wd wp Пошук: ⬜

Гарошак кашубскі

Гаро́шак кашубскі[3][4] (Vicia cassubica) — кветкавая расліна роду Гарошак (Vicia) сямейства Бабовыя (Fabaceae).

Батанічнае апісанне

Шматгадовая травяністая расліна з тонкім паўзучым карэнішчам. Сцябло тонкае, прамастойнае або крыху лазячае, даўжынёй 30—60 (да 70[4]) см, рабрыстае, слаба разгалінаванае ў верхняй частцы, голае або слаба апушанае. Лісце чаргаванае, парнаперыстае і складаецца з 8—15[4] пар лісткоў. Лісткі слаба апушаныя, выцягнутыя або вузкаланцэтныя. Кветкі фіялетава-пурпуровыя, у аднабокіх гронках. Плод — рамбічны або лінейна-рамбічны струк з загнутым носікам.

Распаўсюджанне і экалогія

Расліна распаўсюджана на тэрыторыі Еўропы і ўмераных абласцей Азіі. Святлолюбівая расліна, ксерафіт, мезафіт, алігатроф, мезатроф [5]. Расце на сухіх і горных лугах, узлесках, высечках, пустках, пашах, у хмызняках, парках і садах, каля дарог[5]. Цвіце ў чэрвені—ліпені. Апыленне перакрыжаванае, пераважна пчоламі[6]. Плады паспяваюць у ліпені—жніўні.

Ахоўваецца на тэрыторыі Эстоніі [5], Фінляндыі, шэрагу рэгіёнаў Расіі [5] (Масква, Татарстан, Марый Эл, Іванаўская, Ліпецкая, Пскоўская, Тульская, Уладзімірская вобласці[7]).

Кармавая і дэкаратыўная расліна.

Зноскі

↑ Ужываецца таксама назва Пакрытанасенныя.
↑ Пра ўмоўнасць аднясення апісанай у гэтым артыкуле групы раслін да класа двухдольных гл. артыкул «Двухдольныя».
↑ Киселевский А. И. Латино-русско-белорусский ботанический словарь. — Минск: «Наука и техника», 1967. — С. 140. — 160 с. — 2 350 экз.
1 2 3 Энцыклапедыя прыроды Беларусі. У 5-і т. Т. 1. Ааліты — Гасцінец / Рэдкал. І. П. Шамякін (гал. рэд.) і інш. — Мн.: БелСЭ ім. Петруся Броўкі, 1983. — 575 с., іл. — 10 000 экз.
1 2 3 4 Горошек кашубский: інфармацыя пра таксон у праекце «Плантариум» (вызначальнік раслін і ілюстраваны атлас відаў). (руск.)
↑ Агроэкологический атлас России и сопредельных стран: экономически значимые растения, их болезни, вредители и сорные растения(руск.)
↑ Vicia cassubica L. (Вика кашубская) // ИАС «ООПТ России»(руск.)

Літаратура

Сауткіна Т. А., Кухарава Л. В. Гарошак // Энцыклапедыя прыроды Беларусі. У 5-і т. Т. 1. Ааліты — Гасцінец / Рэдкал. І. П. Шамякін (гал. рэд.) і інш. — Мн.: БелСЭ ім. Петруся Броўкі, 1983. — 575 с., іл. — 10 000 экз. — С. 567—568.

Спасылкі

Горошек кашубский: інфармацыя пра таксон у праекце «Плантариум» (вызначальнік раслін і ілюстраваны атлас відаў). (руск.)
Vicia cassubica L. (Вика кашубская) // ИАС «ООПТ России»(руск.)
Дикие родичи культурных растений. Vicia cassubica L. — Вика кашубская, горошек кашубский. // Агроэкологический атлас России и сопредельных стран: экономически значимые растения, их болезни, вредители и сорные растения(руск.)