wd wp Пошук:
    ⬜

    Мінскі аўтамабільны завод

    ААТ «Мінскі аўтамабільны завод» — беларускі вытворца грузавых аўтамабіляў, аўтобусаў, тралейбусаў, а таксама спецыяльнай тэхнікі і прычэпаў.

    Гісторыя

    Савецкі перыяд

    1944—1947

    Заснаваны 9 жніўня 1944 г. пастановай Дзяржаўнага камітэта абароны аб арганізацыі аўтазборачнага завода ў Мінску.

    Адначасова з будаваннем завода, у кастрычніку 1944 г. пачынаецца зборка грузавых машын GMC и Studebaker з вузлоў і дэталей, якія паступалі па ленд-лізу. Вырабленыя аўтамабілі адразу ж адпраўлялі на фронт. Зборка спынена ў кастрычніку 1946 г. За два гады было сабрана 18174 аўтамабіля.

    У красавіку 1946 г. быў асвоены выпуск прычэпаў.

    1947—1965

    У 1947 годзе на заводзе пачаўся выпуск грузавых аўтамабіляў. Першымі машынамі, якія выйшлі з цэха 7 лістапада 1947 года, сталі 6-тонныя самазвалы МАЗ-205, створаныя яшчэ на Яраслаўскім аўтазаводзе.

    Да канца 1950 г. завод знаходзіўся ў стадыі будаўніцтва, таму на прадпрыемстве займаліся толькі зборкай машын і вытворчасцю драўляных кабін. Амаль 75 % камплектуючых агрэгатаў паступала ў Мінск з Яраслаўля. І толькі ў 1951 г. ў эксплуатацыю былі запушчаныя асноўныя вытворчыя магутнасці завода.

    На грузавікі серыі «200» ў 1959 і 1964 гадах прыйшоўся выпуск 100- і 200-тысячнага аўтамабіля маркі «МАЗ».

    У 1950 г. на МАЗе было створана канструктарскае бюро звышцяжкіх грузавых аўтамабіляў, якое ўзначаліў вядомы канструктар Барыс Львовіч Шапашнік. Пад яго кіраўніцтвам 17 верасня 1950 г. быў сабраны першы 25-тонны кар’ерны самазвал МАЗ-525. У 1957 г. пачаўся выраб трохвосевай машыны МАЗ-530 грузападымальнасцю 40 тон. З 1956 г. МАЗ выпускаў таксама спецыяльныя колавыя машыны: будаўнічы МАЗ-528 і аэрадромны цягач МАЗ-541. У праграму таксама ўваходзілі аднавосевыя цягачы МАЗ-529В і МАЗ-531 для буксіроўкі скрэпераў.

    1965—1990

    Наступным важным этапам стала стварэнне заводам цяжкіх грузавікоў з бескапотнай кампаноўкай. Яшчэ ў 1958 годзе на МАЗе сабралі першыя ўзоры машын новага пакалення МАЗ-500, але толькі ў 1965 г., пасля рэканструкцыі завода, разгарнулася іх серыйная вытворчасць. Базавым варыянтам стаў бартавы 7,5-тонны МАЗ-500 з колавай базай 3850 мм.

    У 1970 г. адбылася мадэрнізацыя 500-га сямейства. Колавая база бартавой мадэлі МАЗ-500А ўзрасла на 100 мм, грузападымальнасць павялічылася да 8 т.

    Пакаленне МАЗаў 1977-89 гадоў ўяўляла сабой набор розных пераходных камбінацый з шасі 500-й серыі, і адрознівалася толькі абліцоўваннем кабіны і суцэльнаметалічнай грузавой платформай.

    У канцы 1970-х распрацована новае — трэцяе пакаленне МАЗ. Першым у серыйнай вытворчасці ў 1978 г. з’явіўся седлавы цягач МАЗ-6422 (6x4). Пераход на новае пакаленне практычна завяршыўся да 1985 г. Базавымі сталі седлавыя цягачы МАЗ-54322 і МАЗ-64227.

    У 1988 г. пачалося супрацоўніцтва з нямецкай фірмай MAN, чые 360-моцныя рухавікі былі ўпершыню ўстаноўлены на цягачы МАЗ-54326 і МАЗ-64226.

    У 1988 г. на Парыжскім аўтасалоне завод прадставіў вопытны прататып — аўтапоезд МАЗ-2000 «Перабудова» даўжынёй 15 метраў з сілавымі агрэгатамі, размешчанымі ўнутры паваротнай каляскі пад высокай абцякальнай кабінай.

