wd wp Пошук:
    ⬜

    ФК Дынама Брэст

    У паняцця ёсць і іншыя значэнні, гл. Дынама.

    «Дынама» — беларускі футбольны клуб з горада Брэст. Заснаваны ў 1960 годзе. Трывалы ўдзельнік усіх суверэнных чэмпіянатаў Вышэйшай лігі чэмпіянату Беларусі з яе заснавання ў 1992 годзе. Чэмпіён Беларусі (2019), бронзавы прызёр (1992), трохразовы ўладальнік Кубка Беларусі (2007, 2017, 2018), трохразовы ўладальнік Суперкубка Беларусі (2018, 2019, 2020). Першы беларускі футбольны клуб, які двойчы раз запар перамагаў у Кубку Беларусі па футболе.

    У канцы 2010-х гадоў самы наведваемы клуб Беларусі, адзін з самых папулярных клубаў Беларусі[1][2].

    Назвы клуба

    Эмблемы

    Гісторыя

    Брэсцкі футбольны клуб быў заснаваны ў 1960 годзе пад імем «Спартак» і дэбютаваў у другім дывізіёне чэмпіянату СССР (клас «Б»). З часу свайго стварэння каманда некалькі разоў мяняла назву. Да 1972 года яна называлася «Спартак». З 1973 па 1975 — «Буг». А з 1976 — «Дынама» (акрамя сезона-2012, калі каманда называлася «Брэст»).

    У саюзныя часы каманда вялікую частку часу выступала ў трэцім дывізіёне першынства СССР і з’яўлялася моцным серадняком. Брэсцкае «Дынама» ў савецкія гады мела цесныя сувязі з мінскім «Дынама» (паколькі абодва клубы былі звязаны са спартыўным таварыствам «Дынама») і часта прымала маладых гульцоў мінскай каманды на правах арэнды.

    У 1992 годзе дынамаўцы дэбютавалі ў чэмпіянаце Беларусі і адразу ж апынуліся на п’едэстале, заваяваўшы бронзавыя медалі. Але потым Дынама Брэст у нацыянальным першынстве было серадняком. У апошнія гады з’яўляецца адным з флагманаў беларускага футболу: 3-кратны ўладальнік Кубка Беларусі (2007, 2017, 2018), 3-кратны ўладальнік Суперкубка Беларусі (2018, 2019, 2020), чэмпіён Беларусі (2019).

    У часы БССР/СССР

    У СССР каманда чатыры сезоны выступала ў першай лізе (1960-62, да рэарганізацыі, і адзін сезон у 1969 годзе), увесь астатні час — у другой лізе (клас «А»), з рознымі камандамі заходніх рэспублік СССР і РСФСР.

    1960—1972: «Спартак»

    Клуб у 1960 — у год заснавання — далучыўся да Савецкага класа В (ліга другога ўзроўню). Разам з ім яшчэ чатыры футбольных калектываў Беларусі былі ўключаныя ў першую зону класа «Б»: Ураджай (футбольны клуб, Мінск) (цяпер не існуе), Чырвоны сцяг (Віцебск), Хімік (Магілёў), Лакаматыў (Гомель).

    Пасля сезона 1962 года клуб пераведзены на ранг ніжэй, у выніку рэарганізацыі лігі. Двойчы ў 1964 і 1967 гадах клуб быў блізкі да прасоўвання ў лігу вышэй, але абодва разы прайграў фінальны раўнд. З трэцяй спробы ў 1969 годзе трапіў ў другую па рангу лігу СССР, але ў наступным годзе зноў апусціўся на трэці ўзровень з-за рэарганізацыі лігі.

    У 1969 годзе выступ брэсцкіх спартсменаў быў лепшым у іх гісторыі ў Кубку СССР. Яны атрымалі перамогі з аднолькавым лікам — 1: 0 — з Дынама (Батумі) і Будаўніком (Ашгабад) (цяпер — Капетдаг (Ашгабад)). Больш цяжкім быў матч у г. Фрунзе супраць «Алгі». Пасля асноўнага і дадатковага часу лік заставаўся нічыйным — 2:2. На наступны дзень каманды зноў выйшлі на поле. «Спартак» выйграў у гаспадароў поля — 2: 0.

    У 1/16 фіналу кубка СССР Спартак (Брэст) прымаў ленінградскі «Зеніт». Матч адбыўся 22 траўня ў Берасці. На стадыёне прысутнічала 12 тысяч гледачоў — больш, чым змяшчалі трыбуны. Гэта рэкордная наведвальнасць брэсцкага стадыёна. Значна больш высокаму класу гасцей спартакаўцы супрацьпаставілі самаадданасць і азарт, але стрымлівалі атакі ленінградцаў толькі да 60-й хвіліны. Памылкі абаронцаў прывялі да двух галоў. Мяч у адказ Кандулінскага не выратаваў берасцейцаў. «Зеніт» адбіў штурм, зроблены спартакаўцамі на зыходзе сустрэчы, і выйшаў у 1/8 фіналу[4].

    У занальных матчах 4 зоны гулялі каманды, якія выступалі ў чэмпіянаце СССР 1969 года ў 4 падгрупе другой групы класа «А». Усяго было 4 зоны, у кожнай з якіх быў свой фінал і пераможца. Пераможца кожнай з зон выходзіў у 1/16 кубка СССР.

    Дата Стадыя Каманда 1 Лік Каманда 2
    23.03.19691/4 зоны 4Дынама (Батумі)0:1Спартак (Брэст)
    28.03.19691/2 зоны 4Будаўнік (Ашгабад)0:1Спартак (Брэст)
    19.04.1969фінал зоны 4Алга (Фрунзэ) (Бішкек)2:2 д.ч.Спартак (Брэст)
    20.04.1969фінал зоны 4, перагулёўкаАлга (Фрунзе)0:1Спартак (Брэст)
    22.05.19691/16Спартак (Брэст)1:2Зеніт (Ленінград)

    З 1970 года і да канца савецкай эпохі клуб выступаў у савецкай лізе трэцяга ўзроўню.

