Адкрыты чэмпіянат Кітая па снукеры 2013
Адкрыты чэмпіянат Кітая 2013 (англ.: China Open 2013, таксама вядомы як Bank of Beijing China Open 2013 — ад назвы спонсара) — прафесійны рэйтынгавы турнір па снукеры, які праходзіў з 25 па 31 сакавіка 2013 года ў Beijing University Students’ Gymnasium, у Пекіне, Кітай. Турнір стаў 14-м розыгрышам адкрытага чэмпіянату Кітая, які быў заснаваны ў 1997 годзе пад назвай China International і з 1999 года стаў рэйтынгавым спаборніцтвам. Прызавы фонд чэмпіянату склаў £425,000 (на £25,000 больш, чым у мінулым годзе), з якіх £85,000 атрымаў пераможца (на £10,000 больш, чым у мінулым годзе).
Пераможцам турніру стаў аўстралійскі снукерыст Ніл Робертсан, які перайграў на сваім шляху да тытула Джымі Робертсана (5:0), Марка Алена (5:1), шатландцаў Маркуса Кэмбэла ў чвэрцьфінале (5:2) і Стывена Магуайра ў паўфінальным матчы (6:5) і Марка Сэлбі ў фінальным паядынку з лікам 10:6. Гэтая перамога стала 12-м прафесійным і сёмым рэйтынгавым тытулам у кар’еры 31-гадовага аўстралійца, а таксама другім спаборніцтвам, выйграным Робертсанам у сезоне 2012/2013. Апроч таго, перамога на турніры паспрыяла ўздыму Робертсана ў сусветным рэйтынгу з трэцяй пазіцыі на другую ўпершыню з сезона 2010/2011.
Турнір
Адкрыты чэмпіянат Кітая 2013 стаў 14-м розыгрышам турніру, які быў заснаваны ў 1997 годзе пад назвай China International і з 1999 года стаў рэйтынгавым спаборніцтвам. З 2005 года чэмпіянат штогод праходзіць у Пекіне, а з 2006 года — у спартыўнай зале студэнтаў Пекінскага універсітэта ў раёне Хайцзянь.
Адкрыты чэмпіянат Кітая 2013 праходзіў пад эгідай сусветнай асацыяцыі прафесійнага більярда і снукера (англ.: World Professional Billiards and Snooker Association) і ўваходзіў у каляндар мэйн-тура, а таксама з’яўляўся дзясятым рэйтынгавым турнірам снукернага сезона 2012/2013.
Прызавыя грошы
Прызавы фонд турніру павысіўся ў параўнанні з мінулым годам на £25,000 і склаў £425,000. Прызавыя пераможцы павысіліся на £10,000, склаўшы £85,000.
| Дасягненне | Прызавыя |
|---|---|
| Пераможца | £85,000 |
| Фіналіст | £35,000 |
| Паўфіналісты | £20,000 |
| Чвэрцьфіналісты | £11,000 |
| 1/8 фіналу | £7,500 |
| 1/16 фіналу | £6,000 |
| 1/24 фіналу | £2,300 |
| 1/32 фіналу | £1,500 |
| Найвышэйшы брэйк у асноўнай стадыі | £3,500 |
| Найвышэйшы брэйк у кваліфікацыі | £700 |
| Агульны прызавы фонд | £425,000 |
| Максімальны брэйк | £20,000 |
Рэйтынгавыя ачкі
Адкрыты чэмпіянат Кітая 2013 меў такое ж размеркаванне рэйтынгавых ачкоў, як і на астатніх турнірах, якія праходзілі ў Кітаі акрамя International Championship (Усі Класік, Шанхай Мастэрс і World Open). Пераможца турніру атрымаў 7000 рэйтынгавых ачкоў. Больш каштоўнымі турнірамі (у плане рэйтынгу) былі толькі International Championship, чэмпіянат Вялікабрытаніі (на абодвух пераможцы атрымлівалі па 8000 ачкоў) і чэмпіянат свету (пераможца атрымаў 10000 балаў).