    14 красавіка 1989 г. быў сабраны 1000000 грузавік. Ім стаў цягач МАЗ-6422.

    Беларусь

    1990-я

    Пераход да эканамічных рэформ пачатку 90-х гадоў адзначыўся буйнымі эканамічнымі і палітычнымі ўзрушэннямі, якія паставілі МАЗ на грань катастрофы. У далейшым МАЗ змог аднавіць сілы, мадэрнізаваць свае папярэднія грузавікі і стварыць новае чацвёртае пакаленне. На іх з’явіліся больш сучасныя агрэгаты, АБС у прывадзе тармазоў, процібуксовачнай сістэма ASR. Нараўне з расійскімі рухавікамі Яраслаўскага і Тутаеўскага маторных заводаў ўсё шырэй сталі выкарыстоўвацца нямецкія маторы MAN, амерыканскія Cummins, англійскія Perkins.

    15 чэрвеня 1992 г. была падпісана дамоўленасць паміж Мінскім Аўтамабільным Заводам і нямецкай аўтобуснай фірмай Неаплан (Neoplan), на падставе якой МАЗу была перададзена ліцэнзія на вытворчасць гарадскога аўтобуса Neoplan 4014 і турыстычнага лайнера Neoplan 316SHD. Былі перададзены таксама зборачныя прыстасаванні і тэхнічная дакументацыя. Першыя шэсць нізкападлогавых аўтобусаў былі сабраныя з нямецкіх машына-камплектаў ў 1993 года на плошчах Мінскага завода колавых цягачоў[5]. Першая пастаўка аўтобусаў МАЗ у прамыслова значных аб’ёмах адбылася ў 1997 г.

    МАЗ-6430

    11 сакавіка 1997 г. з канвеера сышоў першы двухвосевы седлавы цягач сямейства «5440» чацвёртага пакалення. Пачатак новаму трохвосеваму пакаленню даў седлавы цягач МАЗ-6430 для 46-тонных аўтацягнікоў.

    МАЗ-MAN-543268

    Асноўны артыкул: МАЗ-MAN 10 снежня 1997 года ў Мінску была падпісана дамова аб стварэнні сумеснага беларуска-нямецкага прадпрыемства ЗАТ «МАЗ-МАН». Першай прадукцыяй новага прадпрыемства сталі двухвосныя седлавыя цягачы МАЗ-MAN-543265 і МАЗ-MAN-543268[6]. Машыны ўяўлялі сабой шасі МАЗ-5432 з рухавіком MAN, каробкай перадач ZF і кабінай ад MAN F2000. На МАЗ-MAN-543265 усталёўваўся рухавік D 2866 LF 21 (370 к.с., Еuro-1), на МАЗ-MAN-543268 — D 2866 LF 20 (400 к.с., Euro-2). У красавіку 1998 года быў сабраны першы грузавік. Зборка ажыццяўлялася не на канвееры, а на асобных участках-пастах, дзе стаялі некалькі чалавек, якія адзін за адным паступова ўсталёўвалі на машыну ўсе вузлы і агрэгаты. На 45 адсоткаў першы аўтамабіль складаўся з імпартных камплектуючых. Нямецкімі былі матор, кабіна ў поўнай камплектацыі і стандартнай афарбоўцы, каробка перадач, счапленне, шэраг пнеўмаэлементаў і інш. Раму, масты, пярэднюю вось, сядло вырабілі на МАЗе. У кастрычніку 1998 года на «МАЗ-МАНе» пачаў працу свой зборачны канвеер[7].

    У 1999 г. завод прадставіў сярэднетанажны грузавік МАЗ-4370 з дызелем Д-245.9 (136 к.с.) Мінскага маторнага завода. Яго вытворчасць пачалася ў сакавіку 2000 г.

    2000-я

    Вытворчасць грузавых аўтамабіляў
    у 2000—2009 гады[8][9][10][11][12][13][14][15]
    Вытворчасць аўтобусаў
    у 2000—2009 гады[8][9][10][11][13][14][15]

    2010-я

    У пачатку 2010-х абмяркоўвалася стварэнне сумеснага прадпрыемства з расійскім вытворцам «КАМАЗ». У 2011 годзе брытанская аўдытарская кампанія Ernst&Young правяла ацэнку рынкавага кошту МАЗа, якая склала $800 млн[16].

