wd wp Пошук:
    ⬜

    Беларускі дзяржаўны ўніверсітэт культуры і мастацтваў

    Беларускі дзяржаўны ўніверсітэт культуры і мастацтваў — беларуская вышэйшая навучальная ўстанова культурнага профілю. Знаходзіцца ў Мінску, дзейнічае з 1975 года, вядзе падрыхтоўку па 41 спецыялізацыі. Будынак універсітэта па Рабкораўскай вуліцы, 17 узведзены па праекце архітэктараў Ю. Грыгор’ева, Л. Маскалевіча, А. Беразоўскага, Г. Ласкавай, В. Капылова[1].

    Гісторыя ўніверсітэта

    Беларускі дзяржаўны ўніверсітэт культуры і мастацтваў пачаў сваю дзейнасць як інстытут у 1975 годзе, паводле пастановы Савета Міністраў БССР № 139 ад 04.05.1975 і загаду Міністэрства вышэйшай і сярэдняй спецыяльнай адукацыі БССР № 234 ад 14.05.1975. Спачатку ў інстытуце было толькі два факультэты: бібліятэчны, створаны ў 1944 годзе на базе Мінскага педагагічнага інстытута імя Максіма Горкага, і факультэт сацыякультурнай дзейнасці. У першыя гады сваёй дзейнасці інстытут развіваўся інтэнсіўна: былі пабудаваны інтэрнаты, а ў 1986 годзе быў створаны трэці факультэт — самадзейнага музычнага і харэаграфічнага мастацтва. У 1989 годзе ва ўніверсітэце адкрылася аспірантура, што дазволіла павялічыць колькасць студэнтаў.

    Падзеі канца 1980-х — пачатку 1990-х гадоў запатрабавалі карэнных пераўтварэнняў у галіне падрыхтоўкі спецыялістаў у галіне культуры. Таму ў 1992 годзе была прынята праграма рэарганізацыі інстытута ва ўніверсітэцкую ўстанову еўрапейскага тыпу. З 1 верасня 1992 года ўстанова называлася Беларускі ўніверсітэт культуры. Глыбокая рэарганізацыя дазволіла распачаць падрыхтоўку спецыялістаў па вялікай колькасці новых спецыялізацый.

    У гэты час адбываецца другая хваля інтэнсіўнага развіцця ўніверсітэта: падпісваюцца міжуніверсітэцкія дамовы аб супрацоўніцтве, ствараюцца новыя спецыяльнасці і факультэты, магістратура, адкрываецца Мазырскі філіял факультэта завочнага навучання. У 1996 годзе ўніверсітэт паспяхова праходзіць міжнародную акрэдытацыю. На падставе вынікаў акрэдытацыі з 26 лістапада 1996 года ўніверсітэт атрымаў статус вядучай навучальнай установы культурнага профілю ў Беларусі.

    У 1999 і 2000 гадах, падчас наведвання ўніверсітэта Прэзідэнтам Беларусі Аляксандрам Лукашэнкам, установа атрымала ўласную мастацкую галерэю, другі корпус, а таксама Маладзёжны тэатр эстрады. У гэты час былі створаны студэнцкі эстрадна-сімфанічны аркестр і навукова-творчая лабараторыя традыцыйных рамёстваў беларусаў.

    У 2003 годзе ва ўніверсітэце адбылася яшчэ адна рэарганізацыя, з’явіліся новыя кафедры і факультэты, некаторыя з іх памянялі назвы з улікам перспектыў развіцця сучаснай сацыяльна-культурнай практыкі ў краіне. З 8 кастрычніка 2004 года Беларускі ўніверсітэт культуры завецца Беларускі дзяржаўны ўніверсітэт культуры і мастацтваў.

    Важнай падзеяй у гісторыі ўніверсітэта стала атрыманне ім сертыфікату адпаведнасці ISO 9001-2009.

    2020 год

    Асноўны артыкул: Пратэсты ў Беларусі (2020) 28 кастрычніка 2020 года пропускі 18 студэнтаў універсітэта былі заблакаваныя па прычыне іх адлічэння за «грубейшае парушэнне грамадскага парадку»[2].

