Капуста, Бручка, Гарчыца[3] (Brassica) — род раслін сямейства капуставыя (Brassicaceae) (раней крыжакветныя (Cruciferae)), да якога адносяцца такія вядомыя расліны, як капуста агародная (Brassica oleracea), гарчыца чорная (Brassica nigra), рэпа (Brassica rapa) і бручка (Brassica napobrassica var. napobrassica).
Навуковая назва роду паходзіць ад лацінскай назвы капусты — brassica, якая, у сваю чаргу, заснавана на кельцкім слове bresic — таксама капуста.
Налічваюць да 50 відаў капусты, распаўсюджаных пераважна ў Міжземнамор’і, а таксама ў Сярэдняй Еўропе, Цэнтральнай і Усходняй Азіі. У Амерыцы яе няма: у культуры там маюцца толькі вывезеныя з Еўропы.
На Беларусі ў дзікай прыродзе 3 віды: свірэпіца (Brassica campestris), гарчыца сарэпцкая (Brassica juncea) і гарчыца чорная (Brassica nigra)[4].
Аднагадовыя, двухгадовыя і шматгадовыя травы з пёрыста-паасобным або лопасцевым лісцем.
Чашалісцікі растапыраныя або прыўзнятыя гарызантальна; пялёсткі доўганагатковыя, жоўтыя ці белыя, з адваротна-авальным адгінам, часам з фіялетавымі жылкамі. Тычынкі свабодныя, без зубцоў. Усярэдзіне ля аснавання кароткіх тычынак па адной большай часткай пупышкападобнай мядовай залозцы і па адной вялікай залозцы перад кожнай парай доўгіх тычынак. Завязь сядзячая. Слупок кароткі. Лычык вялікі, плоска-галоўчаты, больш-менш двухлопасцевы[5].
Плод — струк лінейнай формы з цыліндрычным слупком ці канчаецца канічным або шылападобным наканечнікам, пустым або з насеннем. Створкі струка з ясна выяўленай сярэдняй жылкай і менш яснымі бакавымі палоскамі, якія пераплятаюцца. Перагародка з тоўстымі хвалістымі сценкамі клетак эпідэрмісу[5]. Насенне шарападобнае або яйкападобныя, размешчанае ў адзін шэраг. Карэньчык зародка ляжыць у жалабку, утвораным складзенымі ўздоўж семядолямі[5].
Род уключае каля 40 відаў[6]. Асноўныя віды, падвіды і разнавіднасці[7]:
Brassica ×harmsiana O.E.Schulz, гібрыд бручкі і рэпы
Brassica napus L. — Рапс[5]:462
Brassica oleracea var. alboglabra (L.H.Bailey) Musil
Brassica oleracea var. botrytis L.
Brassica oleracea var. capitata L.
Brassica oleracea var. costata DC.
Brassica oleracea var. italica Plenck
Brassica oleracea var. medullosa Thell.
Brassica oleracea var. oleracea
Brassica oleracea var. palmifolia DC.
Brassica oleracea var. ramosa DC.
Brassica oleracea var. sabauda L.
Brassica oleracea var. sabellica L.
Brassica oleracea var. viridis L.
Brassica rapa L. — Рэпа, ці Турнэпс
Brassica rapa subsp. campestris (L.) A.R.Clapham — Капуста палявая, свірэпа
Brassica rapa subsp. chinensis (L.) Hanelt
Brassica rapa subsp. dichotoma (Roxb.) Hanelt
Brassica rapa subsp. japonica Shebalina
Brassica rapa subsp. narinosa (L.H.Bailey) Hanelt
Brassica rapa subsp. nipposinica (L.H.Bailey) Hanelt
Brassica rapa subsp. pekinensis (Lour.) Hanelt
Brassica rapa subsp. rapa
Brassica rapa subsp. rapifera — Турнэпс
Brassica rapa subsp. trilocularis (Roxb.) Hanelt