wd wp Пошук: ⬜

ФК Славія Мазыр

«Славія» — беларускі футбольны клуб з горада Мазыр, заснаваны ў 1987 годзе. У цяперашні час выступае ў Вышэйшай лізе чэмпіянату Беларусі.

Гісторыя

Клуб быў створаны пад назвай «Палессе» ў 1987 годзе. З 1995 па 2005 гады выступаў у Вышэйшай лізе Беларусі пад назвай МПКЦ (Мазырскі Прамыслова-Камерцыйны Цэнтр), а з 1998 года — «Славія». Спыніў існаванне пасля няўдалага для клуба сезона 2005 года, які скончыўся вылетам у Першую лігу.

У пачатку 2006 года, у выніку аб’яднання гомельскага ЗЛіНа і «Славіі» быў створаны новы клуб – «Мазыр-ЗЛІН». Пры аб’яднанні за аснову была ўзята каманда ЗЛіН, пры гэтым новы клуб ствараўся ў Мазыры на матэрыяльнай базе «Славіі», што спыніла існаванне. З пачатку 2007 года клуб выступаў пад назвай «Мазыр». Па заканчэнні сезона 2007 кіраўніцтвам горада было вырашана вярнуць камандзе назву «Славія-Мазыр». У 2011 годзе клуб заняў першае месца ў Першай лізе чэмпіянату Беларусі і заваяваў права выступаць у наступным сезоне ў Вышэйшай лізе.

У Вышэйшай лізе «Славія» не паказвала добрых вынікаў. У сезоне 2012 мазырскі клуб доўгі час ішоў у зоне вылету, але сумеў пазбегнуць яго, заняўшы 10 месца. У сезоне 2013 «Славія» хутка апынулася на апошнім радку і, нягледзячы на неблагую гульню ўлетку, не змагла яго пакінуць. У выніку каманда зноў вылецела ў Першую лігу.

У сезоне 2014 змяніўся амаль увесь склад каманды. Новы галоўны трэнер Юрый Пунтус зрабіў стаўку на шэраг ветэранаў і перспектыўных маладых ігракоў (многія перайшлі да Пунтуса з яго былога клуба — «Смалявічаў-СТІ»). У выніку «Славія» хутка стала аднім з лідараў лігі. У сярэдзіне сезона мазыране разам з мікашэвіцкім «Гранітам» значна адарваліся ад канкурэнтаў. Гарантаваўшы за некалькі тураў да фінішу вяртанне ў Вышэйшую лігу, «Славія» саступіла першае месца «Граніту».

У сезоне 2015 «Славія» захавала склад папярэдняга сезона, узмацніўшыся шэрагам маладых ігракоў з ніжэйшых ліг. Каманда добра пачала выступ у Вышэйшай лізе, апынуўшыся ў сярэдзіне табліцы. У многім гэта адбылося дзякуючы высокім бамбардзірскім паказчыкам нападніка мазыран Дзяніса Лапцева, які ў 13 матчах здолеў забіць 9 галоў. Улетку Лапцеў перайшоў у расійскі клуб «Тосна», а «Славія» стала выступаць горш, неўзабаве наблізіўшыся да зоны вылету. Толькі пасля перамогі ў перадапошнім туры над «Гомелем» (3:1) мазыране гарантавалі месца ў Вышэйшай лізе на наступны сезон. У выніку каманда скончыла чэмпіянат на 10-м радку табліцы.

Сезон 2016 «Славія» прайшла роўна, але на прэтэндавала на высокія месцы, зноў спыніўшыся ў выніку на 10-м радку. Найбольш яркімі момантамі каманды сталі хатняя перамога над чэмпіёнам краіны БАТЭ (2:1), а таксама звышвыніковыя матчы з «Мінскам» — абодва скончыліся перамогамі гаспадароў з лікам 6:2.

Сезон 2017 атрымаўся для мазырскага клуба няўдалым. З пачатку сезона каманда апынулася ўнізе табліцы, аднак мела пеавагу перад «Нафтанам» і «Іслаччу», якія пачалі чэмпіянат з ачковымі штрафамі. У другой палове сезона «Славія» атрымала ўсяго адну перамогу, у той час як «Іслач» стала набіраць ачкі і, перагнаўшы мазырскую каманду, пакінула яе на 15-м месцы. Перад апошнім турам галоўны трэнер Юрый Пунтус быў адхілены ад кіравання камандай, аднак пад кіраўніцтвам Міхаіла Марціновіча «Славія» саступіла ў апошнім туры «Тарпеда-БелАЗ» (0:2), засталася на перадапошнім радку і вылецела ў Першую лігу.

