wd wp Пошук:
    ⬜

    OpenStreetMap

    OpenStreetMap (OSM) — супольны праект па стварэнні свабодных рэдагуемых карт усяго свету.

    Карты ствараюцца на аснове звестак з GPS-навігатараў, аэра- і спадарожнікавых фотаздымкаў ці з уласнага досведу. Як растравыя, так і вектарныя карты OSM распаўсюджваюцца на ўмовах ліцэнзіі Open Database License.[5]

    OpenStreetMap натхнілі сайты кшталту Вікіпедыі: кожны можа рэдагаваць звесткі, падтрымліваецца поўная гісторыя рэдагаванняў. Зарэгістраваныя ўдзельнікі могуць загружаць GPS-трэкі і ствараць па іх карты пры дапамозе розных прыстасаванняў.[6]

    Гісторыя

    Праект быў заснаваны Стывам Коўстам у ліпені 2004 года. У красавіку 2006 была створаны фонд, які па сёняшні дзень падтрымлівае стварэнне і распаўсюд свабодных карт. У снежні 2006 года Yahoo! пацвердзіла, што заўзятары праекту могуць выкарыстоўваць спадарожнікавыя карты Yahoo! ў якасці падложкі падчас стварэння карт OSM.[7]

    У студзені 2008 года карыстальнікам была нададзена магчымасць загружаць карты ў GPS-навігатары. У сакавіку таго ж года заснавальнікі абвясцілі пра атрыманне стартавага капіталу памерам €2,4 млн для CloudMade.[8]

    Карыстальнікі

    Беларускі аграгарадок Моталь на карце OpenStreetMap

    Паводле звестак на жнівень 2008 года, у праекце было зарэгістравана болей за 50 000 удзельнікаў. У сакавіку 2009 — 100 000, а да канца 2009 года зарэгістравалася больш за 200 тысяч.[9]

    Не ўсе зарэгістраваныя ўдзельнікі робяць унёсак. Насамрэч, большасць звестак уносіцца меншасцю ўдзельнікаў: з усіх, зарэгістраваных па стане на сакавік 2008 года ўдзельнікаў, прыкладна 10 % рабілі ўнёсак кожны месяц.[10]

    Стварэнне карт

    Гісторыя

    На пачатку праекту, першыя ўдзельнікі ездзілі з GPS-навігатарамі і запісвалі каардынаты тых месцаў, дзе знаходзіліся. Гэтак першыя звесткі траплялі ў базу звестак OpenStreetMap. Потым, калі з’явіліся першыя даступныя спадарожнікавыя здымкі, праца пайшла ўгору. Таксама былі перададзеныя ўрадавыя матэрыялы: карты, схемы і г. д.

    Зараз, калі патрапляе вялікі аб’ём матэрыялу, адмысловая каманда ўдзельнікаў робіць зыходныя звесткі прыдатнымі да канвертацыі і імпарту ў базу звестак праекту.

    Камерцыйныя карты

    Некаторыя кампаніі дазволілі выкарыстанне сваіх матэрыялаў на слушных умовах. Напрыклад, Automotive Navigation Data ахвяравала схему аўтамабільных дарог Нідэрландаў, а таксама схему магістральных дарог Кітая і Індыі.

    У снежні 2006 года Yahoo! пацвердзіў права OpenStreetMap на выкарыстанне спадарожнікавых здымкаў Зямлі для стварэння карт OSM, у якасці тла для абводкі. Карыстальнікі могуць ствараць уласныя вектарныя карты як вытворныя працы, якія распаўсюджваюцца на ўмовах свабодных ліцэнзій.[7]

    Структура звестак

    OpenStreetMap па сутнасці — база звестак, якая змяшчае некалькі тыпаў запісаў:

    Зноскі

    1. ↑ The osm Open Source Project on Open Hub: Languages Page — 2006. Праверана 20 верасня 2018.
    2. ↑ GitHub — 2007. Праверана 4 жніўня 2019.
    3. ↑ FAQ - OpenStreetMap (нявызн.) (недаступная спасылка). Архівавана з першакрыніцы 6 студзеня 2010. Праверана 22 чэрвеня 2012.
    4. ↑ Alexa Internet — 1996. Праверана 28 лістапада 2017.
    5. ↑ RWeait. OpenStreetMap data license is ODbL v1.0 (нявызн.). OSM Foundation (12 верасня 2012). Праверана 5 November 2012.
    6. ↑ Steve Coats in derStandard.at, 13 ліпеня 2009. (ням.)
    7. 1 2 Yahoo! aerial imagery in OSM (англ.)
    8. ↑ We’re funded! Архівавана 1 сакавіка 2012., CloudMade Blog (англ.)
    9. ↑ Stats OpenStreetMap Wiki (англ.)
    10. ↑ We’re on a road to everywhere, OpenGeoData Blog (англ.)

    Гл. таксама

    Спасылкі

    Вектарныя карты ў розных фарматах для спампоўкі

    Растравыя карты і сэрвісы

    Спадарожнікавы маніторынг

    1. ↑ openstreetmap:WikiProject Piste Maps
    2. ↑ GPS-Trace Orange
    Тэмы гэтай старонкі (15):
    Працы, ліцэнзаваныя пад Creative Commons
    Спадарожнікавыя навігацыйныя сістэмы
    Вікіпедыя:Артыкулы з пераазначэннем значэння з Вікідадзеных
    Сайты, якія з’явіліся ў 2004 годзе
    GPS
    Сумеснае стварэнне карт
    Вэб-картаграфія
    Вікіпедыя:Артыкулы з вікі-разметкай у малюнку карткі
    Старонкі з няправільным сінтаксісам спасылак на крыніцы
    Вікіпедыя:Артыкулы з крыніцамі з Вікідадзеных
    Віртуальныя атласы
    Вікіпедыя:Артыкулы са складаным уваходам у Модуль:URL
    Вікі-праекты
    Сайты паводле алфавіта
    Картаграфія