    1973—1975: «Буг»

    Каманда была перададзена Брэсцкаму электрамеханічнаму заводу і атрымала назву «Буг». У 1973 годзе не пайшло на карысць і новаўвядзенне — пасляматчавыя пенальці. Дзевяць разоў каманда завяршала матчы ўнічыю, але ў шасці выпадках гульцы няўдала выконвалі серыі 11-метровых удараў.

    1976—1991: «Дынама»

    Каманда з Брэста была перададзена спортаграмадству «Дынама» і стала базавай для ФК Дынама Мінск. Галоўнай задачай калектыву стала падрыхтоўка рэзерву для флагмана беларускага футбола. З Мінска прыехаў вядомы футбаліст, заслужаны майстар спорту Эдуард Малафееў. Ён правёў з камандай толькі падрыхтоўчы перыяд, але плён працы выявіліся ўжо падчас чэмпіянату краіны.

    Дынамаўцы атрымалі шэраг перамог, у тым ліку самую буйную над «Магарэлі» (Чытаура) — 6:1 і доўгі час адставалі толькі на адзін бал ад лідара. Перамогі ў апошніх матчах першага круга вывелі «Дынама» на трэцяе месца. У другім крузе, выступаючы дома, берасцейцы гулялі яшчэ больш паспяхова: 3:0, 4:0, 4:1, 5:4. Але Дынама Брэст замацавала за сабой статус хатняй каманды — у дзевятнаццаці выязных матчах атрымала толькі чатыры перамогі, дома — шаснаццаць. Лёс першага месца вырашыўся за некалькі тураў да фінішу. «Гурыя» датэрмінова забяспечыла сабе перамогу ў занальным турніры. Берасцейцы ўпэўнена правялі апошнія гульні і выйшлі на другое месца, адстаўшы ад пераможцы толькі на два балы.

    Футбаліст брэсцкага Дынама Васіль Курылаў на працягу трох месяцаў 1978 года забіў тры галы прамым ударам з вуглавога[5].

    У 1979 у чэмпіянаце была рэкордная для каманды серыя з 16 матчаў, у якіх берасцейцы не трывалі паразаў (пры 13 перамогах) з рознасцю мячоў 33-6. Да 35-га тура берасцейцы ўпэўнена займалі другое месца і, мабыць, былі гатовыя паспрачацца за першынство са cмаленскай «Іскрай». Але было разгромнае паражэнне ў Бранску (0:4), што пагоршылася выдаленнем берасцейца Н. Сыціка. У канцы чэмпіянату з «Дынама» зраўняўся іванаўскі «Тэкстыльшчык», які па выніку асабістых сустрэч абышоў берасцейцаў. У выніку: Дынама Брэст заняла трэцяе месца, прапусціўшы наперад «Іскру» са Смаленску і іванаўскі «Тэкстыльшчык». У 1979 годзе выдатна правёў сезон капітан каманды А. Леванькоў, самы трапны футбаліст берасцейцаў (20 галоў).

    Таварыскі матч з Алімпійскай зборнай СССР-88

    Дагэтуль застаецца загадкай, чаму напярэдадні Алімпіяды-88, зборная СССР вырашыла згуляць з серадніком трэцяга дывізіёна СССР — Дынама Брэст. 7 мая 1988 адбыўся матч паміж алімпійскай зборнай СССР і Дынама Брэст.

    Зборная СССР, якая накіроўвалася на Алімпіяду-88 як фаварыт турніру, не спрабавала гуляць у поўную сілу, атрымліваючы пры гэтым траўмы. Тым не менш, небяспечныя моманты ўзнікалі каля брамы Дынама пастаянна. Але калі толькі мяч з брэсцкімі гульцамі перасякаў палову поля і пачыналася атака на браму зборнай СССР, роў стадыёна чуў нават суседні горад з Брэстам -польскі Тэрэспаль. Першы тайм скончыўся нечакана — 0:0. Другі тайм быў больш вострым, атакі футбалістаў станавіліся ўсё больш напорысцей. І ў сярэдзіне другога тайма пасля вытанчанай падачы, футбаліст брэсцкага «Дынама» Генадзь Кудзей забівае гол Дзмітрыю Харыну, у браму зборнай СССР! 1:0. Тое, што адбывалася на стадыёне, немагчыма было перадаць словамі! Увесь стадыён проста падскочыў са сваіх месцаў! Людзі, якія нават не ведалі адзін аднаго абдымаліся, радасьць заўзятараў было такім шчырым і гучным, што акрамя захопленых крыкаў не было чуваць нічога. Прычым пляскалі нават тыя, хто быў на дрэвах. Пасля фінальнага свістка лік на табло так і застаўся нязменным. Брэст перамог! Праз чатыры месяцы, на Алімпіядзе ў Сеуле, у фінальным матчы супраць зборнай Бразіліі, зборная СССР узяла золата Алімпіяды, выйграўшы пры гэтым 2:1.[6]

    У часы Рэспублікі Беларусь

    Расклад перад першым чэмпіянатам Рэспублікі Беларусь па футболе

    Перад стартам новага самастойнага чэмпіянату Беларусі, ён ужо адставаў па ўсіх параметрах ад чэмпіянатаў Украіны і Расіі, і выглядаў у параўнанні з імі не вельмі канкурэнтаздольным. У апошнім чэмпіянаце СССР (Вышэйшая ліга) было 6 клубаў з Украіны: ФК Чарнаморац Адэса, ФК Дынама Кіеў, Дніпро, ФК Шахцёр Данецк, Металург (Запарожжа), Металіст (Харкаў), 6 клубаў з Расіі: ФК ЦСКА Масква, ФК Спартак Масква, ФК Тарпеда Масква, ФК Дынама Масква, Спартак (Уладзікаўказ), ФК Лакаматыў Масква. З гэтых клубаў маглі быць сфармаваныя канкурэнтныя чэмпіянаты.

