2022 года ўзначаліў нямецкі «Баер 04»[67].

    Асабістае жыццё

    Былыя партнёры па «Ліверпулу» лічылі Алонса ціхім і спакойным чалавекам[68]. Ён жанаты з Нагорай Арамбулу, у пары трое дзяцей. 11 сакавіка 2008 года нарадзілася першае дзіцё — сын Ёнчу[69].

    Алонса прапусціў матч Лігі чэмпіёнаў з «Інтэрам», застаўшыся ў Ліверпуле з-за нараджэння дзіцяці, ён скаментаваў гэта, сказаўшы:

    " Было крыху непрыемна прапусціць матч супраць «Інтэра», але я павінен быў быць са сваёй сям'ёй у такі час[70]. "
    Яго рашэнне аддаць перавагу сям’і перад Лігай чэмпіёнаў выклікала мноства канфліктаў з трэнерам, Рафай Бенітэсам[[71]](/Хабі_Алонса#cite_note-73)[[72]](/Хабі_Алонса#cite_note-74)[[73]](/Хабі_Алонса#cite_note-75). [30 сакавіка](/30_сакавіка "30 сакавіка") [2010](/2010 "2010") года ў пары нарадзілася другое дзіцё, дзяўчынка па імі Ані Алонса Аранбуру[[74]](/Хабі_Алонса#cite_note-76). Іх трэцяе дзіцё і другая дачка, Эма Алонса Aранбуру, нарадзілася [2 снежня](/2_снежня "2 снежня") [2013](/2013 "2013") года[[75]](/Хабі_Алонса#cite_note-77).

    Алонса і Артэта былі суседзямі, калі жылі ў Сан-Себасцьяне, а таксама жылі побач у Ліверпуле[76]. Алонса пераканаў Артэту перайсці ў «Эвертан», расказаўшы яму, як ён шчаслівы ў Ліверпуле[77]. Алонса таксама ў 2004 годзе пераканаў былога напарніка па «Рэал Сасьедадзе», Хуана Угартэ, далучыцца да клуба «Рэксем»(англ.) бел.[78].

    Алонса з’яўляецца прыхільнікам каманды «Meath GAA»(англ.) бел. па гэльскім футболе(англ.) бел.[79]. Яго цікавасць да ірландскага спорту з’явілася ў 15-гадовым узросце, калі ён адправіўся ў ірландскі горад Келс(англ.) бел., каб вывучыць англійскую мову[9].

    Нават гуляючы за «Рэал Мадрыд», Алонса абвясціў сябе прыхільнікам «Ліверпула». Ён сказаў, што вяртаецца, каб глядзець гульні на «Энфілдзе», калі ён свабодны час. The Times Online працытавала: «Я да гэтага часу фанат Ліверпула і буду ім заўсёды», і што яго сын таксама стане прыхільнікам «чырвоных»[80].

    Статыстыка выступленнняў

    Клубная

    Станам на 28 мая 2017 года

    Клуб Сезон Ліга Кубак1 Кубак лігі Еўракубкі Іншыя² Усяго
    ГульніГалыГульніГалыГульніГалыГульніГалыГульніГалыГульніГалы
    Рэал Сасьедад 1999/2000 5010-00-60
    Усяго 5010-00-60
    Эйбар 2000/2001 14040-00-180
    Усяго 14040-00-180
    Рэал Сасьедад 2000/2001 18000-00-180
    2001/2002 29300-00-293
    2002/2003 33310-00-343
    2003/2004 34300-81-424
    Усяго 1149100081-12310
    Ліверпул 2004/2005 242000081-323
    2005/2006 353520010030535
    2006/2007 324102015010514
    2007/2008 192301040-272
    2008/2009 3343010101-475
    Усяго 14315122404724021019
    Рэал Мадрыд 2009/2010 34300-70-413
    2010/2011 34071-110-521
    2011/2012 36140-10021522
    2012/2013 28070-10020470
    2013/2014 26070-9000420
    2014/2015 0000-002020
    Усяго 1584251-470612366
    Баварыя 2014/2015 26240-10200404
    2015/2016 26041-8110392
    2016/2017 27330-7010383
    Усяго 795111-253201179
    Усяго за кар’еру 5133354440127612171044