Перад сезонам 2018 Міхаіл Марціновіч быў зацверджаны галоўным трэнерам. Клуб здолеў захаваць асноўных ігракоў, у тым ліку легіянераў Ігара Кастрова і Максіма Слюсара, аднак пры гэтым больш шанцаў атрымала моладзь. Нягледячы на няўдалы старт, «Славія» хутка далучылася да шэрагу лідараў і ў барацьбе з «Энергетыкам-БДУ» і «Белшынай» выйшла пераможцам, за тур да фінішу забяспечыўшы сабе першы радок. «Славія» стала таксама першай камандай у Вышэйшай і Першай лігах Беларусі з часу іх заснавання ў 1992 годзе, якая за сезон не пацярпела ніводнага паражэння.

Сезон 2019 у Вышэйшай лізе каманда пачала добра, аднак у другой палове сезона вынікі сталі пагаршацца. Тым не менш, паспяховы фініш дазволіў «Славіі» заняць восьмы радок. Сезон 2020 каманда праводзіла пераважна ў ніжняй палове табліцы і ў выніку стала дзявятай. Сезон 2021 пачаўся для каманды дрэнна, яна доўгі час знаходзілася ў зоне вылету, пазней добры адрэзак дазволіў адарвацца ад апошніх радкоў, але ў выніку «Славія» фінішавала на 14-м месцы і толькі дзякуючы перамозе ў стыкавых матчах супраць «Крумкачоў» захавала месца ў Вышэйшай лізе. У 2022 годзе «Славія» звычайна знаходзілася ў сярэдзіне табліцы, аднак у другой палове сезона вынікі пагоршыліся, і пасля няўдалай серыі (чатыры паражэнні запар) у кастрычніку замест Марціновіча новым глоўным трэнерам быў прызначаны Іван Біёнчык. Чэмпіянат мазыране скончылі дзясятымі.

Эмблемы

• Гісторыя эмблем «Славіі»
• да 2013 года
• з 2014 года

Папярэднія назвы

• 1987—1994: «Палессе»
• 1995—1997: МВКЦ
• 1998—2005: «Славія»
• 2006: «Мазыр-ЗЛіН»
• 2007: «Мазыр»
• з 2008: «Славія-Мазыр»

Дасягненні

• 01 Чэмпіён Беларусі (2): 1996, 2000
• 02 Срэбраны прызёр чэмпіянату Беларусі (2): 1995, 1999
• Уладальнік Кубка Беларусі (2): 1996 і 2000
• Пераможца Першай лігі чэмпіянату Беларусі (3): 1994/1995, 2011, 2018

Цяперашні склад

Станам на лістапад 2022 года, згодна з афіцыйным сайтам клуба[1].

№ Пазіцыя Імя Год нараджэння 16 Бр Даніла Сокал 2001 22 Бр Яўген Іваненка 1995 84 Бр Мікалай Раманюк 1984 3 Аб Дзмітрый Ігнаценка 1995 15 Аб Андрэй Альшанік 1999 18 Аб Ілья Руцкі 1999 31 Аб Ігар Тыманюк 1994 93 Аб Георгій Бугулаў 1993 6 ПА Крысціян Дрос 1998 7 ПА Яўген Зямко 1996 8 ПА Яўген Барсукоў 1990

№ Пазіцыя Імя Год нараджэння 13 ПА Уладзіслаў Полаз 2001 19 ПА Глеб Жэрдзеў 2000 20 ПА Андрэй Чухлей 1987 81 ПА Уладзіслаў Жук 1994 88 ПА Мікалай Рабых 2001 96 ПА Валерый Патароча 1996 98 ПА Дзмітрый Крывашэеў 1998 9 Нап Андрэй Кобец 1997 34 Нап Арцём Пятрэнка 2000 77 Нап Даніла Слесарчук 2001

Рэзервовы склад

№ Пазіцыя Імя Год нараджэння Бр Дзмітрый Кунец 2000 Бр Сяргей Паграноўскі 2004 Бр Іван Уласаў 2004 44 Аб Данііл Пруднік 2004 Аб Дзмітрый Браім 2002 Аб Міхаіл Віткоўскі 2004 Аб Максім Патапаў 2003 Аб Аляксей Тупік 2004 Аб Віктар Цясёлкін 2003 Аб Андрэй Чупін 2001 ПА Уладзіслаў Андрасовіч 2003 ПА Максім Бокараў 2003 ПА Юрый Васіленка 2004