    Рэктары ўніверсітэта

    1. Аляксандр Лявонцьевіч Петрашкевіч (1975—1976).
    2. Нічыпар Еўдакімавіч Пашкевіч (1976—1979).
    3. Віктар Мітрафанавіч Пузікаў (1979—1987).
    4. Мікалай Мікалаевіч Заранок (1988—1992).
    5. Ядвіга Дамінікаўна Грыгаровіч (1992—2007).
    6. Мікалай Леанідавіч Кузьмініч (2007—2008)
    7. Барыс Уладзіміравіч Святлоў (2008—2012).
    8. Юрый Паўлавіч Бондар (2013—2017).
    9. Аліна Анатольеўна Корбут (2017—2020).
    10. Наталля Уладзіміраўна Карчэўская (з 2020).

    Вучэбны працэс

    Вучэбны працэс ва ўніверсітэце забяспечваюць 6 факультэтаў, вучэбны аддзел і агульнаўніверсітэцкія кафедры. Факультэты:

    Асноўны артыкул: Факультэт культуралогіі і сацыякультурнай дзейнасці (БДУКМ)

    Асноўны артыкул: Факультэт традыцыйнай беларускай культуры і сучаснага мастацтва (БДУКМ)

    Асноўны артыкул: Факультэт музычнага мастацтва (БДУКМ)

    Асноўны артыкул: Факультэт інфармацыйна-дакументных камунікацый (БДУКМ)

    Асноўны артыкул: Факультэт завочнага навучання (БДУКМ)

    Асноўны артыкул: Факультэт дадатковай адукацыі (БДУКМ) Палітыка ў галіне якасці

    Беларускі дзяржаўны ўніверсітэт культуры і мастацтваў, захоўваючы пазіцыю вядучай ВНУ краіны ў сферы культуры і мастацтваў, імкнецца атрымаць міжнароднае прызнанне і стаць інавацыйнай установай адукацыі еўрапейскага тыпу, дзе злучаюцца лепшыя традыцыі акадэмічнай адукацыі і новыя ідэі, якія забяспечваюць высокі ўзровень падрыхтоўкі спецыялістаў, здольных да самарэалізацыі, паспяховай працы ў сацыякультурнай сферы.

    Прызнаючы важнасць прынцыпаў якасці адукацыі, кіраўніцтва БДУКМ заяўляе аб сваёй прыхільнасці наступным мэтам:

    Палітыка ўніверсітэта грунтуецца на задавальненні патрэб у адукацыйнай, навуковай і творчай дзейнасці, бесперапынным паляпшэнні якасці адукацыйных паслуг.

    Універсітэт у міжнародных рэйтынгах

    Згодна з дадзенымі партала Webometrics Ranking of World Universities, універсітэт займае 36 месца сярод ВНУ краіны, 11,826 — сярод універсітэтаў свету паводле якасці навучання.

    Вядомыя выпускнікі

    Вядомыя выкладчыкі

    Зноскі

    1. ↑ Архитекторы Советской Белоруссии: Биогр. справочник / Союз архитекторов БССР; Сост. В. И. Аникин и др.. — Мн.: Беларусь, 1991. — 262 с. — ISBN 5-338-00611-1. (руск.)
    2. ↑ Па ўсёй краіне звальняюць страйкоўцаў і адлічваюць студэнтаў (нявызн.). Новы час (28 кастрычніка 2020). Праверана 28 кастрычніка 2020.

    Спасылкі

    Тэмы гэтай старонкі (8):
    1975 год у Мінску
    Старонкі з няправільным сінтаксісам спасылак на крыніцы
    Навучальныя ўстановы, заснаваныя ў 1975 годзе
    Універсітэты паводле алфавіта
    Вікіпедыя:Артыкулы з пераазначэннем значэння з Вікідадзеных
    Вікіпедыя:Старонкі з модулем Hatnote з чырвонай спасылкай
    З’явіліся ў 1975 годзе
    Беларускі дзяржаўны ўніверсітэт культуры і мастацтваў