    З беларускіх клубаў у савецкі час толькі ФК Дынама Мінск гуляў у Вышэйшай лізе чэмпіянату СССР. Наступнымі пасля мінскіх дынамаўцаў былі клубы з трэцяй па значнасці лігі СССР, якая дарэчы была падзелена на 8 зон. Беларускія клубы і ў сваёй зоне 5 трэцяй лігі былі «сярэднімі камандамі». У апошні раз у другой па значнасці лізе СССР ФК Дняпро Магілёў удзельнічаў у 1983 годзе. Дынама (Мінск) з першых каманд СССР узору 1982—1987 гг. да канца распаду СССР была «сярэдняй» камандай. Дынама Брэст пачынаючы з 1976 года выкарыстоўваўся як рэзерв для Дынама Мінск, часта падчас чэмпіянату з Дынама Брэст адклікаліся лепшыя футбалісты ў Дынама Мінск, што ўплывала на згулянасць і выніковае месца берасцейцаў.

    Дынама Мінск напярэдадні першага суверэннай чэмпіянату Рэспублікі Беларусь 1992 года выглядала відавочным лідарам. Да каманды з вышэйшай лігі СССР, якая толькі ўчора змагалася з ФК Дынама Кіеў, ФК Спартак Масква, дадаліся сераднякі і аўтсайдэры буфернай зоны трэцяй па значнасці лігі чэмпіянату СССР: ФК Дняпро Магілёў, ФК Дынама Брэст, Хімік (Гродна), КІМ (Віцебск), каманда з рэспубліканскай зоны чацвёртай па значнасці лігі чэмпіянату СССР: Гомсельмаш, і каманды чэмпіянату БССР (у сістэме ліг савецкага футбола меў статус спаборніцтва калектываў фізічнай культуры).

    Фарміраванне першага беларускага чэмпіяната па футболе 1992:

    Парадак Каманда Папярэдні турнір Месца ў папярэднім турніры Ранг дывізіёна
    1ФК Дынама МінскВышэйшая ліга чэмпіяната СССР па футболе8 з 161
    2ФК Дняпро МагілёўЧэмпіянат СССР па футболе (другая ліга, захад)12 з 223
    3ФК Дынама БрэстЧэмпіянат СССР па футболе (другая ліга, захад)16 з 223
    4КІМ ВіцебскЧэмпіянат СССР па футболе (другая ліга, захад)20 з 223
    5Хімік ГроднаЧэмпіянат СССР па футболе (другая ліга, захад)22 з 223
    6ГомсельмашЧэмпіянат СССР па футболе (другая ніжэйшая ліга, 6 зона)16 з 224
    7Металург МаладзечнаЧэмпіянат БССР па футболе1 з 165
    8ФК Тарпеда МагілёўЧэмпіянат БССР па футболе2 з 165
    9СКБ ВіцебскЧэмпіянат БССР па футболе3 з 165
    10ФК Тарпеда МінскЧэмпіянат БССР па футболе4 з 165
    11ФК Шахцёр СалігорскЧэмпіянат БССР па футболе5 з 165
    12Будаўнік (Старыя Дарогі)Чэмпіянат БССР па футболе6 з 165
    13Трактар (Бабруйск)Чэмпіянат БССР па футболе9 з 165
    14БелАЗ (Жодзіна)Чэмпіянат БССР па футболе10 з 165
    15Абутнік (Ліда)Чэмпіянат БССР па футболе11 з 165
    16Ведрычне ўдзельнічала ў вышэйназваных лігах--

    1992—2011: «Дынама» (Бронзавыя медалі, матч з «Нёман», першы Кубак)

    У 1992 годзе дынамаўцы дэбютавалі ў чэмпіянаце Беларусі. І адразу ж апынуліся на п’едэстале, заваяваўшы бронзавыя медалі.[7]

    У 18-м туры 25 жніўня 1996 года ў складзе «Дынама» ў хатнім паядынку супраць «ФК Маладзечна» (1:1) дэбютаваў (выйшаў на замену замест абаронцы Вольскага, на 86-й хвіліне сустрэчы) Раман Васілюк (ва ўзросце 17 гадоў 276 дзён). Пасля чаго Раман Васілюк стаў сталым лепшым бамбардзірам каманды ў гісторыі, і 1999 годзе за вялікія тады грошы для беларускага чэмпіяната — 300 тыс. даляраў ЗША — перайшоў у ФК Славія Мазыр.

    У 2002 годзе, з тура 18-га каманду трывала прымацавала да 10-й пазіцыі і яна ў сілу турнірнай сітуацыі ніякім чынам не магла змяніць свайго статусу. Затое берасцейцы паўдзельнічалі ў размеркаванні «залатых» узнагарод. Гродзенскаму «Нёману», каб стаць чэмпіёнам і пазбегнуць «залатога» матча з БАТЭ, неабходная была перамога ў апошняй выязной гульні ў Брэсце. Аднак берасцейцы ўперліся і, адказаўшы на выніковы стрэл Тарашчыка, дакладным ударам Дзянісені, здолелі захаваць нічыйны зыход. З прыкрасці галоўны трэнер гродзенцаў Сяргей Саладоўнікаў назваў Брэст «футбольнай вёскай». Трэнер нездарма адчуваў нядобрае — у дадатковым матчы за «золата» перамога дасталася барысаўскаму БАТЭ.

