У Вікіпедыі ёсць артыкулы пра іншых асоб з прозвішчам Барадзін. Аляксандр Парфіравіч Барадзін (руск.: Алекса́ндр Порфи́рьевич Бороди́н; 31 кастрычніка (12 лістапада) 1833, Санкт-Пецярбург — 15 (27) лютага 1887, там жа) — рускі кампазітар і навуковец-хімік.
Скончыў Медыка-хірургічную акадэмію ў Пецярбургу (1856). Доктар медыцыны (1858). Прафесар (1864), загадчык кафедры хіміі (з 1874), акадэмік (1877) Медыка-хірургічнай акадэміі. Член-заснавальнік Рускага хімічнага таварыства (1868). Адзін з арганізатараў і педагогаў (1872—1887) Жаночых урачэбных курсаў. Музыцы вучыўся самастойна. Уваходзіў у «Магутную кучку». Найбольш значны твор — опера «Князь Ігар» (не завершана, скончана М. Рымскім-Корсакавым і А. Глазуновым, пастаўлена ў 1890 годзе).