Васіль Яраслававіч Сліпак (укр.: Василь Ярославович Сліпак; 20 снежня 1974, Львоў, УССР — 29 чэрвеня 2016, с. Луганскае) — украінскі оперны спявак, саліст Парыжскай нацыянальнай оперы[2][3], валанцёр, удзельнік баявых дзеянняў падчас вайны на ўсходзе Украіны ў складзе дабравольніцкага ўкраінскага корпуса «Правы сектар». Герой Украіны.[4]
Васіль Сліпак нарадзіўся ва Львове. Выхаванец Львоўскай харавой капэлы «Дударык»,[5] у 1997 годзе скончыў Львоўскую музычную акадэмію імя Лысенкі.[6] Пасля сканчэння навучання яго запрасілі ў Парыжскую оперу «Опера Бастылія». Ва Францыі Сліпак спяваў у «Гранд-Апера», «Атэней», Опера «Бастылія», а таксама ў оперных тэатрах гарадоў Масі, Ліёна і Сен-Эцьена.[7]
Парыжская аўдыторыя называла яго Мефістофелем з-за выдатнага выканання гэтай партыі ў оперы Шарля Гуно «Фауст».[8]
Калі пачаўся Еўрамайдан, з-за падпісанага з операй кантракту Сліпак не мог паехаць у Кіеў, але ён падтрымліваў пратэстоўцаў у Парыжы: арганізоўваў украінскія акцыі і быў адным са стваральнікаў арганізацыі «Fraternité Ukrainienne» («Украінскае братэрства»).
Калі ва ўсходняй Украіне пачаўся канфлікт, спявак вырашае ехаць туды. Ён ваяваў у шэрагах «Правага сектара», у 7-м асобным штурмавым батальёне. На вайне ён скараціў сваю мянушку да «Міф» — гэта быў ягоны пазыўны.
Сліпака забіў снайпер падчас атакі сепаратыстаў паблізу Дэбальцава.[8]
Пахавалі спевака ў родным Львове.