    1 Кубак Англіі, Кубак Іспаніі і Кубак Германіі ² Суперкубак УЕФА, Клубны чэмпіянат свету, Суперкубак Англіі, Суперкубак Іспаніі і Суперкубак Германіі

    Міжнародная статыстыка

    Станам на 1 ліпеня 2014 года

    ЗборнаяСезонМатчыГалы
    Іспанія
    2002/200310
    2003/2004100
    2004/200560
    2005/2006121
    2006/200780
    2007/2008102
    2008/2009144
    2009/2010154
    2010/2011101
    2011/2012163
    2012/201350
    2013/201471
    Разам11416

    Дасягненні

    Клубныя

    Англія «Ліверпул»:

    Іспанія «Рэал»:

    Германія «Баварыя»:

    Міжнародныя

    Іспанія Іспанія:

    Асабістыя

    Зноскі

    1. ↑ Xabi Alonso // Transfermarkt — 2000. Праверана 9 кастрычніка 2017.
    2. ↑ Xabi Alonso // FBref.com
    3. ↑ Хаби Алонсо перешел в «Реал»(руск.) . Sports.ru(руск.) бел. (4 жніўня 2009).
    4. ↑ «Реал» стал победителем Лиги чемпионов(руск.) . Lenta.ru(руск.) бел. (25 мая 2014).
    5. ↑ «Бавария» подписала 2-летний контракт с Алонсо(руск.) . Sports.ru (29 августа 2014).
    6. 1 2 Хаби Алонсо летом завершит карьеру(руск.) . Sports.ru (18 января 2017).
    7. ↑ Ballague, Guillem. Clever Xabi sets the pass mark (нявызн.). The Observer(руск.) бел. (22 мая 2005). Праверана 11 жніўня 2008.
    8. ↑ Fifield, Dominic. Arteta seeks revenge in battle of Basques (нявызн.). The Guardian (25 сакавіка 2006). Праверана 11 жніўня 2008.
    9. 1 2 Reprint of aforementioned article on messageboard (нявызн.). GAA Board (3 студзеня 2008). Праверана 29 July 2014.
    10. ↑ Hunter, Andy. Mikel Arteta: ‘It’s a long way from San Sebastian…’ (нявызн.), The Independent (19 November 2005). Праверана 11 жніўня 2008.
    11. 1 2 Xabi Alonso Profile (нявызн.). Liverpool. Архівавана з першакрыніцы 4 жніўня 2008. Праверана 11 August 2008.
    12. ↑ Abbandonato, Paul. It’s the Real deal for Toshack (нявызн.). Wales Online (Western Mail) (3 ліпеня 2008). Праверана 12 жніўня 2008.
    13. ↑ Lowe, Sid. Sociedad enjoy ride of their lives (нявызн.). The Guardian (4 лістапада 2002). Праверана 11 жніўня 2008.
    14. ↑ Real seal Spanish title (нявызн.), BBC Sport, British Broadcasting Corporation (22 June 2003). Праверана 23 June 2012.
    15. ↑ Real Sociedad drop Alonso (нявызн.), BBC Sport (11 August 2004). Праверана 12 жніўня 2008.
    16. ↑ Alonso makes Anfield move (нявызн.), BBC Sport (20 August 2004). Праверана 12 жніўня 2008.
    17. ↑ Ortego, Enrique. La ‘Rafalution’ entra en la historia del Liverpool (The ‘Rafalution’ becomes part of Liverpool history) (нявызн.). Diario AS (3 лістапада 2008). Праверана 18 лістапада 2008.
    18. ↑ Bolton 1–0 Liverpool (нявызн.), BBC Sport (29 August 2004). Праверана 14 жніўня 2008.
    19. ↑ Fulham 2–4 Liverpool (нявызн.), BBC Sport (16 October 2004). Праверана 14 жніўня 2008.
    20. ↑ Juventus 0–0 Liverpool (нявызн.), BBC Sport (13 April 2005). Праверана 15 жніўня 2008.
    21. ↑ McCarra, Kevin. Red resistance tips the balance (нявызн.). The Guardian (28 красавіка 2005). Праверана 15 жніўня 2008.
    22. ↑ McCarra, Kevin. Liverpool set up Chelsea clash (нявызн.). The Guardian (14 красавіка 2005). Праверана 15 жніўня 2008.
    23. ↑ Fan makes £25,000 on dream goal (нявызн.). Архівавана з першакрыніцы 22 лютага 2012. Праверана 27 мая 2016.
    24. ↑ Liverpool 2-0 Newcastle (нявызн.). Архівавана з першакрыніцы 22 лютага 2012. Праверана 27 мая 2016.
    25. ↑ Jackson, Jamie. Benítez has Liverpool dreaming of a new tilt at the title (нявызн.). The Guardian (2 верасня 2007). Праверана 15 кастрычніка 2008.
