wd wp Пошук: ⬜

Бары Хокінс

У Вікіпедыі ёсць артыкулы пра іншых асоб з прозвішчам Хокінс.

Бары Хокінс (англ.: Barry Hawkins, нар. 23 красавіка 1979, в. Дзітан, графства Кент, Англія) — англійскі прафесійны гулец у снукер. Фіналіст чэмпіянату свету 2013 года і Мастэрс 2016 года і былы чацвёрты нумар сусветнага рэйтынгу. Пераможца трох рэйтынгавых турніраў (уваходзіць у топ-25 снукерыстаў у гісторыі па колькасці перамог рэйтынгавага ўзроўню). З 2005 года нязменна ўваходзіць у топ-32, а з 2013 — у топ-16 сусветнага рэйтынгу.

Стаў прафесіяналам ў 1996 годзе ва ўзросце 17 гадоў, але атрымаў вядомасць толькі ў сезоне 2004/2005, калі ён выйшаў у 1/8 фіналу чэмпіянату Вялікабрытаніі, чвэрцьфінал адкрытага чэмпіянату Брытаніі і паўфінал адкрытага чэмпіянату Уэльса. У сезоне 2005/2006 увайшоў у топ-32 сусветнага рэйтынгу, а таксама дэбютаваў на чэмпіянаце свету. У сезоне 2006/2007 ужо дэбютаваў у топ-16 афіцыйнага рэйтынгу, але пратрымаўся там толькі адзін снукерны год. У 2012 годзе выйграў першы рэйтынгавы тытул, адкрыты чэмпіянат Аўстраліі, а ў другой палове сезона вярнуўся ў топ-16 і сенсацыйна дайшоў да фіналу чэмпіянату свету, перамогшы лідара сусветнага рэйтынгу Марка Сэлбі (13:10) і лепшага кітайскага снукерыста Дзіна Цзюньхуэя (13:7) і саступіўшы ў фінале Роні О’Салівану (12:18). У наступным сезоне дайшоў да чвэрцьфіналу першага турніру Трайной кароны, чэмпіянату Вялікабрытаніі, што з’яўляецца яго найлепшым вынікам на гэтым спаборніцтве, і амаль увесь сезон пратрымаўся у топ-8 рэйтынгу, а вясною 2014 года падняўся на найвышэйшы радок у табелі аб рангах у кар’еры — чацвёрты — і здабыў другі рэйтынгавы тытул — гранд-фінал серыі PTC. Да 2016 года не выйграў ніводнага матча ў рамках найбуйнейшага запрашальнага турніру — Мастэрс — а ў 2016 дайшоў да фіналу, дзе саступіў Роні О’Салівану з лікам 1:10. У сезоне 2016/2017 дайшоў да фіналу адкрытага чэмпіянату Паўночнай Ірландыі, а таксама выйграў свой трэці рэйтынгавы турнір — Сусветнае Гран-пры, а ў наступным сезоне яшчэ двойчы даходзіў да рэйтынгавых фіналаў на адкрытым чэмпіянаце Уэльса і адкрытым чэмпіянаце Кітая.

У агульнай колькасці займаў чацвёртае месца ў сусветным рэйтынгу больш за два месяцы. Апроч трох рэйтынгавых спаборніцтваў выйграў нізкарэйтынгавы адкрыты чэмпіянат Рыгі і тры іншыя прафесійныя турніры, уключаючы Shoot-Out 2012 года. У 2017 годзе разам з Джадам Трампам прадстаўляў зборную Англіі на кубку свету. За прафесійную кар’еру аформіў больш за 250 сэнчуры-брэйкаў і ўваходзіць у топ-25 гульцоў з найбольшай колькасцю соценных серый у гісторыі снукера, а таксама зарабіў больш за два мільёны фунтаў прызавых грошай, уваходзячы ў топ-25 снукерыстаў у гісторыі па гэтым паказчыку. За сваю кар’еру выканаў два максімальныя брэйкі.

Фіналы турніраў

Рэйтынгавыя турніры: 7 (3 перамогі, 4 паразы)

Легенда

Чэмпіянат свету (0:1)

Чэмпіянат Вялікабрытаніі (0:0)

Іншыя (3:3)

№	Вынік	Год	Турнір	Апанент у фінале	Лік
1	Перамога	2012	Адкрыты чэмпіянат Аўстраліі	Эбдан Пйтэр Пітэр Эбдан	9:3
2	Параза	2013	Чэмпіянат свету	ОСалйван Ронй Роні О'Саліван	12:18
3	Перамога	2014	Гранд-фінал PTC	Грын Джэрард Джэрард Грын	4:0
4	Параза	2016	Адкрыты чэмпіянат Паўночнай Ірландыі	Кйнг Марк Марк Кінг	8:9
5	Перамога	2017	Сусветнае Гран-пры	Дэй Раян Раян Дэй	10:7
6	Параза	2018	Адкрыты чэмпіянат Уэльса	Хйгйнс Джон Джон Хігінс	7:9
7	Параза	2018	Адкрыты чэмпіянат Кітая	Сэлбй Марк Марк Сэлбі	3:11

