«Аіда» (італ.: Aida) — опера Джузэпэ Вердзі, лібрэта Антоніа Гісланцоні па сцэнарыі О. Ф. Марыета. Дзеянне адбываецца ў Мемфісе і Фівах ў часы валадарства фараонаў. У оперы апавядаецца аб няшчасным каханні правадыра егіпецкіх войскаў Радамеса і рабыні Аіды — дачкі эфіопскага цара, з войскамі якога змагаюцца егіпцяне.
Опера «Аіда» упершыню пастаўлена 24 снежня 1871 г. (Каір). У ролях: Амнерыс — Гросі, Аіда — Паццоні, Радамес — Манджыні, Аманасра — Штэлер, Рамфіс — Медзіна. Дырыжор — Батэзіні.