wd wp Пошук: ⬜

Шавельскі павет

Шавельскі павет (руск.: Шавельский уезд, літ.: Šiaulių apskritis) — адміністрацыйная адзінка Ковенскай губерні, якая існавала ў 1795 — 1920 гадах. Павятовы горад — Шаўлі.

Гісторыя

Павет утвораны ў 1795 годзе ў складзе Віленскай губерні пасля трэці падзелу Рэчы Паспалітай. У 1842 годзе павет увайшоў у склад навастворанай Ковенскай губерні.

Насельніцтва

Паводле перапісу 1897 года насельніцтва павета складала 237 934 чалавек, у тым ліку ў горадзе Шаўлі — 16 128 чал., у беспавятовым горадзе Шадаў — 4474 чал[1]., у мястэчках Жагоры — 8196 чал., Янішкі — 4806 чал., Радзівілішкі — 4389 чал., Куршаны — 3227 чал., Векшні — 3036 жых[2].

Нацыянальны склад

Нацыянальны склад паводле перапісу 1897 года[3]:

• літоўцы — 168 263 чал. (70,7 %), у тым ліку жамойты — 126 957 чал. (53,4 %),
• яўрэі — 34 137 чал. (14,3 %),
• палякі — 14 951 чал. (6,3 %),
• латышы — 11 630 чал. (4,9 %),
• рускія — 5253 чал. (2,2 %),
• немцы — 2422 чал. (1,0 %),

Адміністрацыйны падзел

У 1913 годзе ў павеце было 19 валасцей[4]:

Благавешчанская — с. Благавешчанск[lt], Вякшнянская — м. Векшні, Груздзеўская — м. Груздзе[lt], Жагорская — м. Новыя-Жагоры, Крукаўская — м. Крукі[lt], Крупенская — м. Крупе[lt], Куршанская — м. Куршаны, Лігумская — в. Сярэйкі[lt], Лукніцкая — м. Лукнікі[lt], Акмянская — м. Акмяны,

Падубіская — м. Падубіс[lt], Папялянская — м. Папяляны[lt], Пашвітынская — м. Пашвітынь[lt], Радзівілішская — м. Радзівілішкі, Скемская — м. Бейсагола, Трышская — м. Трышкі[lt], Шавельская — в. Суткуны[lt], Шаўлянская — м. Шаўляны[lt], Янішская — м. Янішкі.

Зноскі

1. 1 2 Первая Всеобщая перепись населения Российской империи 1897 года. Ковенская губерния
2. ↑ ЭСБЕ. «Россия» (XXVII, 107). Население городов, посадов и других важнейших населенных мест
3. ↑ Первая всеобщая перепись населения Российской Империи 1897 г. Распределение населения по родному языку. Шавельский уезд
4. ↑ Волостныя, станичныя, сельскія, гминныя правленія и управленія, а также полицейскіе станы всей Россіи съ обозначеніем мѣста ихъ нахожденія. — Кіевъ: Изд-во Т-ва Л. М. Фишъ, 1913.

Спасылкі

• Шавли // Энциклопедический словарь Брокгауза и Ефрона: В 86 томах (82 т. и 4 доп.) (руск.) . — СПб., 1890—1907.

Тэмы гэтай старонкі (5):
Вікіпедыя:Артыкулы з пераазначэннем значэння з Вікідадзеных
Паветы Віленскай губерні
Шавельскі павет
Паветы Ковенскай губерні
Адміністрацыйныя адзінкі без геаграфічных каардынат