    У 2006 годзе у кубке Беларусі па футболе берасцейцы стартавалі выязным матчам у 1/4 Кубка краіны з «Шахцёрам». У першай гульні дзякуючы ўдарам Мазалеўскага (5, пас — Гагінашвілі) і Сокала (75) дынамаўцы святкавалі вікторыю. Праз чацвёра сутак у гульні ў адказ у сябе дома берасцейцы разграмілі «Шахцёр» — 4:1 (Мазалеўскі — 49, 90, Козак — 67, Гагінашвілі — 68) і чацвёрты раз у сваёй гісторыі выйшлі ў паўфінал Кубка краіны. У паўфінале Кубка жэрабя звёў два клубы, якія маюць зуб адзін на аднаго яшчэ з саюзных часоў- «Дынама» і « Нёман». Берасцейцы ва ўпартай барацьбе здолелі выйсці ў фінал, згуляўшы ўнічыю дома — 2:2 (Гагінашвілі — 13, Мазалеўскі — 49) і атрымаўшы перамогу ў драматычным матчы ў Гародні — 1:2 (Мазалеўскі — 87, 92+). Дзмітрый Мазалеўскі усталяваў два кубкавых рэкорду. Ён забівае ў 6-ці матчах запар (9 галоў). Да яго ніхто ў плыні аднаго розыгрышу не забіваў так шмат.

    Дата Стадыя Каманда 1 Лік Каманда 2
    10 жніўня 20061/16Смаргонь (Д2)0:0 (5:6 пен.)Дынама (Брэст)
    20 верасня 20061/8Дынама (Брэст)4:1Лакаматыў (Мінск)
    4 кастрычніка 20061/8Лакаматыў (Мінск)1:3 Дынама (Брэст)
    1 красавіка 20071/4Шахцёр (Салігорск)0:2Дынама (Брэст)
    5 красавіка 20071/4Дынама (Брэст)4:1Шахцёр (Салігорск)
    10 красавіка 20071/2Дынама (Брэст)2:2Нёман (Гродна)
    2 мая 20071/2Нёман (Гродна)1:2Дынама (Брэст)

    Фінал адбыўся 27 мая ў Мінску ў трыццаціградусную спякоту ў шэсць гадзін вечара і завяршыўся драматычнай перамогай берасцейцаў.

    Фаварытам пары разглядаліся барысаўчане, якія з’яўляюцца на той момант больш класнай камандай, чэмпіёнам і аднаасобным лідарам першынства. Аднак берасцейцы збянтэжылі спаборніка тым, што за кошт выдатнай хуткасці аператыўна пераводзілі мяч да штрафной БАТЭ. У цэлым, гэта была гульня роўных сапернікаў, перамагчы мог кожны — усё звялося да адзінаццаціметровых удараў. «Дынама» першымі прамахнуліся, а затым брамнік «Дынама» Цыгалка ўзяў два мячы.

    27 мая 2007
    18:00
    		 Дынама (Брэст) 0:0
    (пен. 4:3)    		 БАТЭ (Барысаў) Стадыён: Дынама,
    Мінск
    Гледачоў: 9500
    Суддзя: А.Чабыкін (Мінск)

    У 2011 годзе брэсцкі стадыён у тройцы самых наведвальных стадыёнаў краіны, але лічба сярэдняй наведвальнасці (каля 3 тысяч гледачоў на матчы) у параўнанні з мінулым годам упала на паўтысячы.

    2012: «Брэст»

    У пачатку 2010-х гадоў каманда сутыкнулася з фінансавымі цяжкасцямі. У канцы 2011 года каманда змяніла назву пасля таго, як БФСТ «Дынама» павысіла стаўку аплаты за права карыстання брэндам «Дынама» ў 6,5 разоў[8]. У пачатку 2012 года кіраўніцтвам клуба было зацверджана новая назва «Брэст» [9].

    2012—2015: Дынама Брэст

    У лістападзе 2012 года каманда вярнулася да старой назвы, зарэгістраваўшыся як «Дынама-Брэст». У 2015, па прызнанні галоўнага трэнера, некаторыя гульцы былі вымушаныя падпрацоўваць пасля трэніровак гандлем, грузчыкамі і рамонтам дамоў[10]. Перад пачаткам чэмпіянату 2016 года паведамлялася аб магчымым пераходзе каманды з вышэйшай у першую лігу, аднак дапамога Брэсцкага аблвыканкама дазволіла пагасіць частку даўгоў і заявіцца ў вышэйшую лігу[11]. Паколькі многія гульцы ўжо пакінулі каманду, да выступленняў актыўна прыцягвалі гульцоў з іншых каманд Брэсцкай вобласці і з дубля «Дынама».

    2016—2020 (Фінансы, Марадона, кубкі, чэмпіёнства)

    Улетку 2016 года каманда перайшла пад кантроль зарэгістраванай у Аб’яднаных Арабскіх Эміратах кампаніі «Sohra Overseas». Першапачаткова новым уладальнікам клуба быў прадстаўлены «Шэйх Поль Даэр» [12]. Неўзабаве было абвешчана, што ўладальнікам кампаніі і клуба з’яўляецца ураджэнец Брэсцкай вобласці Аляксандр Зайцаў[13]. У 2018 годзе Зайцаў так ахарактарызаваў куплю:

    " У дзяцінстве заўзеў за брэсцкае "Дынама". Калі некалькі гадоў таму клуб мог стаць банкрутам і вылецець з вышэйшай лігі чэмпіянату Беларусі, мне стала крыўдна за такое становішча спраў. Гэта была даніна дзяцінству, калі хочаце.[13] "

    Другі раз дынамаўцы атрымалі перамогу ў Кубку Беларусі па футболе праз 10 гадоў, у 2017 годзе. Вырашальны паядынак адбыўся 28 траўня ў Гродне. Шахцёр (Салігорск) адкрыў лік у сярэдзіне другога тайма. Дынамаўцы аднавілі раўнавагу на 82-й хвіліне дзякуючы дакладнаму ўдару Аляксея Легчыліна. У дадатковыя 30 хвілін лічбы на табло не змяніліся. У серыі пасляматчавых адзінаццаціметровых ніхто не хацеў саступаць. Дзевятнаццаць стрэлаў з абодвух бакоў апынуліся трапнымі. Дваццатым да «кропкі» выйшаў абаронца «Шахцёра» Аляксей Янушкевіч і не здолеў перайграць галкіпера Жэрэмі Малерба.

