Апыленне — перанос пылку з тычынак на рыльца песціка (у кветкавых раслін) або з пыльнікаў на семязачатак (у голанасенных).
Расліны бываюць самаапыляльныя і перакрыжаванаапыляльныя. Перакрыжаванае апыленне ажыццяўляецца з дапамогай насякомых, ветру, вады. Самаапыленне можа адбывацца ў адкрытых і закрытых кветках. Абодва тыпы апылення ў жыцці раслін маюць важнае значэнне, паколькі садзейнічаюць размнажэнню — утварэнню насення і пладоў.