Граніт
У гэтага паняцця ёсць і іншыя значэнні, гл. Граніт (значэнні).
Граніт — магматычная горная парода, адна з найбольш пашыраных у зямной кары кантынентаў.
Складаецца ў асноўным з кварцу, палявога шпату (артаклазу), плагіяклазу і слюды.
Структура граніту раўнамерназярністая ці парфірападобная, тэкстура масіўная. Колер ружовы, шэры, жоўты, белаваты, зеленаваты. Колер залежыць ад колеру асноўнага складніка — палявога шпату і наяўнасці мінералаў цёмнага колеру.
Шчыльнасць 2,53—2,72 г/см³. Трываласць на сцісканне 100—300 МПа.
На тэрыторыі Беларусі граніт пашыраны сярод парод крышталічнага падмурку. Радовішчы ёсць у Гомельскай і Брэсцкай абласцях.
Выкарыстанне
Граніт выкарыстоўваецца як будаўнічы і абліцовачны матэрыял. У Беларусі вырабы з граніту вядомы са старадаўніх часоў (напрыклад, Здудзіцкі каменны крыж).
Літаратура
- Комар А. Г. Строительные материалы и изделия: Учебн. для инж.-экон. спец. строит. вузов. — 5-е изд., перераб. и доп. — М.: Высшая школа, 1988. — С. 36. — 527 с. — 40 000 экз. — ISBN 5-06-001250-6. (руск.)
Катэгорыя·Абліцавальныя матэрыялы
Катэгорыя·Будаўнічыя матэрыялы
Катэгорыя·Магматычныя горныя пароды
Катэгорыя·Старонкі з нелікавымі аргументамі formatnum