Шумі́ліна[2] (афіц. транс.: Šumilina) — гарадскі пасёлак у Віцебскай вобласці Беларусі, цэнтр Шумілінскага раёна. За 40 км ад Віцебска. Чыгуначная станцыя на лініі Віцебск—Полацк, аўтамабільныя дарогі на Віцебск, Полацк, Бешанковічы, Гарадок. Насельніцтва 7 502 чал. (2017)[3].
У 19 стагоддзі вёска ў Ловажскай воласці Полацкага павета Віцебскай губерніі. У 1866 годзе — 5 двароў, 13 будынкаў, 38 жыхароў. Пасля будаўніцтва Рыга-Арлоўскай чыгункі (1886) мястэчка — станцыя Баболіна (да 1962 г. — Сіроціна). У пачатку 20 стагоддзя — 50 жыхароў. У скадзе РСФСР. З 1924 года у БССР — цэнтр Сіроцінскага раёна. З 1938 года гарадскі пасёлак. У час Вялікай Айчыннай вайны, з чэрвеня 1941 па 23.6.1944 г. акупіраваны. 16 верасня 1957 года ў склад Шуміліна ўключаны пасёлак торфапрадпрыемства «Дабееўскі Мох»[4]. У 1962—1966 гг. у Віцебскім раёне. 18-19 верасня 2021 года ў Шуміліна праходзіў фестываль-кірмаш працаўнікоў вёскі «Дажынкі-2021».
Прадпрыемствы харчовай прамысловасці. Гасцініца.
Дзейнічаюць 2 сярэднія школы, юнацка-спартыўная школа. Ёсць Палац культуры, 2 бібліятэкі, Шумілінскі гісторыка-краязнаўчы музей.