Со́мбатхей[2] (венг.: Szombathely [‘sombɒt.hɛj], ням.: Steinamanger, харв.: Sambotel, славенск.: Sombotel, славацк.: Kamenec) — горад на захадзе Венгрыі, адміністрацыйны цэнтр медзье Ваш. Насельніцтва — 80 154 чалавекі (2005).
Сомбатхей размешчаны ў Заходне-Задунайскім краі прыкладна ў 220 кіламетрах на захад ад Будапешта і ў 10 кіламетрах на ўсход ад мяжы з Аўстрыяй. Праз горад праходзіць чыгунка Будапешт — Секешфехервар — Сомбатхей — Грац. Час на цягніку да Будапешта — каля 4 гадзін. Аўтамабільныя дарогі вядуць з горада на поўдзень у бок аўтабана E66 Секешфехервар — Грац і на поўнач у бок Шопрана і Вены. Праз горад працякаюць дзве невялікія рэчкі — Перынт і Дзьёндзьёш.