У Вікіпедыі ёсць артыкулы пра іншых асоб з прозвішчам Рубінштэйн. Антон Рыгоравіч Рубінштэйн (руск.: Анто́н Григо́рьевич Рубинште́йн, 1829, Выхватынцы, Падольская губерня — 1894, Пецяргоф) — рускі кампазітар, піяніст, дырыжор, музычны педагог. Брат піяніста Мікалая Рубінштэйна.
Як піяніст Рубінштэйн стаіць у шэрагу найвялікшых прадстаўнікоў фартэпіяннага выканальніцтва ўсіх часоў. Ён таксама з’яўляецца заснавальнікам прафесійнай музычнай адукацыі ў Расіі. Яго намаганнямі была адкрыта ў 1862 годзе ў Пецярбургу першая руская кансерваторыя. Сярод яго вучняў — Пётр Ільіч Чайкоўскі.
У сваім завяшчанні заснавальнік Антон Рубінштэйн вылучыў спецыяльны капітал, на працэнты з якога павінна была штогод (аднак толькі пры наяўнасці годнага кандыдата) выдавацца прэмія ў выглядзе раяля лепшаму з выпускнікоў Пецярбургскай кансерваторыі бягучага года.