Джад Трамп
У Вікіпедыі ёсць артыкулы пра іншых асоб з прозвішчам Трамп.
 | Інфармацыя ў гэтым артыкуле ці некаторых яго раздзелах састарэла |
Джад Трамп (англ.: Judd Trump; нар. 20 жніўня 1989, Уітчарч, Брысталь, Англія) — англійскі прафесійны гулец у снукер. Чэмпіён свету 2019. Фіналіст чэмпіянату свету 2011 года і былы лідар сусветнага рэйтынгу. Пераможца чэмпіянату Вялікабрытаніі 2011, аднаго са спаборніцтваў трайной кароны, і яшчэ сямі рэйтынгавых турніраў (уваходзіць у топ-15 снукерыстаў у гісторыі па колькасці рэйтынгавых перамог). З сезона 2011/2012 ўваходзіць у топ-16 сусветнага рэйтынгу.
Стаў прафесіяналам ў 2005 годзе ва ўзросце 16 гадоў і ў тым жа сезоне дэбютаваў на рэйтынгавым узроўні, прайшоўшы кваліфікацыю да адкрытага чэмпіянату Уэльса. У 2007 годзе дэбютаваў на чэмпіянаце свету, а ў 2008 — стаў пераможцам кваліфікацыі да Мастэрс, стаўшы ўдзельнікам самага прэстыжнага нярэйтынгавага спаборніцтва. Праз год перамог на турніры Championship League, а ў сезоне 2009/2010 увайшоў у топ-32 сусветнага рэйтынгу. Здзейсніў прарыў у канцы сезона 2010/2011, атрымаўшы першую рэйтынгавую перамогу на адкрытым чэмпіянаце Кітая і дайшоўшы да фіналу чэмпіянату свету, пасля чаго ўвайшоў у топ-16 сусветнага рэйтынгу. У канцы 2011 года перамог на першым турніры трайной кароны, чэмпіянаце Вялікабрытаніі 2011, а праз год выйграў трэці рэйтынгавы тытул, International Championship 2012, і ненадоўга стаў лідарам рэйтынгу. У пачатку сезона 2014/2015 выйграў яшчэ адно рэйтынгавае спаборніцтва — адкрыты чэмпіянат Аўстраліі, а пазней у трэці раз выйшаў у фінал турніру трайной кароны на чэмпіянаце Вялікабрытаніі 2014. У 2016 годзе ў другі раз перамог на адкрытым чэмпіянаце Кітая і стаў пераможцам Еўрапейскага Мастэрс, а ў 2017 годзе выйграў Players Championship і абараніў тытул Еўрапейскага Мастэрс, які стаў яго восьмай рэйтынгавай перамогай.
У агульнай колькасці займаў найвышэйшы радок у сусветным рэйтынгу пяць тыдняў і з’яўляецца адным з двух снукерыстаў (разам з Дзінам Цзюньхуэем), якія займалі першы радок афіцыйнай табелі аб рангах, але ніколі не выйгравалі тытул чэмпіёна свету. Апроч сямі рэйтынгавых спаборніцтваў выйграў 4 нізкарэйтынгавыя турніры, а таксама 5 іншых прафесійных турніраў, уключаючы Сусветнае Гран-пры 2015 года і рэкордныя тры тытулы турніру Championship League. За сваю кар’еру выканаў больш за 450 соценных брэйкаў, стаўшы лідарам сезонаў 2012/2013, 2014/2015 і 2016/2017 па колькасці сэнчуры і ўваходзячы ў топ-10 снукерыстаў з найбольшай колькасцю соценных серый у гісторыі снукера, а таксама зарабіў больш за два з паловай мільёны фунтаў стэрлінгаў, уваходзячы ў топ-15 лідараў усіх часоў па колькасці прызавых. За сваю кар’еру выканаў тры максімальныя брэйкі, уваходзячы ў топ-15 гульцоў з найбольшай колькасцю максімумаў.