Нізкарэйтынгавыя турніры: 1 (1 перамога)

№	Вынік	Год	Турнір	Апанент у фінале	Лік
1	Перамога	2015	Адкрыты чэмпіянат Рыгі	Форд Том Том Форд	4:1

Мастэрс: 1 (1 параза)

№	Вынік	Год	Турнір	Апанент у фінале	Лік
1	Параза	2016	Мастэрс	ОСалйван Ронй Роні О'Саліван	1:10

Прафесійныя снукерныя турніры: 13 (7 перамог, 6 паразаў)

Легенда

Рэйтынгавыя турніры (3:4)

Нізкарэйтынгавыя турніры (1:0)

Нярэйтынгавыя турніры (2:2)

Турніры з альтэрнатыўным фарматам (1:0)

Вынік	ПДВ	Дата	Турнір	Апанент у фінале	Лік
Параза	1	11 сакавіка 2007	Айрыш Мастэрс, Кілкені, Ірландыя	ОСалйван Ронй Роні О'Саліван	1:9
Перамога	1	12 верасня 2007	Кваліфікацыя да Мастэрс, Шэфілд, Англія	Мэфлйн Курт Курт Мэфлін	6:4
Перамога	2	18 лютага 2010	Pro Challenge Series 2009/2010 — Этап 5, Ліверпул, Англія	Холт Майкл Майкл Холт	5:1
Перамога	3	29 студзеня 2012	Shoot-Out, Блэкпул, Англія	Дот Грэм Грэм Дот	61:23^{[пст 1]}
Перамога	4	15 ліпеня 2012	Адкрыты чэмпіянат Аўстраліі, Бендыга, Аўстралія	Эбдан Пйтэр Пітэр Эбдан	9:3
Параза	2	6 мая 2013	Чэмпіянат свету, Шэфілд, Англія	ОСалйван Ронй Роні О'Саліван	12:18
Перамога	5	29 сакавіка 2014	Гранд-фінал PTC, Прэстан, Англія	Грын Джэрард Джэрард Грын	4:0
Перамога	6	2 жніўня 2015	Адкрыты чэмпіянат Рыгі, Рыга, Латвія	Форд Том Том Форд	4:1
Параза	3	17 студзеня 2016	Мастэрс, Лондан, Англія	ОСалйван Ронй Роні О'Саліван	1:10
Параза	4	20 лістапада 2016	Адкрыты чэмпіянат Паўночнай Ірландыі, Белфаст, Паўночная Ірландыя	Кйнг Марк Марк Кінг	8:9
Перамога	7	12 лютага 2017	Сусветнае Гран-пры, Прэстан, Англія	Дэй Раян Раян Дэй	10:7
Параза	5	4 сакавіка 2018	Адкрыты чэмпіянат Уэльса, Кардыф, Уэльс	Хйгйнс Джон Джон Хігінс	7:9
Параза	6	8 красавіка 2018	Адкрыты чэмпіянат Кітая, Пекін, Кітай	Сэлбй Марк Марк Сэлбі	3:11

↑ Усе матчы на Shoot-Out складаліся з аднаго фрэйма. У графе пазначаны лік у фрэйме.

Турніры па снукеры з шасцю чырвонымі шарамі: 1 (1 параза)

Вынік	ПДВ	Дата	Турнір	Апанент у фінале	Лік
Параза	1	12 ліпеня 2009	Сусветнае гран-пры па снукеры з шасцю чырвонымі шарамі, Бангкок, Тайланд	Уайт Джымй Джымі Уайт	6:8

Кваліфікацыйныя туры: 3 (1 перамога; 2 паразы)

Вынік	ПДВ	Дата	Турнір	Апанент у фінале	Лік
Параза	1	10 кастрычніка 1999	Тур Вялікабрытаніі 1999/2000 — Этап 1, Олдхэм, Англія	Уйлсан Мэт Мэт Уілсан	4:6
Параза	2	18 сакавіка 2000	Тур Вялікабрытаніі 1999/2000 — Этап 3, Стокпарт, Англія	Бэдфард Сайман Сайман Бэдфард	5:6
Перамога	3	12 красавіка 2000	Тур Вялікабрытаніі 1999/2000 — Этап 4, Суіндан, Англія	Батлер Крэйг Крэйг Батлер	6:1

Зноскі

Спасылкі

Профiль на World Snooker (англ.)
Статыстыка Бары Хокінса на CueTracker.net (англ.)