    28 мая 2017
    17:00
    		 Дынама-Брэст 1:1
    (пен. 10:9)    		 Шахцёр (Салігорск) Стадыён: «Нёман»,
    Гродна
    Гледачоў: 8500
    Суддзя: Аляксей Кульбакоў (Гомель)
    А. Лягчылін Гол на 82 хвіліне 82'

    Дз. Алісейка
    Л. Торэс
    П. Сядзько
    Д. Афааква
    Дж. Фамее
    А. Лягчылін
    А. Лебедзеў
    М. Вітус
    А. Аўрэмія
    Дз. Мазалеўскі
    		справаздача Гол на 69 хвіліне 69' В. Лісаковіч

    П. Рыбак
    Э. Аляхновіч
    В. Лісаковіч
    М. Януш
    Л. Црэпуля
    І. Бурко
    С. Мацвейчык
    Ю. Кавалёў
    І. Алексіевіч
    Брамнік А. Янушкевіч

    15 мая 2018 года старшынёй праўлення клуба стаў Дыега Марадона. Кантракт з клубам быў разлічаны на тры гады. Аргентынец павінен быў займацца пытаннямі стратэгічнага развіцця клуба, а таксама ўзаемадзейнічаць з усімі яго структурнымі падраздзяленнямі, уключаючы дзіцячую акадэмію. Аднак з ліпеня Марадона не прыязджаў у Беларусь.

    У трэці раз берасцейцы заваявалі Кубак Беларусі па футболе у 2018 годзе. Фінал адбыўся 19 траўня на магілёўскім стадыёне «Спартак» з ФК БАТЭ. Барысаўчане двойчы вялі ў ліку, але дынамаўцы дзякуючы галам Арцёма Мілеўскага і Джоэля Фамее аднаўлялі раўнавагу. А на 89-й хвіліне Павел Няхайчык прынёс берасцейцам перамогу-3:2. Упершыню ў гісторыі турніру адной з каманд атрымалася заваяваць ганаровы трафей два года запар.

    19 мая 2018
    18:30
    		 БАТЭ (Барысаў) 2:3 Дынама-Брэст Стадыён: «Спартак»,
    Магілёў
    Гледачоў: 7200
    Суддзя: Сяргей Цынкевіч (Асіповічы)
    М. Іваніч Гол на 13 хвіліне 13' Гол на 49 хвіліне 49' справаздача Гол на 33 хвіліне 33' А. Мілеўскі
    Гол на 75 хвіліне 75' Дж. Фамее
    Гол на 88 хвіліне 88' П. Няхайчык

    24 лістапада 2019 года ў 29-м туры чэмпіянату Беларусі берасцейцы на сваім полі перамаглі «Віцебск» з лікам 1:0. У год тысячагоддзя Брэста «Дынама» датэрмінова заваявала залатыя медалі і першы чэмпіёнскі кубак у гісторыі клуба.

    Дасягненні

    СССР/БССР

    Беларусь

    Чэмпіянат Беларусі

    Кубак Беларусі

    Суперкубак Беларусі

    Чэмпіянат Беларусі сярод дублёраў

    Заўзятары

    Берасцейскія заўзятары лічацца аднымі з самых лепшых у Беларусі[1][2]. Акрамя Брэста у «Дынама» (Брэст) ёсьць заўзятары ў іншых гарадах Мінск, Пінск, Кобрын, Бяроза, Баранавічы.

    Ультрас Дынама (Брэст) мае назву BWD (Blue-White Devils, Бела-Галубыя Д’яблы). Датай аснавання лічыцца 1 жніўня 1998 года, калі на матчы Дынама-Брэст — ФК Маладзечна была агранізавана першая падтрымка [14].

    Узаемаадносіны з іншымі клубамі

    Заўзятары «Дынама» (Брэст) падтрымліваюць сяброўскія адносіны з фанатамі Дынама (Мінск), ФК Хваля Пінск, ФК Кобрын. З замежных каманд: польская ФК Сталь Сталёва Воля (Сталёва Воля).

    Прынцыповымі супернікамі на поле з’яўляецца гродзенскі Нёман, на трыбунах (сярод зяўзятараў): Белшына (Бабруйск), Шахцёр (Салігорск), МТЗ-РІПА, Гомель, Дняпро (Магілёў).

    Заходняе дэрбі. Дынама (Брэст) — ФК Нёман Гродна

    Прынцыповае суперніцтва ёсць у Дынама (Брэст) з Нёман (Гродна). Гульні абодвух каманд іменуюцца «Заходнім дэрбі». Суперніцтва складаецца не толькі па тэрытарыяльнаму прынцыпу: Гродна і Брэст знаходзяцца на захадзе Беларусі і сталыя удзельнікі Чэмпіяната Беларусі па футболе; але з-за матча сезона 2002 года, калі Дынама (Брэст) і Нёман (Гродна) гулялі паміж сабой у межах чэмпіяната Беларусі па футболе. Тады Дынама (Брэст) знаходзілася ў сярэдзіне табліцы і не вырашала ніякіх задач, а Нёман (Гродна) наадварот — упершыню ў гісторыі — прэтэндаваў на перамогу ў чэмпіянаце і на працягу чэмпіяната ішоў на першым месцы. Дынама (Брэст) паказала прыцыповы спартовы прынцып і згуляла з Нёман (Гродна) у нічыю — 1:1, «дзякуючы» гэтаму Нёман (Гродна) і Батэ (Барысаў) набралі аднолькавую колькасць балаў, быў назначаны залаты матч чэмпіяната Беларусі па футболе 2002 года ў якім у дадатковы час Батэ (Барысаў) перамог гарадзенцаў з «Нёмана» — 1:0, Батэ (Барысаў) стаў чэмпіёнам, а «Нёман» (Гродна) заняў толькі другое месца ў добра праведзеным сезоне. Нёман (Гродна) і па цяперашні час не можа пераадолець гэта дасягненне.