| Дасягненне | Ачкі | Ачкі (СГ)[ра 1] |
|---|---|---|
| Пераможца | 7000 |
|
| Фіналіст | 5600 |
|
| Паўфіналісты | 4480 |
|
| Чвэрцьфіналісты | 3500 |
|
| 1/8 фіналу | 2660 |
|
| 1/16 фіналу | 1960 |
980 |
| 1/24 фіналу (квал.) | 1610 |
805 |
| 1/32 фіналу (квал.) | 1260 |
630 |
| 1/40 фіналу (квал.) | 910 |
455 |
| 1/48 фіналу (квал.) | 560 |
280 |
- ↑ Ачкі, якія зарабляюць гульцы ў выпадку паражэння ў першым жа матчы на чэмпіянаце.
Уайлдкард раўнд
Восем азіяцкіх аматараў атрымалі ўалдкард ад арганізатараў турніру: кітайцы Ван Юйчэнь, Лу Нін, Чжоу Юэлун, Чжу Інхуэй, Ху Хаа, Лю Хаацянь і Чжаа Сіньтун, а таксама Эхсан Хейдарынеджад з Ірана. Яны гулялі ў папярэднім раўндзе за права выступаць у першым крузе асноўнага турніру супраць васьмярых гульцоў з ніжэйшымі нумарамі пасеву, якія прайшлі кваліфікацыйны раўнд: Энтані Мак-Гіла, Джымі Робертсана, Ляна Вэньбо, Джэка Лісоўскі, Дэчавата Пумджаенга, Роры Мак-Лаўда, Марка Джойса і Джэймі Коўпа.
| Першы гулец | Лік | Другі гулец |
|---|---|---|
 Энтані Мак-Гіл (50) |
5:3 |  Эхсан Хейдарынеджад |
 Джымі Робертсан (47) |
5:1 |  Ван Юйчэнь |
| Лян Вэньбо (36) |
5:1 | Лу Нін |
| Джэк Лісоўскі (39) |
5:1 | Чжоу Юэлун |
 Дэчават Пумджаенг (72) |
5:2 | Чжу Інхуэй |
| Роры Мак-Лаўд (37) |
5:1 | Ху Хаа |
| Марк Джойс (51) |
А:П | Лю Хаацянь |
| Джэймі Коўп (30) |
2:5 | Чжаа Сіньтун |
Асноўная сетка
.svg){kind=small}
Фінал
| Фінал: да 10 перамог. Рэферы: Эйрыян Уільямс. Спартыўная зала студэнтаў Пекінскага універсітэта, Пекін, Кітай, 31 сакавіка 2013. | ||
Ніл Робертсан (6) Аўстралія |
10:6 | Марк Сэлбі (2) Англія |
Статыстыка ігракоў | ||
Асабістыя сустрэчы | ||
| Дзённая сесія: 0:100 (58), 78:16 (50), 91:31 (91), 71:68, 59:47, 84:40, 74:8 Вячэрняя сесія: 29:82 (81), 0:125 (125), 50:79 (66), 133:0 (110), 60:34, 90:0 (90), 0:117(116), 0:91 (63), 80:39\}\} | ||
| 110 | Найвышэйшая серыя | 125 |
| 1 | Соценныя серыі | 2 |
| 4 | Серыі 50+ | 6 |
Спасылкі
- Адкрыты чэмпіянат Кітая 2013 на Snooker.org (англ.)
- Статыстыка адкрытага чэмпіянату Кітая 2013 на CueTracker.net (англ.)
- Фатаздымкі World Snooker з адкрытага чэмпіянату Кітая 2013 на Facebook
Катэгорыя·Снукерны сезон 2012/2013
Катэгорыя·Спорт у Кітаі ў 2013 годзе
Катэгорыя·2013 год у Пекіне
Катэгорыя·Адкрыты чэмпіянат Кітая па снукеры
Катэгорыя·2013 год у снукеры
Катэгорыя·Снукерныя турніры ў Кітаі