wd wp Пошук:
    ⬜

    Астэапароз

    Астэапароз (стар.-грэч.: ὀστέον + πόρος — косць + кіпра) — разрэжанне касцявой тканкі шкілета праз страту кальцыю з утварэннем у ёй пустотаў. Ускладненне хваробы вядзе да пералому(англ.) бел. шыйкі сцягна(англ.) бел. і пазваночніка, што ўяўляе смяротную пагрозу.

    Папярэджанне

    Прадухіленню немачы спрыяе багатая на кальцый ежа: малочныя вырабы ёгурт, кефір, сыр і тварог)[3], зялёная гародніна (аліўкі(бел.) бел., брокалі(англ.) бел., кроп, ліставая салата, пятрушка, сельдэрэй і цыбуля), арэхі (мігдалы), бабовыя (соя і фасоля), грэчка, інжыр, капуста, абрыкос, морква, рыба (гарбуша(англ.) бел., лешч і судак), семкі кунжута і сланечніка, цытрусавыя, шпінат і халва[4]. Для засвойвання кальцыю варта 20 хвілінаў штодня знаходзіцца на сонцы і ўжываць багатую на вітамін D(англ.) бел. ежу (рыбін тлушч і марская рыба, сметанковае масла і яечны жаўток). Дзеля захавання кальцыю ў касцях варта ўнікаць ужывання жывёльнага тлушчу, кавы і солі. Косцеўтварэнню спрыяюць аэробіка(англ.) бел., бег, плаванне, расцяжка, танцы[5], тэніс і хуткая хада(англ.) бел.. Шчыльнасці косці спрыяюць 50 скачкоў на месцы штодня.

    Чыннікі

    Да ўзнікнення хваробы вядзе маларухомы лад жыцця(англ.) бел., нізкая вага, паленне, піццё кавы, газаваных і спіртовых напояў[6], працяглы прыём лекаў (стэроідныя гармоны і тэтрацыкліны(англ.) бел.). Ускладненні наступных хвароб таксама спрыяюць развіццю немачы: рэўматычныя(англ.) бел. (рэўматоідны артрыт(англ.) бел., сістэмная чырвоная ваўчанка(англ.) бел., анкілазавальны спандыліт) і эндакрынныя хваробы (сіндром Iцэнкі—Кушынга(англ.) бел., гіперпаратырэоз(англ.) бел., гіпертырэоз(англ.) бел.), захворванні страўнікава-кішачнага тракта з парушэннем усмоктвання, хваробы нырак (хранічная ныркавая недастатковасць(англ.) бел.) і імпатэнцыя[7].

    Праявы

    Хвароба выяўляецца праз боль у паяснічнай вобласці, крыжы(англ.) бел. і тазасцегнавых суставах(англ.) бел., адчуванне цяжару між лапатак, мышачную млявасць i парушэнне хады, боль і дэфармацыю галёнкаступнёвых суставаў, прыпухласць і боль у ступнях[8]. Таксама адзначаецца змяншэнне росту, скрыўленне пазваночніка, сутаргі ў нагах, ломкасць i слаенне пазногцяў[9], пасівенне валасоў і выпадзенне зубоў[10].

    Зноскі

    1. 1 2 Disease Ontology — 2016. Праверана 15 мая 2019.
    2. 1 2 3 Monarch Disease Ontology release 2018-06-29sonu — 2018-06-29 — 2018. Праверана 28 ліпеня 2018.
    3. ↑ Таццяна Палубятка Піце, дарослыя, малако – будзеце здаровыя. — Шчучынская газета «Дзянніца», 15 чэрвеня 2011.
    4. ↑ Вольга Цыбульская. Нас не зломіш // Краіна здароўя. — 1 кастрычніка 2009. — № 39 (151). — С. 5.
    5. ↑ Вольга Цыбульская. Пры астэапарозе чалавек можа «стаптацца» аж на 10—15 см // Краіна здароўя. — 12 жніўня 2010. — № 39 (208). — С. 5.
    6. ↑ Таццяна Дарашчонак Пачаў работу сайт Беларускага грамадскага аб’яднання «Пераможам астэапароз разам». — БелаПАН, 17 сакавіка 2008.
    7. ↑ Святлана Барысенка. Затрымайся, кальцый // Звязда : Газета. — 28 лютага 2013. — № 39 (27404). — С. 6. — ISSN 1990-763x.
    8. ↑ Увага – астэапароз // Звязда : Газета. — 29 кастрычніка 2005. — № 212 (25544). — ISSN 1990-763x.
    9. ↑ Вольга Цыбульская. Астэапароз // Звязда : Газета. — 9 чэрвеня 2007. — № 106 (25971). — ISSN 1990-763x.
    10. ↑ Святлана Хорсун. Асцярожна: астэапароз, або Чаму трухлявеюць косці // Мінская праўда : Газета. — 19 лютага 2011. — № 32-33. — С. 9.

    Спасылкі

    commons: Астэапароз на Вікісховішчы
    Тэмы гэтай старонкі (6):
    Катэгорыя·Вікіпедыя·Артыкулы з пераазначэннем значэння з Вікідадзеных
    Катэгорыя·Вікіпедыя·Спасылка на Вікісховішча непасрэдна ў артыкуле
    Катэгорыя·Метабалічныя захворванні
    Катэгорыя·Захворванні апорна-рухальнага апарата чалавека
    Катэгорыя·Захворванні паводле алфавіта
    Катэгорыя·Вікіпедыя·Артыкулы з крыніцамі з Вікідадзеных