    26. ↑ Atkin, Ronald. Liverpool 6 Derby County 0: Torres and Alonso lead Rams to the slaughter (нявызн.). The Independent (2 верасня 2007). Праверана 1 снежня 2011.
    27. ↑ «Официально: Заявление клуба по Алонсо и Маскерано» (нявызн.). Liverbird.ru. Праверана 7 снежня 2013.
    28. ↑ «Бенитес требует верности» (нявызн.). Liverbird.ru. Праверана 7 снежня 2013.
    29. ↑ «Рафа: Продавать Алонсо мы не намерены» (нявызн.). Liverbird.ru. Праверана 7 снежня 2013.
    30. ↑ «„Реал“ не оставляет надежды купить Алонсо» (нявызн.). Liverbird.ru. Праверана 7 снежня 2013.
    31. ↑ «Испанские газеты: Алонсо и Арбелоа — на выход?» (нявызн.). Liverbird.ru. Праверана 7 снежня 2013.
    32. ↑ «Срочно: Алонсо официально запросил трансфер» (нявызн.). Liverbird.ru. Праверана 7 снежня 2013.
    33. ↑ «Срочно и официально: Алонсо в Мадриде!» (нявызн.). Liverbird.ru. Праверана 7 снежня 2013.
    34. ↑ «Первое интервью Шаби Алонсо после ухода из „Ливерпуля“» (нявызн.). Liverbird.ru. Праверана 7 снежня 2013.
    35. ↑ Real Madrid 6 – 2 Villarreal (нявызн.) (недаступная спасылка). ESPN (21 лютага 2010). Архівавана з першакрыніцы 27 лютага 2010. Праверана 24 лютага 2010.
    36. ↑ Irish, Ollie. Cristiano Ronaldo Takes Raul’s No.7 Shirt at Real Madrid, Benzema Moves To No.9, Xabi Alonso Takes No.14 (нявызн.). Whoateallthepies.tv. Праверана 1 снежня 2011.
    37. ↑ “Реал” официально объявил о продлении контракта с Хаби Алонсо(руск.) . Чемпионат.com(руск.) бел. (9 января 2014).
    38. ↑ Xabi Alonso seguirá dos años más en el Real Madrid (нявызн.). Marca(руск.) бел. (1 жніўня 2014).
    39. ↑ Чемпионат Испании. Хаби Алонсо продлил контракт с «Реалом»(руск.) . Евроспорт(руск.) бел. (1 верасня 2014).
    40. ↑ Xabi Alonso completes Bayern switch. FCBayern.de.
    41. ↑ Wechsel perfekt! Xabi Alonso ist jetzt ein Bayer(ням.) . Offizielle Website des FC Bayern München (29 жніўня 2014). Праверана 31 August 2014.
    42. ↑ Schalke 1-1 Bayern Munich: Howedes seals controversial point for hosts. Goal.com
    43. ↑ 5 Incredible Stats That Show How Important Xabi Alonso Is For Bayern Munich (нявызн.). Balls.ie (1 кастрычніка 2014). Праверана 2 October 2014.
    44. ↑ Bayern Mun 6–0 SV Werder Bremen (нявызн.), BBC Sport (18 October 2014). Праверана 19 October 2014.
    45. ↑ Shakhtar Donetsk v Bayern Munich (нявызн.), BBC Sport (17 February 2015). Праверана 17 February 2015.
    46. ↑ Bayern Munich awakening from winter-break hibernation (нявызн.), ESPN FC (23 February 2015). Праверана 23 February 2015.
    47. ↑ FC Bayern düst ins Viertelfinale(нявызн.) , Süddeutsche Zeitung (11 March 2015). Праверана 12 March 2015.
    48. ↑ Bayern Munich 1-1 Borussia Dortmund (нявызн.), BBC (29 April 2015).
    49. ↑ Nicklas Bendtner emerges as Wolfsburg’s unlikely hero in DFL-Supercup (нявызн.), Yahoo (1 August 2015). Праверана 2 August 2015.
    50. ↑ Der FC Bayern verlängert mit vier Superstars(нявызн.) , Die Welt (18 December 2015). Праверана 21 December 2015.
    51. ↑ ЕВРО-2004 (нявызн.). UEFA. Праверана 12 жніўня 2008.
    52. ↑ ЕВРО-2004 (нявызн.) (недаступная спасылка). UEFA. Архівавана з першакрыніцы 2 ліпеня 2017. Праверана 12 жніўня 2008.
    53. ↑ Bulman, Erica. David Villa scores twice as Spain reigns over Ukraine 4–0 (нявызн.). USA Today(руск.) бел. (14 чэрвеня 2006). Праверана 22 жніўня 2008.
    54. ↑ Spain 1–3 France (нявызн.), BBC Sport (26 July 2007). Праверана 22 жніўня 2008.
    55. ↑ Baskett, Simon. Second string Spain too good for Greece (нявызн.). Reuters (18 чэрвеня 2008). Праверана 15 снежня 2008.