    2020-я

    Аб’ём вытворчасці за 2020 год склаў 10762 адзінкі. Асноўныя экспартныя рынкі: Расія (рэалізавана 5275 машын, у тым ліку 3991 грузавы аўтамабіль і 805 адзінак пасажырскай тэхнікі) і Украіна (рэалізаваныя 1012 грузавых аўтамабіляў і 354 адзінкі пасажырскай тэхнікі, 110 прычэпаў, доля на ўкраінскім рынку склала 21,7 %)[17].

    Санкцыі ЕС, іншых краін

    21 чэрвеня 2021 года аўтамабільны завод (а таксама яго дырэктар Іванковіч) быў унесены ў санкцыйны спіс ЕС[18][19]. Таксама завод і Іванковіча у свае санкцыйныя спісы ўключылі Канада[20][21], Швейцарыя[22][23]. 6 ліпеня да чэрвеньскага пакета санкцый ЕС далучыліся Албанія, Ісландыя, Ліхтэнштэйн, Нарвегія, Паўночная Македонія, Чарнагорыя[24].

    Структура

    Прадукцыя

    Грузавікі

    Сярэднетанажныя
    МАЗ-4371
    МАЗ-4571    		 МАЗ-4381 МАЗ-4581
    4х2
    МАЗ-5340
    МАЗ-5440
    МАЗ-5550
    6х4
    МАЗ-6312
    МАЗ-6430
    МАЗ-6501    		 МАЗ-6513
    6х6
    МАЗ-6302
    МАЗ-6318
    8х4
    МАЗ-6516
    8х8 МАЗ-6526

    Аўтобусы


    МАЗ-103

    МАЗ-203
    МАЗ-206
    МАЗ-226
    МАЗ-215
    МАЗ-216

    МАЗ-231
    МАЗ-232
    МАЗ-251
    МАЗ-257

    МАЗ-303

    МАЗ-171    		 МАЗ-271

    Тралейбусы


    МАЗ-203Т

    Лёгкія камерцыйныя аўтамабілі


    МАЗ-281
    МАЗ-3650

    Спорт

    У 1987—1992 гг МАЗ удзельнічаў у чэмпіянаце Еўропы па кальцавых гонках на грузавіках[25]. Апошнім выступленнем кальцавога МАЗа стаў этап чэмпіянату свету ў Францыі, дзе Генадзь Драпкін заняў другое месца. Але па вяртанні дадому каманда была расфарміравана, праект закрыты, машына разукамплектавана, а пазней распілавана на металалом.

    У 1999—2001 гг каманда «МАЗ-Яравіт» удзельнічае ў чэмпіянаце Еўропы па трак-трыяле. У 2000 годзе экіпаж Пётр Орсік / Дзмітрый Кніга стаў пераможцам чэмпіянату. У 2001-м экіпаж паўтарыў сваё дасягненне[26].

    Асноўны артыкул: МАЗ-СПОРТаўта

    МАЗ-5309RR на ралі Дакар-2017

    З 2010 года каманда Мінскага аўтамабільнага завода — «МАЗ-СПОРТаўта» — прымае ўдзел у міжнародных ралі-рэйдах «Шаўковы шлях», «Дакар», «Золата кагана» і інш.

    Гл. таксама: МАЗ-1500 Кіраўніцтва завода

    Мінскі аўтамабільны завод у розныя гады ўзначальвалі:

