wd wp Пошук:
    ⬜

    Аксана Барысаўна Аракчэева

    Аксана Барысаўна Аракчэева (нар. 24 сакавіка 1963, Мінск, БССР) — беларуская мастачка, педагог. Член Беларускага саюза мастакоў. Лаўрэат прэміі Васіля Віткі, дыпламант ЮНЭСКА, куратар чэшскай GalerieKaras[1].

    Біяграфія

    Бацькі — мастак Барыс Уладзіміравіч Аракчэеў[2] і Галіна Ягораўна (працавала загадчыцай касцюмернага цэхаў Оперным тэатры)[3].

    У 1982 г. скончыла Мінскае мастацкае вучылішча, у 1988 г. — Беларускі тэатральна-мастацкі інстытут (аддзяленне станкавай графікі).

    Творчасць

    Аксана Аракчэева ў сваёй майстэрні, сярод сваіх работ і са сваімі кнігамі

    Вучылася ў такіх мастакоў, як Віктар Варламаў, Леанід Каленік, Генадзь Грак, Віктар Мікіта, Людміла Кальмаева, Уладзімір Савіч. Пасля завяршэння аддзялення графікі Беларускага тэатральна-мастацкага інстытута працавала ў розных выдавецтвах, стварала ілюстрацыі да кніг[4].

    Прымае ўдзел у выстаўках з 1986 г. Працуе ў станковой і кніжнай графіцы, жывапісу, анімацыі.

    Асноўныя творы: цыкл «Казкі лета», дыптых «Мой Мінск», «Гаспадыня Зіма», «Паненка Восень», трыпціх «Сланечнікі», палотны з цыклу «Нам засталася спадчына», цыкл «Мінскія вокны».

    Аформіла больш за 50 кніг[5], сярод якіх: «Сярэбраная табакерка» З. Бядулі, «Басни» І. Крылова, «Резвушка — хохотушка…» І. Заслонавай, «Прыгоды мышкі Пік-Пік» Л. Рублеўскай, «Брык і Шуся» Т. Сівец, «Звяры ў трамваі» Н. Галіноўскай, казкі А. Карлюкевіча, «Мяне завуць Лахнеска» Алены Масла, «Дзяўчынка з Вішнёвага завулка!», «Чароўны кошык» і «Сад з матылькамі» Тамары Бунта, «Закаханы трэцякласнік» Уладзіміра Ліпскага, «Байкі і казкі бабкі Параскі» Таццяны Атрошчанкі і інш.. Супрацоўнічае з выдавецтвамі «Пачатковая школа», «АЗБУКВАРИК», «Мастацкая літаратура», «Вышэйшая школа», з часопісамі «Вясёлка)», «Рюкзачок» і інш[6], працуе ў станковой графіцы[4].

    З 2009 г. працуе над стварэннем партрэтаў асоб, якія ўнеслі значны ўнёсак у духоўнае жыццё Беларусі[4]. Да пачатку 2011 г. Аксана Аракчэева намалявала і напісала на палатне больш сотні партрэтаў. Галерэя выяў, створаных пэндзлем мастака, гэта людзі якія ўнеслі ўклад у духоўнае развіццё грамадства: дырэктары, супрацоўнікі музеяў і галерэй, святары, мастакі, лекары, музыкі, дыпламаты і інш.[4].

    З 2010 г. сумесна з чэшскім пасольствам у Рэспубліцы Беларусь правяла 46 выставак у сталічных музеях, бібліятэках, у гомельскім Палацы Румянцавых і Паскевічаў, Полацкай мастацкай галерэі, чэшскім парламенце[7].

    У 2013 годзе зрабіла серую партрэтаў вядучых салістаў беларускага балета. Карціны экспанаваліся ў Нацыянальным акадэмічным Вялікім тэатры оперы і балета[8]. Гэта партрэты народных артыстаў Беларусі Вольгі Гайко, Людмілы Кудраўцавай і Ігара Артамонава, заслужаных артыстаў Рэспублікі Беларусь Ірыны Яромкінай і Антона Краўчанка, уладальнікаў медалю Францыска Скарыны Дзяніса Клімука і Марыны Вежнавец[4]. За ўшанаванне тэатральных дзеячоў сродкамі выяўленчана мастацтва ў 2015 годзе атрымала дыплом ЮНЭСКА.

    У 2015 годзе стварыла галерэю вобразаў «Купалінкі» — партрэты кіраўніц Дзяржаўнага літаратурнага музея Янкі Купалы, сярод якіх: Уладзіслава Луцэвіч (жонка Янкі Купалы), Ядзвіга Раманоўская, Жанна Дапкюнас, Алена Ляшковіч; а таксама партрэты супрацоўніц музея. Серыя знаходзіцца ў фондах музея. Падчас адкрыцця выстаўкі «Купалінкі» мастачцы Аксане Аракчэевай быў уручаны дыплом сябра музея «За папулярызацыю спадчыны Першага народнага паэта Беларусі Янкі Купалы і падтрымку дзейнасці музея»[9].

    Выкладала малюнак, жывапіс, кампазіцыю ў мінскай мастацкай школе № 185.