    56. ↑ UEFA EURO 2008 (нявызн.). УЕФА. Праверана 13 лістапада 2008.
    57. ↑ FIFA player Statistics: XABI ALONSO (нявызн.) (недаступная спасылка). FIFA. Архівавана з першакрыніцы 22 ліпеня 2015. Праверана 27 мая 2016.
    58. ↑ Joyce, Paul. Xabi Alonso in broken rib fear (нявызн.). the Daily and Sunday Express. Праверана 15 July 2010.
    59. ↑ Xabi Alonso fires Spain to Euro 2012 semifinals (нявызн.) (24 June 2012).
    60. ↑ Хаби Алонсо решил завершить карьеру в сборной Испании по футболу
    61. ↑ Xabi Alonso: Real Madrid midfielder retires from Spain duty (нявызн.). BBC Sport (27 жніўня 2014). Праверана 27 August 2014.
    62. ↑ Euskadi-Ghana (нявызн.). Euskadiko Futbol Federakundea (29 снежня 2001). Праверана 30 August 2014.
    63. ↑ La Euskal Selekzioa arrolla a Bolivia (нявызн.). Euskadiko Futbol Federakundea (20 снежня 2012). Праверана 30 August 2014.
    64. ↑ Hughes, Ian. Liverpool 2–0 Newcastle (нявызн.), BBC Sport (20 September 2006). Праверана 14 жніўня 2008.
    65. ↑ Профиль Хаби Алонсо (нявызн.). espnfc.com. Праверана 8 снежня 2013.
    66. ↑ Хаби Алонсо возглавил дубль «Реал Сосьедада»(руск.) . by.tribuna.com (1 чэрвеня 2019). Праверана 1 жніўня 2019.
    67. ↑ Футбол. Бывший полузащитник сборной Испании Хаби Алонсо стал главным тренером “Байера”(руск.) . pressball.by (5 кастрычніка 2022). Праверана 8 кастрычніка 2022.
    68. ↑ The Good Life: Real Madrid and Spain midfielder Xabi Alonso (нявызн.) (недаступная спасылка). Goal.com (3 снежня 2008). Архівавана з першакрыніцы 10 студзеня 2015. Праверана 1 снежня 2011.
    69. ↑ Football player Xabi Alonso and girlfriend welcome first child, a son(англ.)  . Праверана 27 мая 2016.
    70. ↑ Xabi Alonso: “Fue un poco frustrante no jugar, pero tenía que estar con mi familia” (It was a little frustrating to miss the match, but i had to be with my family)(ісп.)   (нявызн.)?. El Mundo (13 сакавіка 2008). Праверана 4 лістапада 2008.
    71. ↑ Wallace, Sam. Alonso left at home after Benítez tires of baby talk (нявызн.), The Independent (11 March 2008). Праверана 4 лістапада 2008.
    72. ↑ Thomas, Phil. That’s yer tot, Alonso (нявызн.). The Sun (11 сакавіка 2008). Праверана 4 лістапада 2008.
    73. ↑ Martín, Luis. La paternidad de Xabi Alonso provoca un lío en Anfield (Xabi Alonso’s fatherhood whips up a storm at Anfield)(ісп.)   (нявызн.)?. El Pais (12 сакавіка 2008). Праверана 4 лістапада 2008.
    74. ↑ Nagore Aranburu Alonso- Real Madrid player Xabi Alonso’s pretty wife (нявызн.). Fabwags.
    75. ↑ Xabi Alonso y Nagore Aramburu ya tienen la familia numerosa con el nacimiento de Emma (нявызн.) (недаступная спасылка). Vanitatis. Архівавана з першакрыніцы 8 снежня 2013. Праверана 27 мая 2016.
    76. ↑ Ducker, James. Arteta puts friendship on hold as Everton eye Europe (нявызн.), The Times (25 March 2006). Праверана 14 жніўня 2008.
    77. ↑ Prentice, David. Mikel Arteta and Xabi Alonso’s special bond put on hold in Everton-Liverpool derby (нявызн.). Liverpool Echo (26 верасня 2008). Праверана 4 лістапада 2008.
    78. ↑ Rice, Jimmy. Xabi Alonso: The Big Interview (нявызн.). Liverpool (18 студзеня 2007). Архівавана з першакрыніцы 18 верасня 2007. Праверана 15 жніўня 2008.
    79. ↑ Meath Kop big fan in Alonso (нявызн.). Sunday Mirror (20 студзеня 2008). Праверана 29 July 2014.
    80. ↑ Alonso: My son’s a Red (нявызн.). Liverpool (4 красавіка 2011). Праверана 5 April 2011.(недаступная спасылка)
    81. ↑ GQ назвал Хаби Алонсо спортсменом года (нявызн.). pinkfootball.ru. Праверана 7 снежня 2013.