    Генеральныя канструктары

    Зноскі

    1. ↑ http://epfr.gov.by/file/97084/content
    2. 1 2 3 http://epfr.gov.by/file/97083/content
    3. ↑ https://blr.belta.by/economics/view/maz-pradstaviu-navinki-vytvorchastsi-na-milex-78149-2019/
    4. 1 2 3 http://maz.by/about/branches
    5. ↑ http://os1.ru/article/anniversary/2007_11_A_2008_04_10-14_26_16/
    6. ↑ Первый лауреат республиканского автомобильного конкурса(руск.) . adt.by (5 сакавіка 2015). Праверана 1 лютага 2021.
    7. ↑ Первый грузовик МАЗ-МАН(руск.) . adt.by (23 красавіка 2018). Праверана 1 лютага 2021.
    8. 1 2 Автопром СНГ: итоги года // Авторевю : часопіс. — 2002. — № 4. — С. 71. (руск.)
    9. 1 2 Грузовой автопром СНГ: итоги года // Авторевю : часопіс. — 2003. — № 4. — С. 61. (руск.)
    10. 1 2 Автопром СНГ в 2003 году: грузовики и автобусы // Авторевю : часопіс. — 2004. — № 4. — С. 67. (руск.)
    11. 1 2 Производство грузовиков и автобусов в СНГ // Авторевю : часопіс. — 2005. — № 4. — С. 70. (руск.)
    12. ↑ Производство грузовиков и автобусов в СНГ (по данным АСМ-Холдинга) // Авторевю : часопіс. — 2006. — № 4. — С. 65. (руск.)
    13. 1 2 Автозаводы СНГ: итоги года // Авторевю : часопіс. — 2008. — № 3. — С. 82. (руск.)
    14. 1 2 Автозаводы СНГ: итоги года // Авторевю : часопіс. — 2009. — № 3. — С. 75. (руск.)
    15. 1 2 Производство грузовиков и автобусов в СНГ за январь—декабрь // Авторевю : часопіс. — 2010. — № 3. — С. 72. (руск.)
    16. ↑ Ernst & Young: МАЗ стоит не более 800 млн долларов(руск.) . av.by (15 лістапада 2011). Праверана 23 кастрычніка 2021.
    17. ↑ МАЗ – ответ на новые вызовы: рост объемов производства и продаж(руск.) . belta.by (1 лютага 2021). Праверана 1 лютага 2021.
    18. ↑ COUNCIL IMPLEMENTING REGULATION (EU) 2021/997 - Афіцыйны часопіс Еўрапейскага Саюза(укр.) бел., 21.06.2021
    19. ↑ RFE/RL. In Photos: What EU Sanctions Against Belarus Look Like(англ.) . Радыё Свабодная Еўропа/Радыё Свабода (25 чэрвеня 2021). Архівавана з першакрыніцы 8 жніўня 2021. Праверана 14 жніўня 2021.
    20. ↑ Consolidated Canadian Autonomous Sanctions List(англ.) . Міністэрства міжнародных спраў Канады(англ.) бел. (19 кастрычніка 2015). Праверана 29 чэрвеня 2021.
    21. ↑ Entire Economic Spheres Can Be Paralised in Belarus(англ.) . Хартыя'97 (12 жніўня 2021). Архівавана з першакрыніцы 12 жніўня 2021.
    22. ↑ Shields, Michael; Liffey, Kevin. Swiss widen sanctions list against Belarus(англ.) . Reuters (7 ліпеня 2021). Архівавана з першакрыніцы 7 ліпеня 2021. Праверана 10 ліпеня 2021.
    23. ↑ Sanctions program: Belarus: Verordnung vom 11. August 2021 über Massnahmen gegenüber Belarus (SR 946.231.116.9), Anhang 7 und 8(англ.) . Дзяржаўны сакратарыят па эканамічных пытаннях(ням.) бел. (11 жніўня 2021). Архівавана з першакрыніцы 15 жніўня 2021. Праверана 15 жніўня 2021.
    24. ↑ Declaration by the High Representative on behalf of the European Union on the alignment of certain third countries with the Council Decision (CFSP) 2021/1002 concerning restrictive measures in view of the situation in Belarus(англ.) . Савет Еўрапейскага саюза (6 ліпеня 2021). Праверана 10 верасня 2021.
    25. ↑ Архівавана 20 мая 2013.
    26. ↑ Архівавана 23 сакавіка 2011.

    Спасылкі

    Тэмы гэтай старонкі (15):
    Вікіпедыя:Артыкулы з пераазначэннем значэння з Вікідадзеных
    Вікіпедыя:Запыты на пераклад з украінскай
    Машынабудаўнічыя прадпрыемствы
    Кампаніі паводле алфавіта
    Вытворцы грузавых аўтамабіляў
    Мінскі аўтамабільны завод
    1944 год у Мінску
    Аўтамабілебудаўнічыя кампаніі Беларусі
    Вікіпедыя:Артыкулы з незавершанымі раздзеламі
    Вікіпедыя:Артыкулы з крыніцамі з Вікідадзеных
    Кампаніі, заснаваныя ў 1944 годзе
    Вікіпедыя:Артыкулы са спасылкамі на элементы Вікідадзеных без подпісу
    Вікіпедыя:Кампаніі без геаграфічных каардынат
    Беларускія юрыдычныя асобы ў Чорным спісе ЕС
    Прадпрыемствы Мінска