МАЗ-206
МАЗ-206 — гарадскі аўтобус сярэдняга класа. Выпускаецца Мінскім аўтамабільным заводам з 2006 года.
З 2007 года таксама выпускаецца прыгарадны варыянт — МАЗ-226.
Апісанне
Рухавікі
| Рухавік | Daimler OM 904 LA.III/5[1] | Daimler OM 904 LA.IV/3[1] | Daimler OM 904 LA.V/3[1] | Daimler OM 924 LA.V[1] | Weichai Power WP5NG 200E51[2] |
|---|---|---|---|---|---|
| Тып | Чатырохцыліндравы радны дызельны рухавік з турбанаддзіманнем | Чатырохцыліндравы радны газавы рухавік з турбанаддзіманнем | |||
| Экалагічны стандарт | Еўра-3 | Еўра-4 | Еўра-5 | Еўра-5 | Еўра-5 |
| Аб'ём, л | 4,25 | 4,8 | 4,98 | ||
| Магутнасць | 130 кВт (177 к.с.) пры 2200 аб/хв |
160 кВт (218 к.с.) пры 2200 аб/хв |
147 кВт (200 к.с.) пры 2100 аб/хв | ||
| Макс. круцільны момант | 675 Н·м пры 1200-1600 аб/хв |
810 Н·м пры 1200-1600 аб/хв |
665 Н·м пры 1300-1500 аб/хв | ||
Каробкі перадач
У залежнасці ад камплектацыі на аўтобусы могуць усталёўвацца механічныя шасціступеньчатыя каробкі перадач ZF 6S 710 BO або ZF 6S 1010 BO, альбо гідрамеханічныя каробкі ZF або Allison з убудаваным тормазам-запавольвальнікам.
Хадавая частка
Пярэдняя падвеска — залежная, пнеўматычная на двух пнеўмабалонах з двума амартызатарамі і адным кранам узроўню падлогі. Пярэдняя вось — Dana(англ.) бел. NDS56LF (K 26844). Задняя падвеска — залежная, пнеўматычная на чатырох пнеўмабалонах з чатырма амартызатарамі, двума кранамі узроўню падлогі. Вядучы мост — Dana 10.24, з цэнтральным размяшчэннем рэдуктара. Перадатачны лік — 5,83 або 4,33 у залежнасці ад мадыфікацыі[3][4].
Пярэдняя каляіна — 2110 мм, задняя — 1802 мм.
Колы — дыскавыя, 6,75х19,5. Шыны — бяскамерныя, 245/70 R19,5.
Рулявое кіраванне
Рулявое кіраванне — інтэгральнага тыпу, з гідраўзмацняльнікам. Тып рулявой перадачы — шруба—шарыкавая гайка—зубчастая рэйка—трохзубы сектар. Рулявая калонка рэгулюецца па вышыні і нахілу[5].
Тармазная сістэма
Тармазная сістэма — пнеўматычная, двухконтурная, абсталявана антыблакіровачнай сістэмай (ABS). Задні контур рабочых тармазоў абсталяваны процібуксовачнай сістэмай (ASR). Тармазныя механізмы — дыскавыя, вытворчасці WABCO(англ.) бел.[6].
Мадыфікацыі
|
|
МАЗ-2064**
У 2021 годзе МАЗ-206 быў абноўлены. Аўтобус атрымаў пярэднюю маску з новым дызайнам, распрацаваным у адпаведнасці з адзіным стылем рухомага саставу маскоўскага транспарту[8]. Змянілі пярэднія вуглавыя панэлі са святлатэхнікай, пярэднюю крышку і бампер. Акрамя новай пярэдняй маскі рэстайлінгавы МАЗ-206 атрымаў таксама новыя дзверы з шыбамі на ўсю вышыню створкі. Поручань на ўваходзе стаў дугападобнай формы. З’явіліся кнопкі адраснага адкрыцця дзвярэй. Таксама былі ўсталяваны вонкавыя люстэркі задняга віду Mekra, якія маюць электрападаграванне і электрарэгуліроўку. Абнавілі прыборную панэль і руль.
- МАЗ-206486 — з рухавіком Daimler OM 924 LA і гідрамеханічнай каробкай перадач з аўтаматычным кіраваннем Allison T270w / Ret;
- МАЗ-206415 — з аўтаматычнай каробкай перадач ZF 6AP 1000B;
- МАЗ-206463 — з механічнай каробкай ZF 6S 1010 BO.
МАЗ-226
Прыгарадны аўтобус. Выпускаецца з 2007 года.
