wd wp Пошук: ⬜

Джымі Уайт

У Вікіпедыі ёсць артыкулы пра іншых асоб з прозвішчам Уайт.

Джымі Уайт (англ.: Jimmy White; 2 мая 1962, Туцінг, Англія) — англійскі прафесійны ігрок у снукер. Шасціразовы фіналіст чэмпіянату свету (1984, 1990, 1991, 1992, 1993, 1994). Былы другі нумар сусветнага рэйтынгу (1987–1989), з сезона 1982/1983 да сезона 1996/1997 нязменна ўваходзіў у топ-16, пасля чаго вяртася ў эліту ў сезонах 1999/2000 і з сезона 2001/2002 да сезона 2005/2006. Адзін з чатырнаццаці снукерыстаў у гісторыі, якія выйгравалі чэмпіянат Вялікабрытаніі (1992) і Мастэрс (1984) — два з трох турніраў трайной снукернай кароны (акрамя чэмпіянату свету).

Біяграфія

Пачаў прафесійную кар’еру ў 1980 годзе ва ўзросце 18 гадоў і дэбютаваў у асноўнай стадыі чэмпіянату свету ў першым жа сезоне. У сезоне 1981/1982 дайшоў да паўфіналаў на чэмпіянаце Вялікабрытаніі і чэмпіянаце свету, а таксама дэбютаваў на Мастэрс, пасля чаго ўвайшоў у топ-16 і дайшоў да першага рэйтынгавага фіналу на Professional Players Tournament (пазней Гран-пры) 1982 года. У 1984 годзе перамог на Мастэрс і ўпершыню дайшоў да фіналу чэмпіянату свету, дзе саступіў Стыву Дэвісу (16:18). У 1986 годзе здабыў свае першыя рэйтынгавыя тытулы на Класік і Гран-пры, а ў 1987 годзе дадаў да іх перамогу на адкрытым чэмпіянаце Брытаніі і падняўся на найвышэйшы для сябе другі радок у рэйтынгу. У тым жа 1987 годзе ўпершыню дайшоў да фіналу чэмпіянату Вялікабрытаніі, а ў 1988 годзе выйграў чацвёрты рэйтынгавы турнір — Канадскі Мастэрс. З 1990 да 1994 года пяць разоў запар даходзіў да фіналаў чэмпіянатаў свету, чатыры разы саступіўшы Стывену Хендры (12:18 у 1990 годзе, 14:18 у 1992, 5:18 у 1993 і 17:18 у 1994) і адзін раз Джону Пэрату (11:18 у 1991 годзе), але так і не перамогшы на найбуйнейшым снукерным спаборніцтве. У гэтыя гады ён здабыў яшчэ пяць рэйтынгавых тытулаў: Класік 1991 года, адкрыты чэмпіянат Брытаніі 1992 года, чэмпіянат Вялікабрытаніі 1992 года, адкрыты чэмпіянат Еўропы 1992 года і Гран-пры 1992 года. Пасля гэтага ў яго кар’еры адбыўся спад і ў 1997 годзе ён вылецеў з топ-16 упершыню за 13 гадоў ва ўзросце 35 гадоў, аднак у 2000 годзе ён выйшаў у свой першы рэйтынгавы фінал за 6 гадоў на адкрытым чэмпіянаце Брытаніі, а з 2001 года яшчэ 5 гадоў пратрымаўся ў топ-16 рэйтынгу, дайшоўшы да фіналу адкрытага чэмпіянату Еўропы 2004 года і здабыўшы свой дзясяты рэйтынгавы тытул на Players Championship 2004 года ва ўзросце 41 года, стаўшы такім чынам самым узроставым пераможцам рэйтынгавых турніраў з 1989 года. У сезоне 2005/2006 падняўся на восьмае месца ў рэйтынгу, пасля чаго больш не ўваходзіў у топ-32, аднак працягвае прафесійныя выступы па сённяшні дзень і з’яўляецца самым узроставым прафесійным снукерыстам у мэйн-туры.