№ Пазіцыя Імя Год нараджэння ПА Ву Шуан Тхань 2000 ПА Павел Катляроў 2004 ПА Аляксандр Конеў 2004 ПА Яраслаў Піскун 2003 ПА Аляксандр Рафаловіч 2000 ПА Уладзіслаў Савіцкі 2004 ПА Дзяніс Тарасенка 2004 ПА Данііл Цык 2005 Нап Дзмітрый Аўрамчук 2003 Нап Мікіта Жулега 2004 Нап Уладзіслаў Карабун 2003 Нап Аляксей Судзянкоў 2005

Трэнерскі штаб

• Іван Біёнчык (нар. 1985) — галоўны трэнер
• Міхаіл Марціновіч (нар. 1979) — трэнер
• Артур Рамашоў (нар. 1987) — трэнер
• Максім Сухавееў (нар. 1979) — трэнер
• Дзмітрый Турчын (нар. 1988) — трэнер
• Антон Амельчанка (нар. 1985) — трэнер брамнікаў
• Дзмітрый Варабей (нар. 1985) — галоўны трэнер дубля
• Міхаіл Лакамы (нар. 1976) — трэнер дубля
• Вадзім Цябус (нар. 1978) — трэнер дубля

Статыстыка выступленняў

Чэмпіянат і Кубак Беларусі

Сезон	Ліга	М	Г	В	Н	П	Галы	Ачкі	Кубак	Заўвагі
1992	Другая (Д2)	7	15	5	6	4	18–22	16	1/32 фіналу
1992/93	Другая (Д2)	2	30	22	5	3	54–14	49	1/32 фіналу
1993/94	Другая (Д2)	2	28	19	5	4	48–18	43	1/16 фіналу
1994/95	Другая (Д2)	1	30	24	3	3	106–17	51	Чвэрцьфінал	Выхад у Першую лігу
1995	Першая (Д1)	2	15	11	3	1	44–9	36	Пераможца
1996	Першая (Д1)	1	30	24	4	2	64–17	76	1/8 фіналу
1997	Першая (Д1)	6	30	12	7	11	39–30	43	Чвэрцьфінал
1998	Вышэйшая (Д1)	6	28	12	9	7	41–36	45	Фіналіст	Змена назваў ліг
1999	Вышэйшая (Д1)	2	30	20	5	5	74–25	65	Пераможца
2000	Вышэйшая (Д1)	1	30	23	5	2	78–25	74	Фіналіст
2001	Вышэйшая (Д1)	7	26	13	5	8	49–27	44	Чвэрцьфінал
2002	Вышэйшая (Д1)	11	26	6	6	14	38–61	24	1/8 фіналу
2003	Вышэйшая (Д1)	14	30	6	7	17	29–64	25	1/16 фіналу
2004	Вышэйшая (Д1)	12	30	9	4	17	32–51	31	1/8 фіналу
2005	Вышэйшая (Д1)	14	26	2	5	19	14–60	11	1/8 фіналу	Вылет у Першую лігу
2006	Першая (Д2)	4	26	11	10	5	44–24	43	1/16 фіналу
2007	Першая (Д2)	13	26	4	6	16	26–44	18	1/16 фіналу
2008	Першая (Д2)	13	26	6	5	15	33–62	23	1/16 фіналу
2009	Першая (Д2)	13	27[upper-alpha 1]	5	8	14	23–41	23	1/8 фіналу
2010	Першая (Д2)	9	30	10	7	13	33–44	37	1/16 фіналу
2011	Першая (Д2)	1	30	22	5	3	53–15	71	1/16 фіналу	Выхад у Вышэйшую лігу
2012	Вышэйшая (Д1)	10	30	7	6	17	22–58	27	1/8 фіналу
2013	Вышэйшая (Д1)	12	32	5	8	19	24–47	23	1/8 фіналу	Вылет у Першую лігу
2014	Першая (Д2)	2	30	18	6	6	55–38	60	1/16 фіналу	Выхад у Вышэйшую лігу
2015	Вышэйшая (Д1)	10	26	7	5	14	33–50	26	1/8 фіналу
2016	Вышэйшая (Д1)	10	30	9	8	13	33–49	35	1/8 фіналу
2017	Вышэйшая (Д1)	15	30	4	8	18	26–50	20	1/16 фіналу	Вылет у Першую лігу
2018	Першая (Д2)	1	28	21	7	0	69–13	70	1/8 фіналу	Выхад у Вышэйшую лігу
2019	Вышэйшая (Д1)	8	30	10	7	13	35–40	37	Паўфінал
2020	Вышэйшая (Д1)	9	30	10	9	11	41–49	39	1/8 фіналу
2021	Вышэйшая (Д1)	14	30	8	8	14	42–50	32	1/8 фіналу
	Пераходныя матчы[upper-alpha 2]		2	1	1	0	1–0
2022	Вышэйшая (Д1)	10	30	10	7	13	42–46	37	Удзельнічае