Замест назапашвальнай пляцоўкі ўсталяваныя сядзенні. Такім чынам агульная колькасць месцаў паменшала з 72 да 60, але месцаў для сядзення стала болей — 31. Па левым борце маецца багажны адсек аб’ёмам 0,3 м³.
|
|
МАЗ-208
Мадэль, распрацаваная спецыяльна для рынку В’етнама. Адпавядае мясцоваму тэхнічнаму рэгламенту, згодна з якім шырыня аўтобуса не павінна перавышаць 2500 мм. У параўнанні з МАЗ-206 мае на 50 мм вузейшы каркас кузава. Абсталяваны рухавіком Mercedes-Benz стандарта Еўра-3.
Першыя аўтобусы былі выраблены ў 2017 годзе па тэхналогіі CKD на заводзе карпарацыі SAMCO у Хашыміне[9].
Мадыфікацыі іншых вытворцаў на базе МАЗ-206
МАЗ-206Т
Тралейбус, які быў перароблены з аўтобуса МАЗ-206.060 кампаніяй «ТрансЭлектра» (Расія). Абсталяваны цягавым рухавіком ТАД-280 завода «Дынама», сістэмай кіравання «ЭПРО» (Санкт-Пецярбург, Расія), кампрэсарам «Рэмеза». Замест панэлі прыбораў усталяваны кампутар ETC.2 з рэзістыўным сэнсарным экранам. Салон не мае змен у параўнанні з аўтобусам[10].
Эксплуатуецца ў горадзе Віднае (Маскоўская вобласць, Расія)[11].
Lotos 206
=DSC_0557.JPG)
З 2017 года газавую версію аўтобуса МАЗ-206 пад уласнай маркай Lotos 206 вырабляе кампанія «РариТЭК» (Набярэжныя Чаўны, Расія). З Беларусі ў Татарстан паступае несамаходны машынакамплект — з сабраным салонам, але без сілавога агрэгата. На прадпрыемстве аўтобус абсталёўваюць метанавым рухавіком Yuchai YC4G190N-50 і газавымі балонамі агульнай ёмістасцю 615 літраў[12].
Зноскі
- 1 2 3 4 Руководство по эксплуатации 206060-0000020 РЭ, с. 8
- ↑ Руководство по ремонту двигателя серии WP5NG для природного газа. — Weichai Westport New Energy Engine Co., Ltd.. — С. 15. (руск.)
- ↑ Руководство по эксплуатации 206060-0000020 РЭ, с. 61-69
- ↑ Специализированные ведущие мосты для низкопольных городских автобусов (ч. 2) // Основные средства : часопіс. — 2010. — № 06. (руск.)
- ↑ Руководство по эксплуатации 206060-0000020 РЭ, с. 74-76
- ↑ Руководство по эксплуатации 206060-0000020 РЭ, с. 81-82
- ↑ Как МАЗ обошел КАМАЗ в России, первым предложив уникальные автобусы(руск.) . abw.by (29 студзеня 2020). Праверана 13 лістапада 2020.
- ↑ МАЗ-206 прошел рестайлинг – оцените дизайн. Такое “лицо” могут получить все автобусы МАЗ второго поколения(руск.) . abw.by (14 мая 2021). Праверана 14 мая 2021.
- ↑ Первые автобусы новой модели МАЗ 208 вышли на работу во Вьетнаме(руск.) . abw.by (22 снежня 2017). Праверана 13 лістапада 2020.
- ↑ Троллейбусы принимают вызов // ГрузовикПресс : часопіс. — 2016. — № 12. (руск.)
- ↑ Видное, тралейбус № 28 (нявызн.). transphoto.org. Праверана 13 лістапада 2020.
- ↑ Российский рынок автобусов: Итоги’2017 // Коммерческий транспорт : часопіс. — 2018. — № 2 (142). — С. 44. (руск.)
Літаратура
- Автобусы МАЗ-206 и МАЗ-226. Руководство по эксплуатации 206060-0000020 РЭ. — Минский Автомобильный Завод, 2017. — 137 с. (руск.)
- Четвертый во втором поколении(руск.) // АВТОбизнес : газета. — № 36 (536) 7 верасня 2006. Архівавана з першакрыніцы 14 жніўня 2009.
- Разрушая стереотипы // ГрузовикПресс : часопіс. — 2008. — № 2. (руск.)
Спасылкі
-
На Вікісховішчы ёсць медыяфайлы па тэме МАЗ-206 -
Апісанне МАЗ-206 на афіцыйным сайце вытворцы(руск.) . maz.by. Архівавана з першакрыніцы 10 жніўня 2020. Праверана 13 лістапада 2020.
-
Апісанне МАЗ-226 на афіцыйным сайце вытворцы(руск.) . maz.by. Архівавана з першакрыніцы 13 жніўня 2020. Праверана 13 лістапада 2020.
Катэгорыя·Вікіпедыя·Артыкулы з пераазначэннем значэння з Вікідадзеных
Катэгорыя·Аўтобусы паводле алфавіта
Катэгорыя·Аўтобусы МАЗ