Полацкая губерня — губерня Расійскай імперыі, якая існавала ў 1776—1796 гадах. Адміністрацыйны цэнтр — горад Полацк.
Губерня ўтворана 4 верасня 1776 г.[1] паводле ўказа Кацярыны II і ўказа Сената[2] неўзабаве пасля першага падзелу Рэчы Паспалітай з Віцебскай, Дзвінскай і Полацкай правінцый (Пскоўскай губерні). У 1778 г. губерня была перайменавана ў Полацкае намесніцтва. У 1796 г. Полацкае намесніцтва ўвайшло ў склад Беларускай губерні (паводле ўказа Паўла I[3] ад 23 снежня 1796 г.)[2].
Насельніцтва губерні ў 1796 г. складала 318,2[4] тыс. чал.
У 1795 годзе да Полацкай губерні была далучана частка Мінскай губерні[2]