    Дынамаўскае дэрбі: Дынама (Брэст) — Дынама (Мінск)

    З’яляецца сяброўскім дэрбі, бо фанаты абодвух клубаў добра ставяцца адзін да аднаго. Часта можна назіраць, калі фанаты абодвух клубаў займаюць адзін сектар, ці сектары побач, і крычаць крычалкі разам.

    Брэсцкае дэрбі. Дынама (Брэст) — Рух (Брэст)

    Раней Рух (Брэст) быў спачатку клубам фанатаў Дынама, а потым перайшоў у фарм-клуб. У «Руха» з’яўляліся фаны і ён лічыўся сяброўскім клубам Дынама (Брэст)[14]. Але пасля таго, як клуб для выхада ў Вышэйшую лігу стаў самастоўным, стаўленне брэскіх заўзятараў да «Руха» рэзка пагоршылася.

    Заўзятары (Ультрас)

    Горад над Бугам

    Перад пачаткам кожнага матча футбалісты «Дынама-Брэст» падыходзяць да сектара фанатаў і перакрыкваюцца лозунгам-поклічам «Горад над Бугам», пры гэтым астатнія сектары пры наяўнасці заўзятараў «Дынама-Брэста» далучаюцца да пераклічкі.

    Зорнае неба

    На працягу матча з удзелам ФК «Дынама-Брэст», асабліва ў хатніх матчах, у цёмны час сутак, заўзятары і фанаты здзяйсняюць пераклічку «Горад над Бугам» або рускае «Вперёд, Дінамо» (ці «Толькі, Дынама») з узняццем угару рэчаў (звычайна, мабільны тэлефон з уключаным ліхтарыкам), якія даюць святло.

    Цяперашні склад

    Станам на верасень 2022 года, згодна з афіцыйным сайтам клуба[15].

    № Пазіцыя Імя Год нараджэння
    12 Беларусь Бр Мацвей Каўрук 2005
    16 Беларусь Бр Міхаіл Казакевіч 2002
    35 Беларусь Бр Глеб Трацяк 2003
    3 Беларусь Аб Мікіта Грыбаў 2002
    4 Зімбабвэ Аб Мунашэ Гарананга 2001
    5 Беларусь Аб Данііл Мірошнікаў 2000
    18 Беларусь Аб Уладзімір Шчэрба 1986
    22 Беларусь Аб Андрэй Шамрук 1994
    32 Беларусь Аб Уладзіслаў Ясюкевіч 1994
    44 Беларусь Аб Уладзіслаў Крывіцкі 1995
    59 Беларусь Аб Ілья Калпачук 1990
    66 Беларусь Аб Ілья Багдановіч 2004
    99 Беларусь Аб Яўген Юдчыц 1996
    6 Нігерыя ПА Апамое Гбенга 1998
    № Пазіцыя Імя Год нараджэння
    8 Беларусь ПА Кірыл Цапянкоў 2004
    20 Беларусь ПА Максім Кавальчук 2000
    23 Беларусь ПА Эдгар Аляхновіч Капітан каманды 1987
    27 Беларусь ПА Кірыл Кавалюк 2003
    42 Беларусь ПА Уладзіслаў Сугак 2002
    90 Беларусь ПА Дзмітрый Лясняк 2004
    95 Славакія ПА Давід Іван 1995
    9 Расія Нап Максім Арцямчук 1999
    10 Беларусь Нап Аляксандр Шасцюк 2002
    11 Кот-д’Івуар Нап Седрык Куад’ё 1997
    62 Беларусь Нап Міхаіл Гардзяйчук 1989
    72 Беларусь Нап Павел Сацук 2003
    77 Таджыкістан Нап Абдулфатохі Худайдадзада 2004
    89 Беларусь Нап Сяргей Лынько 1989

    Рэзервовы склад

    № Пазіцыя Імя Год нараджэння
    Беларусь Бр Аляксей Васільеў 2004
    Беларусь Бр Георгій Дабрадзей 2004
    Беларусь Бр Арцём Суганяеў 2003
    17 Беларусь Аб Арцём Сядзько 2003
    Беларусь Аб Даніл Блашук 2004
    Беларусь Аб Мікіта Гарох 2002
    Беларусь Аб Яўген Грыцук 2001
    Беларусь Аб Эдуард Карасцялёў 2004
    Беларусь Аб Данііл Мартыновіч 2003
    Беларусь Аб Данііл Шпакоўскі 2003
    Беларусь ПА Уладзіслаў Дарашэнка 2003
    Беларусь ПА Ілья Каліта 2005
    № Пазіцыя Імя Год нараджэння
    Беларусь ПА Кірыл Літвінюк 2004
    Беларусь ПА Дзяніс Макарчык 2003
    Беларусь ПА Алег Палівода 2005
    Беларусь ПА Павел Пракапчук 2004
    Беларусь ПА Раман Серадзюк 2005
    Беларусь ПА Ілья Сядро 2005
    Беларусь ПА Аляксандр Фісюк 2003
    Беларусь ПА Данііл Чарняўскі 2005
    Беларусь ПА Арцём Якімук 2003
    Беларусь Нап Мікіта Люкевіч 2006
    Беларусь Нап Ілья Юркевіч 2005

