Чэмпіянат Вялікабрытаніі па снукеры 2012
Чэмпіянат Вялікабрытаніі 2012 (англ.: 2012 UK Championship, таксама вядомы як 2012 williamhill.com UK Championship — ад назвы спонсара) — прафесійны рэйтынгавы турнір па снукеры, які праходзіў з 1 па 9 снежня 2012 года на арэне Barbican Centre, у Ёрку, Англія. Турнір стаў 36-м розыгрышам чэмпіянату Вялікабрытаніі, які штогод праходзіць з 1977 года. Прызавы фонд турніру склаў £637,500, з якіх £125,000 атрымаў пераможца.
Пераможца леташняга турніру, Джад Трамп, прайграў у першым жа матчы Марку Джойсу — 5:6. У фінальным матчы Марк Сэлбі гуляў супраць Шона Мёрфі. Гэта быў першы фінал чэмпіянатаў Вялікабрытаніі, у якім сустракаліся два англічаніны з 1992 года, калі тытул разыгрывалі Джымі Уайт і Джон Пэрат.
Пераможцам турніру стаў Марк Сэлбі, які выйграў чатыры партыі запар пры ліку 6:6 у фінальным матчы і пакінуў за сабой паядынак з лікам 10:6. На свяім шляху да тытула 29-гадовы англічанін перайграў валійцаў 21-гадовага Майкла Уайта (6:3) і Раяна Дэя (6:4), аўстралійца Ніла Робертсана ў чвэрцьфінале (6:4), Марка Дэвіса ў паўфінальным матчы (9:4) і Шона Мёрфі ў фінальным паядынку (10:6). Такім чынам, Сэлбі выйграў свой дзявяты прафесійны і трэці рэйтынгавы турнір, а таксама другое прафесійнае спаборніцтва ў сезоне (пасля Пол Хантэр Класік). Апроч таго, ён стаў дванаццатым снукерыстам у гісторыі, якія выйгравалі чэмпіянат Вялікабрытаніі і Мастэрс, а таксама вярнуў сабе першы радок рэйтынгу, абышоўшы па ачках Джада Трампа.
Турнір
Чэмпіянат Вялікабрытаніі 2012 года стаў 36-м розыгрышам турніру, які быў засанаваны ў 1977 годзе і з 1984 года стаў рэйтынгавым спаборніцтвам. Турнір з’яўляецца адным з трох турніраў Трайной снукернай кароны (разам з Мастэрс і чэмпіянатам свету), а таксама самым прэстыжным і самым высокааплатным рэйтынгавым турнірам пасля чэмпіянату свету. З самога заснавання чэмпіянат Вялікабрытаніі праходзіў у такіх гарадах Англіі, як Блэкпул (1977), Прэстан (1978—1997), Борнмут (1998—2000), Ёрк (2001—2006) і Тэлфард (2007—2010). У 2011 годзе першынства зноў вярнулася ў Ёрк, дзе з таго часу штогод праходзіць у Barbican Centre.
Чэмпіянат Вялікабрытаніі 2012 праходзіў пад эгідай сусветнай асацыяцыі прафесійнага більярда і снукера (англ.: World Professional Billiards and Snooker Association) і ўваходзіў у каляндар мэйн-тура, а таксама з’яўляўся пятым рэйтынгавым турнірам снукернага сезона 2012/2013.
Рэйтынгавыя ачкі
Чэмпіянат Вялікабрытаніі 2012 меў такое ж размеркаванне рэйтынгавых ачкоў, як і найбуйнейшы турнір у Кітаі — International Championship. На абодвух спаборніцтвах пераможцы атрымлівалі па 8000 ачкоў. Больш каштоўным турнірам (у плане рэйтынгу) з’яўляўся толькі чэмпіянат свету, пераможца якога атрымаў 10000 балаў.
| Дасягненне | Ачкі | Ачкі (СГ)[ра 1] |
|---|---|---|
| Пераможца | ||
| Фіналіст | ||
| Паўфіналісты | ||
| Чвэрцьфіналісты | ||
| 1/8 фіналу | ||
| 1/16 фіналу | ||
| 1/24 фіналу (квал.) | ||
| 1/32 фіналу (квал.) | ||
| 1/40 фіналу (квал.) | ||
| 1/48 фіналу (квал.) |
- ↑ Ачкі, якія зарабляюць гульцы ў выпадку паражэння ў першым жа матчы на чэмпіянаце.
Асноўная сетка
.svg){kind=small}
.svg){kind=small}
Фінал
| Фінал: да 10 перамог. Рэферы: Леа Скальян. Barbican Centre, Ёрк, Англія, 9 снежня 2012. | ||
Шон Мёрфі (4) Англія |
6:10 | Марк Сэлбі (2) Англія |
Статыстыка гульцоў | ||
Асабістыя сустрэчы | ||
| Дзённая сесія: 64:11, 49:58 (54), 0:82 (66), 83:0 (83), 98:35 (98), 67:39, 0:81 (70), 1:77 Вячэрняя сесія: 72:67 (65 Мёрфі, 58 Сэлбі), 38:70, 53:63, 78:8, 34:79 (51), 0:107 (98), 31:64, 37:69 | ||
| 98 | Найвышэйшая серыя | 98 |
| 0 | Соценныя серыі | 0 |
| 3 | Серыі 50+ | 6 |
Спасылкі
- Чэмпіянат Вялікабрытаніі 2012 на Snooker.org (англ.)
- Статыстыка чэмпіянату Вялікабрытаніі 2012 на CueTracker.net (англ.)
- Фатаздымкі World Snooker з чэмпіянату Вялікабрытаніі 2012 на Facebook
Катэгорыя·Снукерныя турніры ў Англіі
Катэгорыя·Спорт у Англіі ў 2012 годзе
Катэгорыя·2012 год у снукеры
Катэгорыя·Снукерны сезон 2012/2013
Катэгорыя·Чэмпіянат Вялікабрытаніі па снукеры
Катэгорыя·Снежань 2012 года