wd wp Пошук: ⬜

Маладзечанскі завод металаканструкцый

«Маладзечанскі завод металаканструкцый» (МЗМК) — найбольшы ў Еўропе завод будаўнічых матэрыялаў з металу, заснаваны ў снежні 1968 г. у Маладзечне (Мінская вобласць, Беларусь)[3]. На 2015 г. прадпрыемства мела звыш 560 прылад абсталявання магутнасцю звыш 30 тыс. тон металаканструкцый за год. Асноўным абсталяваннем былі: пракатны стан магутнасцю звыш 110 тыс. тон за год для выпуску гнутазварных профіляў квадратнага і прамавугольнага сячэння, электразварных труб і гнутых швелераў; пракатная лінія магутнасцю звыш 40 тыс. тон за год для вырабу стальных ліставых гнутых профіляў з трапецыяпадобнымі гофрамі з ацынкавана-афарбаванай сталі (профнасціл); аўтаматычная лінія вытворчасці трохслойных сценавых і дахавых сэндвіч-панэляў з напаўняльнікам з мінеральнай ваты. У 2012 г. вытворчасць завода перавысіла спажыванне будаўнічых металаканструкцый у Беларусі[4].

З 2000 г. завод быў асноўным пастаўніком металаканструкцый для шэрагу буйных будынкаў:

• у Беларусі: звыш 2000 вежаў сотавай сувязі па 70 метраў вышынёй (2000—2012), Нацыянальная бібліятэка Беларусі (2002—2006), завод газетнай паперы (Шклоў, Магілёўская вобласць, 2005—2008), Мінск-Арэна (2006—2008), Летні амфітэатр (Віцебск, 2007), Мінскі цэнтр фрыстайлу (2009—2015), «Крычаўцэментнашыфер» (Магілёўская вобласць, 2008—2013), Беларускі цэментны завод (Касцюковічы), «Ваўкавыскцэментнашыфер» (Гродзенская вобласць), завод цынкавання (Ліда, Гродзенская вобласць), 9 лядовых палацаў (Бабруйск, Баранавічы, Брэст, Віцебск, Орша, Гомель, Ліда, Маладзечна);
• за мяжой: завод металакорду (Ліпецк, Расія), завод паркетнай дошкі (Вінніца, Украіна), завод сухіх сумесяў (Астана, Казахстан), радыёмаякі ў партах Балтыйскага мора (Клайпеда, Літва; Балтыйск, Калінінградская вобласць, Расія), Калінінградская ЦЭЦ-2, Сланцаўскі цэментны завод (Ленінградская вобласць, Расія), Іжорскі трубны завод (Пецярбург, 2005), завод «Кірышынафтааргсінтэз» (Ленінградская вобласць)[4].

Зноскі

1. ↑ Справаздача аб дзейнасці ААТ за 2015 год (руск.) , Міністэрства фінансаў Рэспублікі Беларусь (12 кастрычніка 2016). Праверана 14 жніўня 2016.
2. ↑ Сярэднеўзважаны курс беларускага рубля ў адносінах да замежных валют на валютным рынку Рэспублікі Беларусь за 2015 год (16 034,24 за долар) , Нацыянальны банк Рэспублікі Беларусь (12 кастрычніка 2016). Праверана 14 жніўня 2016.
3. ↑ Маладзечанскі завод металаканструкцый (Мінская вобласць). Нацыянальная бібліятэка Беларусі (12 кастрычніка 2015). Праверана 14 жніўня 2016.
4. 1 2 Іван Бараноўскі. Металаканструкцыі з Маладзечна: надзейнасць і бяспека // Звязда : газета. — 21 сакавіка 2012. — № 53 (27168). — С. 4-5. — ISSN 1990-763x.

Тэмы гэтай старонкі (7):
Катэгорыя·Прадпрыемствы Маладзечна
Катэгорыя·Вікіпедыя·Кампаніі без геаграфічных каардынат
Катэгорыя·Кампаніі паводле алфавіта
Катэгорыя·Прадпрыемствы Беларусі па вытворчасці будаўнічых матэрыялаў
Катэгорыя·Кампаніі, заснаваныя ў 1968 годзе
Катэгорыя·Вікіпедыя·Артыкулы з пераазначэннем значэння з Вікідадзеных
Катэгорыя·1968 год у Беларусі