    Трэнерскі штаб

    Статыстыка выступленняў

    Чэмпіянат і Кубак Беларусі

    Сезон Ліга М Г В Н П Галы Ачкі Кубак Бамбардзіры Мячы Заўвагі
    1992Першая (Д1)31583421–1019ПаўфіналБеларусь Аляксандр Герасімук,
    Беларусь Валерый Кандраценка    		4
    1992–93Першая (Д1)7321391033–29351/8 фіналуБеларусь Аляксандр Герасімук5
    1993–94Першая (Д1)8301191030–2931ПаўфіналБеларусь Юрый Лагодзіч,
    Беларусь Андрэй Гарнастаеў    		5
    1994–95Першая (Д1)10309101133–33281/8 фіналуБеларусь Юрый Лагодзіч8
    1995Першая (Д1)101552827–32171/8 фіналуБеларусь Юрый Лагодзіч6
    1996Першая (Д1)10307111239–4332ЧвэрцьфіналБеларусь Віталь Кірылка12
    1997Першая (Д1)7301261244–52421/8 фіналуБеларусь Раман Васілюк12
    1998Вышэйшая (Д1)9281221440–40381/8 фіналуБеларусь Раман Васілюк18Змена назваў ліг
    1999Вышэйшая (Д1)7301441259–5246ЧвэрцьфіналБеларусь Раман Васілюк17
    2000Вышэйшая (Д1)10301041637–51341/8 фіналуБеларусь Максім Сухавееў8
    2001Вышэйшая (Д1)1126851326–3829ПаўфіналБеларусь Вадзім Бойка10
    2002Вышэйшая (Д1)1026881025–26321/8 фіналуБеларусь Вадзім Бойка11
    2003Вышэйшая (Д1)11305121321–49271/16 фіналуБеларусь Андрэй Лясюк,
    Украіна Раман Свінціцкі    		3
    2004Вышэйшая (Д1)8301091139–41391/8 фіналуБеларусь Раман Васілюк17
    2005Вышэйшая (Д1)8261131239–3336ЧвэрцьфіналБеларусь Вадзім Бойка12
    2006Вышэйшая (Д1)926871117–3131ПераможцаБеларусь Дзмітрый Мазалеўскі5
    2007Вышэйшая (Д1)1226681323–31251/8 фіналуБеларусь Віктар Сокал9
    2008Вышэйшая (Д1)630138940–34471/16 фіналуБеларусь Дзмітрый Мазалеўскі13
    2009Вышэйшая (Д1)526108830–24381/16 фіналуБеларусь Раман Васілюк11
    2010Вышэйшая (Д1)53312101148–4046ЧвэрцьфіналБеларусь Мікалай Януш10
    2011Вышэйшая (Д1)10338111438–4635ЧвэрцьфіналБразілія Давід Лазары8
    2012Вышэйшая (Д1)830851727–3829ЧвэрцьфіналБеларусь Уладзімір Хвашчынскі9
    2013Вышэйшая (Д1)8321171432–41401/8 фіналуБеларусь Мікалай Сігневіч10
    2014Вышэйшая (Д1)1132752029–6826ПаўфіналБеларусь Раман Васілюк8
    2015Вышэйшая (Д1)1226731623–42241/8 фіналуБеларусь Раман Васілюк8
    2016Вышэйшая (Д1)8301171238–3840ПераможцаГана Джаэл Фамее,
    Кот-д’Івуар Ідрыса Куятэ    		5
    2017Вышэйшая (Д1)430149747–2651ПераможцаАргенціна Леандра Торэс10
    2018Вышэйшая (Д1)6301410652–30521/8 фіналуБеларусь Павел Савіцкі15
    2019Вышэйшая (Д1)130236170–2275ФіналістБеларусь Дзяніс Лапцеў,
    Беларусь Павел Няхайчык    		12
    2020Вышэйшая (Д1)4301731063–40541/8 фіналуБеларусь Дзяніс Лапцеў11
    2021Вышэйшая (Д1)630814832–3238ЧвэрцьфіналУкраіна Станіслаў Беленькі13
    2022Вышэйшая (Д1)13305121329–43271/8 фіналуБеларусь Міхаіл Гардзяйчук5

    Буйныя перамогі і паразы

    Міжнародныя кубкі

    Сезон Кубак Раўнд Клуб Першыя матчы Адказныя матчы Вынік
    2007—2008 Кубак УЕФА 1 к/р Латвія Металург (Ліепая) 1:1 (Г) 1:2 (Х) 2:3
    2017—2018 Ліга Еўропы 2 к/р Аўстрыя Альтах 1:1 (Г) 0:3 (Х) 1:4
    2018—2019 Ліга Еўропы 2 к/р Грэцыя Атрамітас (Афіны) 4:3 (Х) 1:1 (Г) 5:4
    3 к/р Рэспубліка Кіпр Апалон (Лімасол) 0:4 (Г) 1:0 (Х) 1:4
    2020—2021 Ліга чэмпіёнаў 1 к/р Казахстан Астана (Нур-Султан) 6:3 (Х)
    2 к/р Боснія і Герцагавіна Сараева 2:1 (Х)
    3 к/р Ізраіль Макабі (Тэль-Авіў) 0:1 (Г)
    2020—2021 Ліга Еўропы плэй-оф Балгарыя Лудагорац (Разград) 0:2 (Х)
    2021—2022 Ліга канферэнцый 2 к/р Чэхія Вікторыя (Пльзень) 1:2 (Г) 1:2 (Х) 2:4

    Фарм-клубы

    У 1995—1998 гг. у Другой (трэцяй) лізе (Д3) гуляла команда «Дынама»-2 Брэст[16].

