wd wp Пошук: ⬜

Беларускі саюз мастакоў

Беларускі саюз мастакоў — грамадскае аб’яднанне мастакоў Беларусі. БСМ ладзіць выстаўкі твораў сваіх удзельнікаў, як і штогадовыя маладзёвыя выстаўкі мастакоў-пачаткоўцаў[1]. У распараджэнні аб’яднання знаходзіцца 300 майстэрняў[2].

Гісторыя

Грамадскае аб’яднанне «Беларускi саюз мастакоў» вядзе сваю гiсторыю з далекага 1938 года.

6—9 снежня 1938 года адбыўся І з’езд мастакоў Беларусі, на якім быў створаны «Саюз савецкiх мастакоў БССР». Надалей творчае аб’яднанне неаднойчы меняла сваю назву i у вынiку правапераемнiкам Саюза мастакоў Беларусi стаў Беларускi саюз мастакоў.

Задачы

• стварэнне ўмоў для плённай творчасці мастакоў;
• спрыянне працы мастацтвазнаўцаў;
• паляпшэнне побытава-жыллёвых умоў членаў саюза;
• ахова аўтарскіх правоў членаў саюза;
• супрацоўніцтва з творчымі саюзамі, установамі культуры, урадавымі ведамствамі і грамадскімі аб’яднаннямі для распаўсюду твораў членаў сярод насельніцтва краіны;
• захаванне маёмасці саюза.

Кіраванне

• З’езд. Склікаецца прынамсі аднойчы на тры гады. Правамоцны пры наяўнасці дзвюх трацінаў абраных прадстаўнікоў. Ухваляе кірункі дзейнасці і Статут саюза, справаздачы Рады і Рэвізійнай камісіі і пастановы аб ператварэнні або самароспуску саюза. Абірае старшыню і вызначае склад Рады і Рэвізійнай камісіі.
• Рада. Збіраецца прынамсі двойчы на год. Вызначае выдаткі саюза і памер сяброўскіх складак. Наглядае за выкананнем пастаноў З’езду і ўхваляе прыём і выключэнне членаў і расцэнкі на іх творы, як і статуты падпарадкаваных устаноў.
• Прэзідыум. Збіраецца прынамсі штомесяц. Складаецца з старшыні БСМ, яго першага намесніка, намесніка па выставах і кіраўнікоў падпарадкаваных устаноў саюза. Ухваляе пастановы дзвюма трацінамі галасоў ад поўнага складу. Прынамсі двойчы на год падае справаздачы ў Раду. Стварае, касуе і ўхваляе статуты прадпрыемстваў саюза. Зацвярджае кіраўнікоў прадпрыемстваў саюза і вызначае памер выдаткаў на творчасць членаў і ўмовы іх узнагароджання.
• Сакратарыят. Складаецца са старшыні БСМ, яго першага намесніка і намесніка па выставах. Ладзіць узаеміны з урадам і грамадскімі аб’яднаннямі. Рыхтуе парадак пасяджэнняў З’езду, Рады і Прэзідыуму.
• Рэвізійная камісія. Збіраецца прынамсі штоквартал. Наглядае за выкананнем статутаў і пастаноў саюза, як і за адказамі выбраных устаноў саюза на заявы і скаргі членаў. Паведамляе аб выніках праверак у Раду і Прэзідыум і прапануе захады па выпраўленні выяўленых парушэнняў.

З 28 лістапада 2007 пасаду старшыні БСМ займаў Уладзімір Савіч[3], з 28 снежня 2013 на гэтай пасадзе знаходзіўся Рыгор Сітніца[4].

17 снежня 2019 на XXIII з’ездзе БСМ, старшынёй саюза абараны Глеб Отчык[5].

Прадпрыемствы

БСМ валодае прадпрыемствамі: «Беларт», «Галерэя мастацтва», «Камбінат дэкаратыўна-прыкладнога мастацтва імя А. М. Кішчанкі» (Барысаў, Мінская вобласць), «Мастацкі камбінат», «Мастацтва» (Брэст, Віцебск і Гродна), «Мастацтва-БСМ» (Гомель), «Рэспубліканская мастацкая галерэя» і «Скульптурны камбінат».

Секцыі

• Жывапіс
• Графіка
• Скульптура
• Дэкаратыўна-прыкладная
• Манументальна-дэкаратыўная
• Тэкстыль
• Графічны дызайн
• Афармленчая
• Тэатр і кіно
• Мастацтвазнаўства
• Маладзёвая

Гл. таксама

• Спіс членаў Беларускага саюза мастакоў

Зноскі

1. ↑ Архіўная копія (нявызн.) (недаступная спасылка). Look.by. Архівавана з першакрыніцы 6 сакавіка 2016. Праверана 18 кастрычніка 2011.
2. ↑ Мінскіх мастакоў выселяць на вуліцу (нявызн.). Культура. Хартыя’97. Праверана 19 ліпеня 2011.
3. ↑ Зміцер Панкавец. Архіўная копія (нявызн.) (недаступная спасылка). Культура. Наша Ніва. Архівавана з першакрыніцы 19 красавіка 2021. Праверана 3 ліпеня 2020.
4. ↑ Нікіта Капкоў. Новым главой Союза художников избран Рыгор Ситница(руск.) . Культура. Наша Ніва. Праверана 24 снежня 2013.
5. ↑ Старшынёй Беларускага саюза мастакоў абраны 36-гадовы Глеб Отчык // nashaniva.by 18 снежня 2019

Спасылкі

• Беларускі саюз мастакоў
• Сяргей Харэўскі.. Вельмі круглая дата (нявызн.). Культура. Наша Ніва. Праверана 19 ліпеня 2011.

	Беларускі саюз мастакоў на Вікісховішчы

Тэмы гэтай старонкі (11):
Вікіпедыя:Артыкулы з пераазначэннем значэння з Вікідадзеных
Арганізацыі паводле алфавіта
Грамадскія арганізацыі Беларусі
Старонкі з няправільным сінтаксісам спасылак на крыніцы
Вікіпедыя:Спасылка на Вікісховішча непасрэдна ў артыкуле
З’явіліся ў 1938 годзе
Арганізацыі, заснаваныя ў 1938 годзе
Вікіпедыя:Арганізацыі без геаграфічных каардынат
1938 год у Беларусі
Беларускі саюз мастакоў
Вікіпедыя:Артыкулы з вікі-разметкай у малюнку карткі