Фанаты называюць Уайта «Віхор» (англ.: The Whirlwind) за яго хуткі і атакуючы стыль гульні, а таксама «Народны чэмпіён» (англ.: People’s Champion). Акрамя дзесяці рэйтынгавых тытулаў і перамогі на Мастэрс сярод яго дасягненняў перамога на парным чэмпіянаце свету 1984 года (разам з Алексам Хігінсам), перамогі на кубках свету ў складзе зборнай Англіі ў 1988 і 1989 гадах (разам са Стывам Дэвісам і Нілам Фулдсам), перамога на кубку Нацый 2000 года ў складзе зборнай Англіі (разам з Джонам Пэратам, Роні О’Саліванам і Стывенам Лі), перамога на чэмпіянаце свету па снукеры з шасцю чырвонымі шарамі 2009 года і перамога на чэмпіянаце свету сярод ветэранаў 2010 года. За сваю кар’еру аформіў больш за 300 соценных брэйкаў, у тым ліку адзін максімальны брэйк на чэмпіянаце свету 1992 года, і ўваходзіць у топ-20 самых сярыйных снукерыстаў у гісторыі. Акрамя таго, зарабіў больш за 4,7 мільёна фунтаў стэрлінгаў прызавых грошай, уваходзячы ў топ-10 снукерыстаў па гэтым паказчыку.

Фіналы турніраў

Рэйтынгавыя турніры: 24 (10 перамог, 14 паразаў)

Легенда

Чэмпіянат свету (0:6)

Чэмпіянат Вялікабрытаніі (1:2)

Іншыя (9:6)

№	Вынік	Год	Турнір	Апанент у фінале	Лік
1	Параза	1982	Professional Players Tournament	Рыярдан Рэй Рэй Рыярдан	5:10
2	Параза	1984	Чэмпіянат свету	Дэвйс Стыу Стыў Дэвіс	16:18
3	Параза	1985	Трафей Матчрум	Торбурн Клйф Кліф Торбурн	10:12
4	Перамога	1986	Класік	Торбурн Клйф Кліф Торбурн	13:12
5	Перамога	1986	Гран-пры	Уйльямс Рэкс Рэкс Уільямс	10:6
6	Параза	1987	Класік	Дэвйс Стыу Стыў Дэвіс	12:13
7	Перамога	1987	Адкрыты чэмпіянат Брытаніі	Фулдс Нйл Ніл Фулдс	13:9
8	Параза	1987	Чэмпіянат Вялікабрытаніі	Дэвйс Стыу Стыў Дэвіс	14:16
9	Параза	1988	International Open	Дэвйс Стыу Стыў Дэвіс	6:12
10	Перамога	1989	Канадскі Мастэрс	Дэвйс Стыу Стыў Дэвіс	9:4
11	Параза	1990	Чэмпіянат свету	Хендры Стывен Стывен Хендры	12:18
12	Перамога	1991	Класік	Хендры Стывен Стывен Хендры	10:4
13	Параза	1991	Чэмпіянат свету	Пэрат Джон Джон Пэрат	11:18
14	Параза	1991	Чэмпіянат Вялікабрытаніі	Пэрат Джон Джон Пэрат	13:16
15	Перамога	1992	Адкрыты чэмпіянат Еўропы	ДжонстанАлен Марк Марк Джонстан-Ален	9:3
16	Перамога	1992	Адкрыты чэмпіянат Брытаніі	Уатана Джэймс Джэймс Уатана	10:7
17	Параза	1992	Чэмпіянат свету	Хендры Стывен Стывен Хендры	14:18
18	Перамога	1992	Гран-пры	Доэрцй Кен Кен Доэрці	10:9
19	Перамога	1992	Чэмпіянат Вялікабрытаніі	Пэрат Джон Джон Пэрат	16:9
20	Параза	1993	Чэмпіянат свету	Хендры Стывен Стывен Хендры	5:18
21	Параза	1994	Чэмпіянат свету	Хендры Стывен Стывен Хендры	17:18
22	Параза	2000	Адкрыты чэмпіянат Брытаніі	Эбдан Пйтэр Пітэр Эбдан	6:9
23	Параза	2004	Адкрыты чэмпіянат Еўропы	Магуайр Стывен Стывен Магуайр	3:9
24	Перамога	2004	Players Championship	Хантэр Пол Пол Хантэр	9:7

Мастэрс: 2 (1 перамога, 1 параза)

№	Вынік	Год	Турнір	Апанент у фінале	Лік
1	Перамога	1984	Мастэрс	Грыфйтс Тэры Тэры Грыфітс	9:5
2	Параза	1986	Мастэрс	Торбурн Клйф Кліф Торбурн	5:9

Зноскі

↑ Person Profile // Internet Movie Database — 1990.
↑ https://www.swlondoner.co.uk/sport/27112014-tootings-jimmy-white-still-believes-can-win-titles-faces-tough-ding-match/ — 2014. Праверана 19 ліпеня 2021.

Спасылкі

Профiль на World Snooker (англ.)
Статыстыка Джымі Уайта на CueTracker.net (англ.)