Фіналы турніраў
Рэйтынгавыя турніры: 17 (8 перамог, 9 паразаў)
| Легенда |
| Чэмпіянат свету (0:1) |
| Чэмпіянат Вялікабрытаніі (1:1) |
| Іншыя (7:7) |
| № | Вынік | Год | Турнір | Апанент у фінале | Лік |
|---|---|---|---|---|---|
| 1 | Перамога | 2011 | Адкрыты чэмпіянат Кітая |  Марк Сэлбі |
10:8 |
| 2 | Параза | 2011 | Чэмпіянат свету |  Джон Хігінс |
15:18 |
| 3 | Перамога | 2011 | Чэмпіянат Вялікабрытаніі |  Марк Ален |
10:8 |
| 4 | Параза | 2012 | Шанхай Мастэрс | Джон Хігінс |
9:10 |
| 5 | Перамога | 2012 | International Championship |  Ніл Робертсан |
10:8 |
| 6 | Параза | 2014 | German Masters |  Дзін Цзюньхуэй |
5:9 |
| 7 | Перамога | 2014 | Адкрыты чэмпіянат Аўстраліі | Ніл Робертсан |
9:5 |
| 8 | Параза | 2014 | Чэмпіянат Вялікабрытаніі | Роні О'Саліван |
9:10 |
| 9 | Параза | 2015 | Шанхай Мастэрс | Кайрэн Уілсан |
9:10 |
| 10 | Перамога | 2016 | Адкрыты чэмпіянат Кітая | Рыкі Уолдэн |
10:4 |
| 11 | Перамога | 2016 | Еўрапейскі Мастэрс | Роні О'Саліван |
9:8 |
| 12 | Параза | 2016 | Адкрыты чэмпіянат Англіі | Лян Вэньбо |
6:9 |
| 13 | Параза | 2017 | Адкрыты чэмпіянат Уэльса | Сцюарт Бінэм |
8:9 |
| 14 | Параза | 2017 | Адкрыты чэмпіянат Гібралтара | Шон Мёрфі |
2:4 |
| 15 | Перамога | 2017 | Players Championship |  Марка Фу |
10:8 |
| 16 | Перамога | 2017 | Еўрапейскі Мастэрс | Сцюарт Бінэм |
9:7 |
| 17 | Параза | 2017 | Шанхай Мастэрс | Роні О'Саліван |
3:10 |
Нізкарэйтынгавыя турніры: 8 (4 перамогі, 4 паразы)
| № | Вынік | Год | Турнір | Апанент у фінале | Лік |
|---|---|---|---|---|---|
| 1 | Перамога | 2010 | Пол Хантэр Класік | Энтані Хэмілтан |
4:3 |
| 2 | Перамога | 2011 | Players Tour Championship 2011/2012 — Этап 2 | Дзін Цзюньхуэй |
4:0 |
| 3 | Параза | 2011 | Міжнародны трафей Алекса Хігінса | Ніл Робертсан |
1:4 |
| 4 | Перамога | 2011 | Адкрыты чэмпіянат Антверпена | Роні О'Саліван |
4:3 |
| 5 | Параза | 2012 | Трафей памяці Кей Сюзан | Джон Хігінс |
2:4 |
| 6 | Перамога | 2012 | Адкрыты чэмпіянат Балгарыі | Джон Хігінс |
4:0 |
| 7 | Параза | 2013 | Кубак памяці Кей Сюзан | Марк Ален |
1:4 |
| 8 | Параза | 2014 | Пол Хантэр Класік | Марк Ален |
2:4 |
Прафесійныя снукерныя турніры: 33 (17 перамог, 16 паразаў)
| Легенда |
| Рэйтынгавыя турніры (8:9) |
| Нізкарэйтынгавыя турніры (4:4) |
| Нярэйтынгавыя турніры (5:3) |
| Турніры з альтэрнатыўным фарматам (0:0) |
Зноскі
Спасылкі
 |
Джад Трамп на Вікісховішчы |
|---|
- Профiль на World Snooker (англ.)
- Статыстыка Джада Трампа на CueTracker.net (англ.)
Катэгорыя·Нарадзіліся ў Сомерсеце
Катэгорыя·Вікіпедыя·Артыкулы для абнаўлення
Катэгорыя·Вікіпедыя·Біяграфіі сучаснікаў
Катэгорыя·Пераможцы чэмпіянату Вялікабрытаніі па снукеры
Катэгорыя·Вікіпедыя·Спасылка на Вікісховішча непасрэдна ў артыкуле
Катэгорыя·Пераможцы адкрытага чэмпіянату Кітая па снукеры
Катэгорыя·Пераможцы адкрытага чэмпіянату Аўстраліі па снукеры
Катэгорыя·Лідары сусветнага снукернага рэйтынгу
Катэгорыя·Пераможцы International Championship (снукер)
Катэгорыя·Асобы
Катэгорыя·Нарадзіліся ў 1989 годзе
Катэгорыя·Снукерысты Англіі
Катэгорыя·Нарадзіліся 20 жніўня