1. ↑ Улічваючы дадатковы матч за права застацца ў Першай лізе супраць шклоўскага «Спартака» (перамога 2:1).
2. ↑ Пераходныя матчы за месца ў Вышэйшай лізе супраць «Крумкачоў» (Мінск), трэцяй каманды Першай лігі 2021.

Міжнародныя кубкі

Сезон	Кубак	Раўнд	Клуб		Першыя матчы	Адказныя матчы	Вынік
1996—1997	Кубак Кубкаў	Папярэдні раўнд		Рэйк’явік	2:2 (Х)	0:1 (Г)	2:3
1997—1998	Ліга чэмпіёнаў	1 к/р		Канструктарул (Кішынёў)	1:1 (Г)	3:2 (Х)	4:3
		2 к/р		Алімпіякос (Пірэй)	0:5 (Г)	2:2 (Х)	2:7
1997—1998	Кубак УЕФА	1 раўнд		Дынама (Тбілісі)	1:1 (Х)	0:1 (Г)	1:2
2000—2001	Кубак УЕФА	1 к/р		Макабі (Хайфа)	1:1 (Х)	0:0 (Г)	1:1 (в.г. 0:1)
2001—2002	Ліга чэмпіёнаў	1 к/р		ВБ (Вагур)	0:0 (Г)	5:0 (Х)	5:0
		2 к/р		Інтэр (Браціслава)	0:1 (Х)	0:1 (Г)	0:2

Неафіцыйныя турніры

Сезон	Кубак	Раўнд	Клуб		Вынік
1997	Кубак чэмпіёнаў Садружнасці	Група D		Зборная клубаў Расіі	2:5
				Сконта	1:2
				Капетдаг	0:3
2001	Кубак чэмпіёнаў Садружнасці	Група А		Спартак (Масква)	1:3
				Варзоб	1:1
				Каўнас	4:3

Галоўныя трэнеры

• Анатоль Усенка (пачатак 1990-х)
• Анатоль Юрэвіч (1993 — люты 1997)
• Аляксандр Бубноў (1997 — красавік 1998)
• Аляксандр Кузняцоў (1998 — 2000)
• Улада Петравіч (2000 — жнівень 2001)
• Павел Раднёнак (жнівень 2001 — май 2002)
• Аляксандр Пражнікаў (май 2002 — жнівень 2003)
• Уладзімір Курнеў (жнівень 2003 — студзень 2004)
• Андрэй Сасніцкі (студзень 2004 — жнівень 2005)
• Аляксандр Белан (в. а. у жніўні 2005)
• Іліе Карп (жнівень — снежань 2005)
• Ігар Фралоў (2006)
• ?
• Вячаслаў Шэўчык (2008)
• Сяргей Ясінскі (снежань 2008 — чэрвень 2009)
• Вячаслаў Шэўчык (чэрвень — жнівень 2009)
• Віталь Паўлаў (жнівень — снежань 2009)
• Юрый Малееў (2010 — студзень 2014)
• Юрый Пунтус (студзень 2014 — лістапад 2017)
• Міхаіл Марціновіч (студзень 2018 — кастрычнік 2022)
• Іван Біёнчык (з кастрычніка 2022)

Зноскі

1. ↑ Основной состав

Спасылкі

• Афіцыйны сайт
• Профіль на сайце globalsportsarchive.com (англ.)

Тэмы гэтай старонкі (5):
Катэгорыя·Футбольныя клубы паводле алфавіта
Катэгорыя·Футбольныя клубы Беларусі
Катэгорыя·ФК Славія Мазыр
Катэгорыя·Вікіпедыя·Артыкулы з пераазначэннем значэння з Вікідадзеных
Катэгорыя·Футбольныя клубы, заснаваныя ў 1987 годзе