    Спасылкі

    Тэмы гэтай старонкі (30):
    Катэгорыя·Чэмпіёны Еўропы па футболе
    Катэгорыя·Вікіпедыя·Спасылка на Вікісховішча непасрэдна ў артыкуле
    Катэгорыя·Ігракі ФК Эйбар
    Катэгорыя·Асобы
    Катэгорыя·Нарадзіліся 25 лістапада
    Катэгорыя·Чэмпіёны свету па футболе
    Катэгорыя·Футбольныя трэнеры паводле алфавіта
    Катэгорыя·Вікіпедыя·Артыкулы з пераазначэннем значэння з Вікідадзеных
    Катэгорыя·Футбалісты паводле алфавіта
    Катэгорыя·Футбалісты Іспаніі
    Катэгорыя·Ігракі ФК Ліверпул
    Катэгорыя·Ігракі зборнай Іспаніі па футболе
    Катэгорыя·Футбольныя трэнеры Іспаніі
    Катэгорыя·Нарадзіліся ў 1981 годзе
    Катэгорыя·Трэнеры ФК Баер 04
    Катэгорыя·Вікіпедыя·Запыты на пераклад з рускай
    Катэгорыя·Вікіпедыя·Запыты на пераклад з тарашкевіцы
    Катэгорыя·Вікіпедыя·Біяграфіі сучаснікаў
    Катэгорыя·Старонкі з няправільным сінтаксісам спасылак на крыніцы
    Катэгорыя·Вікіпедыя·Добрыя артыкулы пра спорт
    Катэгорыя·Нарадзіліся ў правінцыі Гіпускаа
    Катэгорыя·Вікіпедыя·Добрыя артыкулы паводле алфавіта
    Катэгорыя·Вікіпедыя·Добрыя артыкулы пра асоб
    Катэгорыя·Ігракі ФК Рэал Мадрыд
    Катэгорыя·Ігракі ФК Рэал Сасьедад B
    Катэгорыя·Ігракі ФК Баварыя Мюнхен
    Катэгорыя·Вікіпедыя·Артыкулы з крыніцамі з Вікідадзеных
    Катэгорыя·Ігракі ФК Рэал Сасьедад
    Катэгорыя·Спартсмены паводле алфавіта
    Катэгорыя·Вікіпедыя·Артыкулы з непрацоўнымі спасылкамі