Палескі драматычны тэатр
Палескі драматычны тэатр — прафесійны тэатр Пінска, афіцыйнае адкрыццё адбылося 14 сакавіка 2006 года, 29-ы прафесійны тэатр дзяржаўнага падпарадкавання ў Рэспубліцы Беларусь.
Гісторыя
Вытокі пінскага тэатра сыходзяць у 1939 год, калі, пасля вызвалення Заходняй Беларусі ад польскай акупацыі, у Пінску быў створаны Палескі абласны драматычны тэатр. Ён прапрацаваў да пачатку Вялікай Айчыннай вайны, а потым аднавіў сваю дзейнасць у 1949 годзе ўжо як Пінскі абласны драматычны тэатр. Аднак у 1954 годзе пінскі тэатр быў рэарганізаваны і пераехаў у Магілёў. Будынак тэатра перадалі гарадскому дому культуры, і ў яго сценах пачала працаваць самадзейная тэатральная трупа. У лютым 1959 годзе пінскія акцёры атрымалі званне «народны аматарскі калектыў», якім 20 гадоў кіраваў І. Сакольскі. У 1980 годзе народны тэатр узначаліў выпускнік Беларускага інстытута культуры Іван Базан, пад кіраўніцтвам якога народны тэатр быў рэарганізаваны ў 1992 годзе ў самастойны тэатр-студыю «Дыяген». У 2006 годзе атрымаў статус дзяржаўнага тэатра.
Сучаснасць
Палескі драмтэатр размяшчаецца ў цэнтральнай, гістарычнай частцы горада ў адрэстаўрыраваным і часткова рэканструяваным будынку (архітэктар В. Казакоў), помніку архітэктуры XIX стагоддзя, былым будынку кінематографа «Казіно». Тэатр працуе пяць дзён на тыдзень. Ранішнія спектаклі (у асноўным — пастаноўкі для дзяцей) ідуць па серадах, чацвяргах, пятніцах і нядзелях. Вячэрнія — па чацвяргах, суботах і нядзелях а 18.00.
Кіраўніцтва
- Іван Базан (2006—2011)
- Алена Гаўрыловіч (2011—2012)
Спасылкі
На Вікісховішчы ёсць медыяфайлы па тэме Палескі драматычны тэатр- Старонка Палескага драматычнага тэатра(недаступная спасылка)
Катэгорыя·Вікіпедыя·Артыкулы з пераазначэннем значэння з Вікідадзеных
Катэгорыя·Тэатры паводле алфавіта
Катэгорыя·Вікіпедыя·Артыкулы з непрацоўнымі спасылкамі
Катэгорыя·Гісторыка-культурныя каштоўнасці Рэспублікі Беларусь
Катэгорыя·Тэатры Беларусі
Катэгорыя·Культура Пінска