Ленд-ліз (англ.: Lend-Lease Act, ад lend даваць у пазыку + lease здаваць у арэнду) — сістэма перадачы (у пазыку або арэнду) узбраення, боепрыпасаў, стратэгічнай сыравіны, прадуктаў харчавання і іншага.
Пастаўкі па ленд-лізу ажыццяўляліся ЗША ў краіны-саюзніцы антыгітлераўскай кааліцыі ў перыяд Другой сусветнай вайны. Закон аб ленд-лізе быў прыняты Кангрэсам ЗША у 1941 годзе.
У красавіку 2022 года Палата прадстаўнікоў Кангрэса Злучаных Штатаў Амерыкі адобрыла законапраект, паводле якога будзе пастаўляцца ўзбраенне па ленд-лізе ва Украіну[1]. 9 мая Прэзідэнт ЗША Джо Байдэн падпісаў Закон аб ленд-лізе для Украіны, фактычна тоесны ранейшаму[2].