    Сезон Чэмпіянат, ліга Месца Г П Н П Мячы А Заўвагі
    1995 Трэцяя ліга, зона «А» 8 з 11 10 3 3 4 11-17 12
    1996 Трэцяя ліга, зона «А» 9 з 15 28 11 1 16 31-53 34 У зоне «А» гуляў таксама дынамаўскі фарм-клуб «Берэст»[17].
    1997 Трэцяя ліга, зона «Б» 7 з 15 28 12 3 13 50-36 39
    1998 Другая ліга, зона «Б» 11 з 16 30 9 6 15 47-58 33

    Яшчэ адзін фарм-клуб Рух створаны ў 2016 годзе на базе клуба заўзятараў «Дынама-Брэст». Першапачаткова аматарскі клуб у 2017 годзе заявіўся ў чэмпіянат Брэсцкай вобласці, у гэты час у каманду сталі прыцягвацца ў асноўным выхаванцы і былыя дублёры брэсцкага «Дынама». У лістападзе 2017 года стала вядома, што «Рух» стаў фарм-клубам «Дынама» і на наступны сезон заявіцца ў Другую лігу чэмпіянату Беларусі, а галоўным трэнерам стане вядомы беларускі футбаліст і трэнер Андрэй Зыгмантовіч[18].

    У сезоне 2018 склад каманды ў асноўным склалі былыя дублёры «Дынама», якія паспелі згуляць у розных лігах беларускага чэмпіянату. Ад самага пачатку каманда ўпэўнена ішла ўверсе табліцы, доўгі час змагалася за першы радок з «Крумкачамі», і толькі па выніках апошняга тура «Рух» забяспечыў перамогу ў лізе.

    У сезоне 2019 «Рух» перастаў быць фарм-клубам «Дынама» і стаў самастойнай камандай, каб заявіцца у Вышэйшую лігу.

    У лютым 2020 года футбольны клуб Дынама-Брэст абвясціў аб стварэнні даччынай каманды «Дынама-Брэст-1960» (Маларыта). У першапачатковы склад калектыву былі прыцягнутыя футбалісты з Брэста і Брэсцкай вобласці, якія да гэтага пакінулі «Дынама-Брэст» або «Рух»[19]. У дэбютным для сябе сезоне клуб заняў 7-е месца.

    Сезон Ліга М Г П Н П РМ А Кубак Беларусі Заўвагі
    2020 Другая ліга (Група А) 4 (11) 20 13 2 5 71 — 29 41 не ўдзельнічала Стыкавыя матчы за 7-8-ае месца
    2020 Стыкавыя матчы 2 1 0 1 7 — 2 3 7-ае месца

    У красавіку 2021 года было абвешчана аб правядзенні рэбрэндынгу. Клуб змяніў назву на “Маларыта”.[20] і клуб перастаў быць фарм-клубам Дынама-Брэст.

    З 2001 года праводзіцца турнір дублёраў каманд вышэйшай лігі. Дублюючы склад брэсцкага “Дынама” тройчы станавіўся срэбным прызёрам (2004, 2017, 2018) і адзін раз - бронзавым (2006).

    Галоўныя трэнеры

    Зноскі

    1. 1 2 Берасцейскае “Дынама” стала самай наведвальнай камандай ЧБ па футболе з лепшым вынікам за 17 гадоў (нявызн.) (3 снежня 2019). (недаступная спасылка) (руск.)
    2. 1 2 Берасцейскае “Дынама” ўвайшло ў топ - 3 самых наведвальных каманд за ўсю гісторыю чэмпіянатаў Беларусі (нявызн.) (4 снежня 2019). (руск.)
    3. ↑ «Бресту» вярнулі назву «Дынама»
    4. ↑ Гісторыя Дынама Брэст(руск.) , Дынама Брэст (06 мая 2021). Праверана 1 лютага 2022. Архівавана 11 ліпеня 2013.
    5. ↑ Васіль Курылаў
    6. ↑
    7. ↑
    8. ↑ брэсцкае «Дынама» памяняе сваю назву?
    9. ↑ у новым сезоне брэсцкае «Дынама» будзе называцца ФК «Брэст» Архівавана 4 лістапада 2019.
    10. ↑ Футбол. Васіль Сарычаў: развал каманды майстроў з абласнога цэнтра — не проста надзвычайнае здарэнне. Гэта сімптом і пляма на рэпутацыі
    11. ↑ Футбол. Брэсцкае «Дынама» атрымала ад аблвыканкама 500 млн рублёў. Каманда будзе выступаць у вышэйшай лізе
    12. ↑ Шэйх з ААЭ распавёў, што падштурхнула яго на супрацоўніцтва з брэсцкім «Дынама» Архівавана 23 студзеня 2021.
    13. 1 2 «З Румасам сяброўскія адносіны». Бізнэсовец, які прывез Марадону ў Брэст, даў вялікае інтэрв’ю Архівавана 4 лістапада 2019.
    14. 1 2 Фан-секта берасцейскага “Дынама”. Востравок са сваім статутам (нявызн.) (17 кастрычніка 2017). (недаступная спасылка) (руск.)
    15. ↑ ОСНОВНОЙ СОСТАВ
    16. ↑ «Дынама»-2, г. Брэст на сайце Footballfacts.ru
    17. ↑ ФК «Берэст», г. Брэст на сайце Footballfacts.ru
    18. ↑ У 2018 годзе фарм-клуб берасцейскага «Дынама» «Рух» выступіць у другой лізе
    19. ↑ “Дынама-Брэст-1960” заявілася ў Другую лігу чэмпіянату Беларусі і будзе праводзіць матчы ў райцэнтры.
    20. ↑ “Дынама-Брэст-1960” прыняло рашэнне аб правядзенні рэбрэндынгу.

    Спасылкі

    Тэмы гэтай старонкі (8):
    Катэгорыя·Вікіпедыя·Артыкулы з пераазначэннем значэння з Вікідадзеных
    Катэгорыя·ФК Дынама Брэст
    Катэгорыя·Футбольныя клубы Беларусі
    Катэгорыя·Футбольныя клубы, заснаваныя ў 1960 годзе
    Катэгорыя·1960 год у Брэсце
    Катэгорыя·Вікіпедыя·Артыкулы з непрацоўнымі спасылкамі
    Катэгорыя·Футбольныя клубы паводле алфавіта
    Катэгорыя·Старонкі з няправільным сінтаксісам спасылак на крыніцы