    Яе працы знаходзяцца ў Нацыянальным мастацкім музеі, Фондзе СМ РБ, Музеі сучаснага выяўленчага мастацтва, Дзяржаўным літаратурным музеі Янкі Купалы, Літаратурным музеі М. Багдановіча, мастацкіх галерэях гарадоў Полацак, Гомель, Светлагорск, Крупкі, Баранавічы, а таксама ў галерэях і прыватных калекцыях замежных краін (Расія, Украіна, ЗША, Канада, Венесуэла, Ізраіль, Італія, Галандыя, Германія, Сербія, Чэхія, Славакія, Польшча і інш.)[10]. Таксама займаецца арганізацыяй выставак карцін свайго бацькі, мастака Барыса Аракчэева[3].

    З 1994 г. — член Беларускага саюза мастакоў[11].

    Узнагароды

    На ўручэнні дыплома ЮНЕСКА

    Бібліяграфія

    Зноскі

    1. ↑ Григорян А. Счастье быть вместе(руск.)  // Во славу Родины : газета. — Мн.: Мінабароны РБ, 5 жніўня 2017.
    2. ↑ Наталия Ширко. Творческое наследие Мастера(руск.) . Чырвоны прамень (8 кастрычніка 2019). Праверана 10 лістапада 2019.
    3. 1 2 Марына Весялуха. Правілы жыцця Барыса Аракчэева (нявызн.). Звязда (19 красавіка 2016). Праверана 10 лістапада 2019.
    4. 1 2 3 4 5 Бурак И. От земли до небес с Оксаной Аракчеевой(руск.)  // Во славу Родины : газета. — Мн.: Мінабароны РБ, 6 ліпеня 2013. — В. 123.
    5. ↑ Анжаліка Крупянькова. Бэз малюецца на шчасце (нявызн.). Маладзечанская газета (4 кастрычніка 2019). Праверана 10 лістапада 2019.
    6. ↑ Анталогія беларускага мастацтва. Аксана Аракчэева(руск.) . Музеи Беларуси (11 сакавіка 2014). Архівавана з першакрыніцы 24 сакавіка 2016. Праверана 24 сакавіка 2016.
    7. ↑ Оксана Аракчеева – дочь гениального живописца, график и аниматор(руск.) . СТБ (14 ліпеня 2014). Архівавана з першакрыніцы 3 сакавіка 2016. Праверана 24 сакавіка 2016.
    8. ↑ Іванюшко А.. Художница Оксана Аракчеева создала экспозицию своих картин в Национальном академическом Большом театре оперы и балета (нявызн.). Минский Курьер (24 мая 2013). Праверана 6 красавіка 2016.
    9. ↑ Шымук Т. Кветкі Купалавага дома // Літаратура і мастацтва : газета. — Мн.: РВУ «Звязда», 24 красавіка 2015. — В. 4816. — № 16. — С. 16.
    10. ↑ Бацькаў дар (нявызн.). Интерфакс-Запад (25 красавіка 2013). Архівавана з першакрыніцы 24 сакавіка 2016. Праверана 24 сакавіка 2016.
    11. ↑ Смольскі А.. Борис и Оксана Аракчеевы приглашают на «Соборную площадь»(руск.) . Белорусская деловая газета (26 жніўня 2009). Архівавана з першакрыніцы 7 ліпеня 2014. Праверана 24 сакавіка 2016.
    12. ↑ Уручэнне прэміі імя І.М. Ушакова (нявызн.). Музей гісторыі тэатральнай і музычнай культуры (27 сакавіка 2015). Праверана 5 красавіка 2016.(недаступная спасылка)
    13. ↑ Віншуем лаўрэатаў! (нявызн.). Вясёлка (28 студзеня 2016). Архівавана з першакрыніцы 4 жніўня 2022. Праверана 24 сакавіка 2016.
    14. ↑ Татьяна Иванова. «Зеленая волна» принесла Беларуси заслуженные награды (бел.) . Міністэрства адукацыі РБ (11 жніўня 2017). Архівавана з першакрыніцы 17 жніўня 2017. Праверана 17 жніўня 2017.
    15. ↑ Людміла Рублеўская. Обзор книг Бориса Аракчеева «Бэз малюецца на шчасце». Нарисованное снится (нявызн.). СБ. Беларусь сегодня (26 красавіка 2019). Праверана 10 лістапада 2019.
    16. ↑ Сяргей Шычко. Бэз: Мастацтва і кветкі (нявызн.). Выдавецкі дом «Звязда» (6 красавіка 2019). Праверана 10 лістапада 2019.

    Літаратура

    На беларускай мове

    На рускай мове

    Спасылкі

    Тэмы гэтай старонкі (14):
    Выпускнікі Мінскага дзяржаўнага мастацкага каледжа імя А. К. Глебава
    Старонкі з няправільным сінтаксісам спасылак на крыніцы
    Нарадзіліся ў 1963 годзе
    Асобы
    Нарадзіліся 24 сакавіка
    Мастакі XXI стагоддзя
    Нарадзіліся ў Мінску
    Мастакі Беларусі
    Мастакі паводле алфавіта
    Выпускнікі Беларускай акадэміі мастацтваў
    Вікіпедыя:Артыкулы з непрацоўнымі спасылкамі
    Вікіпедыя:Артыкулы з пераазначэннем значэння з Вікідадзеных
    Вікіпедыя:Біяграфіі сучаснікаў
    Члены Саюза мастакоў Беларусі