У Вікіпедыі ёсць артыкулы пра іншых асоб з прозвішчам Корбут. Аліна Анатольеўна Корбут (нар. 10 студзеня 1972, г. Бабруйск, Магілёўская вобласць) — беларускі спецыяліст у галіне тэорыі, методыкі і арганізацыі сацыяльна-культурнай дзейнасці. Кандыдат педагагічных навук (1997), дацэнт (2000).
Скончыла Мінскі інстытут культуры (1993), Рэспубліканскі інстытут вышэйшай школы БДУ (спецыяльнасць «Псіхалогія», 2000).
Працавала ў Беларускім дзяржаўным універсітэце культуры і мастацтваў (з 1998, дацэнт кафедры педагогікі сацыякультурнай дзейнасці, з 2013 — дэкан факультэта завочнага навучання, з 2015 — першы прарэктар, у 2017—2020 гадах — рэктар).
Навуковыя інтарэсы: псіхакарэкцыйная педагогіка; гульнявая дзейнасць; гульнявая тэрапія; сацыяльная педагогіка; сацыякультурная дзейнасць у сферы вольнага часу[1][2].