Яўген Васілевіч Сняткоў[1] (руск.: Евгений Васильевич Снятков; 1891, Тула — 1940) — вучоны, фізік, кандыдат фізіка-матэматычных навук (1936), прафесар (1933).
Нарадзіўся ў горадзе Тула. У 1912 годзе скончыў Маскоўскі ўніверсітэт. У 1912—1919 гадах працаваў у Мінскай гімназіі, дзе выкладаў фізіку і матэматыку. У 1920—1921 гадах працаваў у Мінскім політэхнічным інстытуце. З 1921 года ў Беларускім дзяржаўным універсітэце, з 1935 года — загадчык кафедры электрамагнітных ваганняў фізіка-матэматычнага факультэта.
Аўтар навуковых па вывучэнні працэсаў награвання дысперсных і калоідных асяроддзяў у электрычных палях звышвысокіх частот. Аўтар першага вучэбнага дапаможніка па радыётэхніцы на беларускай мове.