MAN F2000 | |
Седлавы цягач MAN-19.403 з паўпрычэпам (1994–1998) | |
Выпуск | 1994–2000 |
Вытворца | MAN |
Папярэднік | MAN F90 |
Пераемнік | MAN TGA |
Фотагалерэя на Wikimedia Commons |
MAN F2000 – сямейства грузавых аўтамабіляў нямецкай фірмы MAN Nutzfahrzeuge AG. Складалася з грузавікоў колавай формулы 4x2, 4x4, 6x2, 6x4, 6x6, 8x4, 8x6 i 8x8.
Прадстаўлена ў 1994 годзе. У 1995 годзе атрымала тытул Грузавы аўтамабль года (“Truck of the year”)[1].
MAN F2000 вырабляўся як шасі колавай формулы 4x2, 4x4, 6x2, 6x4, 6x6, 8x4, 8x6, 8x8 (з колавай базай 3500-5275 мм, поўнай масай 18-48 т) і седлавыя і седлава-баластныя цягачы 4x2, 6x2, 6x4, 8x4 (колавай базай 3575-4525 мм, поўнай масай 19-41 т). Магло мець кабіну трох тыпаў: дзённая, спальная стандартная і спальная з падвышаным дахам.
Абсталеўваўся адным з трох рухавікоў: радныя 6-цыліндравыя аб’ёмам 12 л (у трох варыянтах магутнасці — 310, 360 або 410 к.с.), 12,8 л магутнасцю 460 к.с., і V-падобным дзесяціцыліндравым рухавіком магутнасцю 600 к.с. Рухавікі спалучаліся са скрынкамі перадач ZF або Eaton.
MAN 19.403, седлавы цягач, 4x2[2]
MAN 19.603, 4x2[3]
MAN 26.464 FPLT, седлавы цягач, 6x2[4]
MAN 26.603 FNL, бартавы, 6x2[5]
MAN 32.364 VFL, самазвал, 8x4[6]
Кабіна і кампаненты F2000 выкарыстоўваліся даччынымі кампаніямі MAN — аўстрыйскімі маркамі ÖAF[en] і Steyr[en], на грузавіках сумеснага беларуска-нямецкага прадпрыемства МАЗ-MAN. Пасля набыцця MAN-ам брытанскай кампаніі ERF[en], кабіна F2000 з’явілася на грузавіках серый ECS і ECM[7].
Пасля зняцця з вытворчасці і замены на серыю TGA, кабіна F2000 атрымала новае жыццё ў Кітаі, дзе яе выкарыстоўвалі некалькі брэндаў, у тым ліку Shaanxi, «CCAT» і «Youngman». Shaanxi таксама пастаўляла кабіну F2000 украінскай кампаніі КрАЗ і расійскай «Тонар».
MAN F2000 на Вікісховішчы |