wd wp Пошук:
    ⬜

    Энтані Мак-Гіл

    Энтані Мак-Гіл (англ.: Anthony McGill; 5 лютага 1991, Глазга, Шатландыя) — шатландскі прафесійны гулец у снукер. Пераможца рэйтынгавых адкрытага чэмпіянату Індыі 2016 года і Shoot-Out 2017 года, а таксама былы 15-ы нумар сусветнага рэйтынгу. Чвэрцьфіналіст чэмпіянату Вялікабрытаніі 2014 года і чэмпіянату свету 2015 года. Са снежня 2014 года нязменна ўваходзіць у топ-32 сусветнага рэйтынгу.

    Стаў прафесіяналам у 2010 годзе ва ўзросце 19 гадоў, дзякуючы выступам у Міжнароднай адкрытай серыі сезона 2009/2010, а ў 2011 годзе дэбютаваў у асноўнай стадыі рэйтынгаваг турніру на German Masters і патрапіў у топ-64 рэйтынгу. У 2013 годзе ўпершыню дайшоў да рэйтынгавага чвэрцьфіналу на адкрытым чэмпіянаце Індыі і дэбютаваў на турніры Трайной кароны, дайшоўшы да 1/16 фіналу чэмпіянату Вялікабрытаніі, а ў сезоне 2014/2015 дайшоў да чвэрцьфіналу чэмпіянату Вялікабрытаніі, патрапіўшы ў топ-32 сусветнага рэйтынгу, і дэбютаваў у асноўнай стадыі чэмпіянату свету, атрымаўшы сенсацыйную перамогу над дзеючым чэмпіёнам Маркам Сэлбі (13:9) у 1/8 фіналу і ў другі раз дайшоўшы да стадыі 1/4 фіналу турніру Трайной кароны, што да сённяшняга дня з’яўляецца яго найлепшым вынікам. У сезоне 2016/2017 атрымаў першыя рэйтынгавыя тытулы на адкрытым чэмпіянаце Індыі і на аднафрэймавым Shoot-Out, які ўпершыню стаў рэйтынгавым спаборніцтвам, пасля чаго ўпершыню патрапіў у топ-16 сусветнага рэйтынгу. У пачатку сезона 2017/2018 дайшоў да трэцяга рэйтынгавага фіналу на адкрытым чэмпіянаце Індыі, аднак саступіў свайму суайчынніку Джону Хігінсу (1:5).

    У агульнай колькасці займаў пятнаццатае месца ў сусветным рэйтынгу больш за паўтара месяца. Апроч рэйтынгавых дасягненняў быў у фінале чэмпіянату Шатландыі сярод прафесіяналаў 2011 года і ў фінале нізкарэйтынгавага адкрытага чэмпіянату Шатландыі 2012 года, а таксама дайшоў да паўфіналу чэмпіянату свету па снукеры з шасцю чырвонымі шарамі ў 2017 годзе. У 2017 годзе разам з Джонам Хігінсам прадстаўляў зборную Шатландыі на кубку свету. За прафесійную кар’еру аформіў больш за 100 сэнчуры-брэйкаў і ўваходзіць у топ-55 гульцоў з найбольшай колькасцю соценных серый у гісторыі снукера, а таксама зарабіў больш за 500 тысяч фунтаў, уваходзячы ў топ-75 снукерыстаў у гісторыі па гэтым паказчыку. Найвышэйшым брэйкам у кар’еры Мак-Гіла з’яўляецца серыя ў 144 ачкі, зробленая на World Open 2014 года.

    Фіналы турніраў

    Рэйтынгавыя турніры: 3 (2 перамогі; 1 параза)

    Легенда
    Чэмпіянат свету (0:0)
    Чэмпіянат Вялікабрытаніі (0:0)
    Іншыя (2:1)
    № Вынік Год Турнір Апанент у фінале Лік
    1 Перамога 2016 Адкрыты чэмпіянат Індыі Кайрэн Уілсан 5:2
    2 Перамога 2017 Shoot-Out Сяа Гадун 67:19[фт 1]
    3 Параза 2017 Адкрыты чэмпіянат Індыі Джон Хігінс 1:5

    Нізкарэйтынгавыя турніры: 1 (1 параза)

    № Вынік Год Турнір Апанент у фінале Лік
    1 Параза 2012 Адкрыты чэмпіянат Шатландыі Дзін Цзюньхуэй 2:4

    Прафесійныя снукерныя турніры: 5 (2 перамогі, 3 паразы)

    Легенда
    Рэйтынгавыя турніры (2:1)
    Нізкарэйтынгавыя турніры (0:1)
    Нярэйтынгавыя турніры (0:1)
    Турніры з альтэрнатыўным фарматам (0:0)
    Вынік ПДВ Дата Турнір Апанент у фінале Лік
    Параза 1 14 красавіка 2011 Чэмпіянат Шатландыі сярод прафесіяналаў, Клайдбанк, Шатландыя Джон Хігінс 1:6
    Параза 2 16 снежня 2012 Адкрыты чэмпіянат Шатландыі, Рэйвэнскрэйг, Шатландыя Дзін Цзюньхуэй 2:4
    Перамога 1 9 ліпеня 2016 Адкрыты чэмпіянат Індыі, Хайдарабад, Індыя Кайрэн Уілсан 5:2
    Перамога 2 26 лютага 2017 Shoot-Out, Уотфард, Англія Сяа Гадун 67:19[фт 1]
    Перамога 1 16 верасня 2017 Адкрыты чэмпіянат Індыі, Вішакхапатнам, Індыя Джон Хігінс 1:5
    1. 1 2 Усе матчы на Shoot-Out складаліся з аднаго фрэйма. У графе пазначаны лік у фрэйме.

    Крыніцы

    Спасылкі

    commons: Энтані Мак-Гіл на Вікісховішчы
    Тэмы гэтай старонкі (7):
    Катэгорыя·Нарадзіліся ў 1991 годзе
    Катэгорыя·Асобы
    Катэгорыя·Вікіпедыя·Біяграфіі сучаснікаў
    Катэгорыя·Вікіпедыя·Спасылка на Вікісховішча непасрэдна ў артыкуле
    Катэгорыя·Нарадзіліся ў Глазга
    Катэгорыя·Снукерысты Шатландыі
    Катэгорыя·Нарадзіліся 5 лютага