У гэтага паняцця ёсць і іншыя значэнні, гл. Чэрвень (значэнні). Чэрвень — шосты месяц Грыгарыянскага календара. Складаецца з 30 дзён.
Народная назва падаецца ў выданнях Ф. Скарыны — чирвець[1], у «Храналогіі» А. Рымшы (1581) згадваецца як чырвецъ[2]. Назва, ужываная ў сучаснай беларускай літаратурнай мове, узнікла ў асяроддзі газеты «Наша ніва» і набыла больш-менш канчатковую форму ў 1912, калі ў календары «Нашай нівы» былі пададзеныя прапанаваныя назвы месяцаў з тлумачэннямі. Паслядоўна ў «Нашай ніве» ўжываліся варыянты назвы: у 1907 — юнь, у 1908 — чэрвень, у 1909 — юнь, у 1910—1912 — чэрвень (юнь); у далейшым — чэрвень.[3]