wd wp Пошук:
    ⬜

    Нацыянальны парк Тыведэн

    Тыведэн (шведск.: Tiveden) — нацыянальны парк у Швецыі, знаходзіцца на мяжы правінцый Эрэбру і Вестра-Гёталанд, паміж азёрамі Венерн і Ветэрн (камуны Лакса і Карлсбарг), большую частку парка займае скалісты ландшафт, пакрыты хваёвым лесам.

    Лес Тыведэн — адзін з трох буйных лясоў цэнтральнай Швецыі, які гістарычна падзяляў плямёны гётаў на поўдні (Гёталанд) і свеяў на поўначы (Свеаланд); іншыя - гэта Цюлескуген і Кольмардэн.

    Лес Тыведэн стаіць на гранітных скалах.

    Вялікі ўклад у фарміраванне цяперашняга ландшафту лесу ўняслі ледавікі ледніковага перыяду, які таялі каля 11 тысяч гадоў таму назад. Ледавікі неслі з сабой велізарныя валуны, да гэтага часу раскіданыя па раёне і моцна абцяжарваюць перамяшчэнне.

    З-за беднасці глебы флора і фаўна лесу небагатыя, асноўным відам дрэў з’яўляецца хвоя, якая, дзякуючы павярхоўнаму тыпу каранёвай сістэмы, можа развівацца ў тонкім (1-2 см) пласце урадлівай глебы. Некаторыя ўчасткі пакрытыя ягелем. У пэўных месцах растуць пралеска і ляшчына. Большая частка лесу ў нацыянальным парку каля Стэнкела вырасла пасля вялікага пажару ў 1835 годзе.

    З буйных жывёл у лесе назіраюцца алені і ласі. У лік дробных млекакормячых, якія насяляюць лес, уваходзяць лісы, барсукі, куніцы, вавёркі. Ёсць вялікая папуляцыя глушцоў, іншыя птушкі, якія сустракаюцца ў лесе — Сыч касматаногі і Трохпальцы дзяцел, для якога Тыведэн з’яўляецца паўднёвай мяжой арэала.

    Парк займае самую недаступную частку лесу, т.зв. Трольтывен.

    Афіцыйнай мэтай парку з’яўляецца захаванне лесу, азёр і расколін у натуральным першапачатковым выглядзе, бесперашкоднае ператварэнне лесу ў некрануты.

    У парку нельга спыняцца на ноч, ездзіць на веласіпедах, распальваць агонь і наносіць шкоду раслінам.

    Асноўныя славутасці:

    Па парку праходзіць вузкая грунтавая дарога, працягласць пешаходных маршрутаў складае 25 км. У многіх месцах пракладзены гаці і зладжаны лесвіцы і парэнчы, без якіх перамяшчэнне было б вельмі складаным, а месцамі - і немагчымым.

    Зноскі

    1. 1 2 Tiveden National Park - Naturvårdsverket(нявызн.) (недаступная спасылка). Архівавана з першакрыніцы 16 сакавіка 2013. Праверана 13 сакавіка 2013.

    Спасылкі

    commons: Нацыянальны парк Тыведэн на Вікісховішчы
    Тэмы гэтай старонкі (6):
    Катэгорыя·Вікіпедыя·Артыкулы з пераазначэннем значэння з Вікідадзеных
    Катэгорыя·Катэгорыя МСАП II
    Катэгорыя·Старонкі з няправільным сінтаксісам спасылак на крыніцы
    Category:%D0%A1%D1%82%D0%B0%D1%80%D0%BE%D0%BD%D0%BA%D1%96 %D0%B7 %D0%BA%D0%B0%D1%80%D1%82%D0%B0%D0%BC%D1%96
    Катэгорыя·Вікіпедыя·Спасылка на Вікісховішча непасрэдна ў артыкуле
    Катэгорыя·Нацыянальныя паркі Швецыі