Артыкул пра беларускі тэлеканал. Пра украінскі тэлеканал гл. СТБ (украінскі тэлеканал).
СТБ (Сталічнае тэлебачанне) — беларускі тэлеканал.
19 кастрычніка 2000 г. ЗАТ «Сталічнае Тэлебачанне» было афіцыйна зарэгістравана. 1 студзеня 2001 г. тэлеканал пачаў сваё вяшчанне на частаце тэлеканала Восьмы канал з выпуску сталічных навін. На той момант гэта была адзіная праграма ўласнай вытворчасці. У астатні час трансляваўся канал РЕН-ТВ (перакрывалася рэклама і выпускі навін), а таксама праграмы, якія раней выходзілі на Восьмым канале. Далей тэлеканал пачаў паступова развівацца і ператварыўся ў канал са шматлікімі праектамі розных жанраў.
Таксама тэлеканал паказвае праграмы свайго партнёра — РЕН ТВ. Але большасць праграм (каля 85%[крыніца?]) — уласнай вытворчасцi.
Раней якасць тэлеканала было 544р, але 30 верасня 2017 г. СТБ стаў трансліравацца ў фармаце высокай якасці HD[1], такім чынам, стаўшы першым дзяржаўным каналам у высокай якасці. Канал можа паглядзець і анлайн Архівавана 6 снежня 2016..
Служба навін «СТБ» часта абвінавачваецца ў прадузятым праўладным пункце гледжання. Па словах крытыкаў, неапраўдана вялікую частку навіновага эфірнага часу «СТБ» надае інфармацыі аб дзейнасці дзяржаўнай улады, у т.л. Аляксандра Лукашэнкі.
3 верасня 2020 года на СТБ выйшаў сюжэт, у якім Фёдар Мядзведзь, прадстаўлены як ветэран Вялікай Айчыннай вайны, са слязьмі на вачах расказваў пра здраднікаў пад бела-чырвона-белымі «анучамі»[2]. Аказалася, што 99-гадовы герой сюжэту сам у баявых дзеяннях супраць гітлераўцаў не ўдзельнічаў, падчас Вялікай Айчыннай вайны служыў на Каўказе ў НКУС, а ў Беларусь упершыню прыехаў толькі ў 1948 годзе[3].
Аператыўная рабочая група па стратэгічных камунікацыях зазначыла як прыклад прапаганды ў Беларусі перадачы Рыгора Азаронка на канале, у якіх дэзынфармацыя суправаджаецца моваю нянавісці(укр.) бел..[4]
Тэлеканал змяніў ужо 2 лагатыпа. З 4 верасня 2006 года лагатып не змяняўся, але з 1 лістапада 2018 года ён змяніўся. 14 гадоў лагатып СТБ не змяняўся[5].