wd wp Пошук: ⬜

Міністэрства юстыцыі Рэспублікі Беларусь

Міністэрства юстыцыі Рэспублікі Беларусь (Мінюст Беларусі) — ведамства ўраду Беларусі, упаўнаважанае ажыццяўляць парадкаванне справаводства. Міністр юстыцыі прызначаецца і здымаецца з пасады Прэзідэнтам Рэспублікі Беларусь. 18 кастрычніка 2021 года на пасаду міністра прызначаны Сяргей Мікалаевіч Хаменка.

Склад

1. Цэнтральны апарат — 2 галоўныя ўпраўлення, 11 упраўленняў, 1 дэпартаменце і 1 аддзел[1];
2. управы юстыцыі абласцей і Мінска;
3. натарыяльныя канторы і архівы;
4. Рэспубліканскі працоўны арбітраж.

Задачы

1. парадкаванне калектыўных рабочых спрэчак, архіўнай справы і справаводства;
2. удзел у прававым забеспячэнні заканадаўчай дзейнасці прэзідэнта, Нацыянальнага сходу і ўраду;
3. праўная ацэнка пастаноў Нацыянальнага банка, Акадэміі навук, ведамстваў ураду, Радаў і выканаўчых камітэтаў абласцей і Мінску;
4. узгадненне праўных ацэнак і праверак правамоцнасці абласнымі ўправамі юстыцыі пастановаў мясцовых Радаў і выканаўчых камітэтаў;
5. наладжанне атрымання, захоўвання і распаўсюджвання судамі і падпарадкаванымі ўстановамі поўных, праўдзівых і своечасовых праўных звестак;
6. кіраванне і нагляд за натарыятам;
7. кіраванне і нагляд за ўлікам актаў грамадзянскага стану;
8. улік і нагляд за выкананнем устаноўчых дакументаў палітычных партый, прафесійных саюзаў, грамадскіх аб’яднанняў, міжнародных фондаў, Беларускай гандлёва-прамысловай палаты, Беларускай натарыяльнай палаты і міжнародных трацейскіх судоў;
9. узгадненне і нагляд за ўлікам і касаваннем прадпрыемстваў, негандлёвых устаноў і індывідуальных прадпрымальнікаў;
10. вядзенне адзінага ўліку юрыдычных асоб і індывідуальных прадпрымальнікаў;
11. забеспячэнне і перанавучанне супрацоўнікаў абласных, гарадскіх і раённых судоў, а таксама Беларускага ваеннага і міжгарнізонных судоў;
12. нагляд за даследаваннямі ў галіне крыміналістыкі, дакументазнаўства, архівазнаўства, археаграфіі і судовай экспертызы, а таксама забеспячэнне ўкаранення сваіх парадаў у дзейнасць судоў і ўстаноў Дзяржаўнай архіўнай службы;
13. наладжанне юрыдычных паслуг.

Паўнамоцтвы

1. запыт ва ўстановах звестак аб справаводстве;
2. стварэнне з ліку дзяржаўных спецыялістаў нарадаў для распрацоўкі заканадаўства, пастановаў ураду і міжнародных дамоў;
3. перадача паўнамоцтваў падначаленым установам;
4. устанаўленне наўпроставых сувязяў з адпаведнымі ўстановамі іншых дзяржаў і міжнароднымі арганізацыямі;
5. ухваленне загадаў аб касаванні дапушчаных Нацыянальным банкам, Акадэміяй навук, ведамствамі ўраду, Радамі і выканаўчымі камітэтамі абласцей і Мінску парушэнняў парадку падрыхтоўкі, ухвалення, уліку і ацэнкі заканадаўства;
6. падача прапаноў ва ўрад аб касаванні пастаноў яго ведамстваў, прэзідэнту аб прыпыненні пастаноў мясцовых Радаў або касаванні пастаноў мясцовых органаў выканаўчай улады, у Савет Рэспублікі аб касаванні пастановаў мясцовых Радаў;
7. падача ва ўрад прапаноў аб звальненні падначаленых яму чыноўнікаў за невыкананне ведамасных загадаў;
8. стварэнне, пераўтварэнне і касаванне падпарадкаваных устаноў;
9. праверка ва ўстановах справаводсства і архіўнай справы[2].

Міністры

• Леанід Андрэевіч Дашук (21 лютага 1991 — 4 лютага 1994)
• Валянцін Алегавіч Сукала (27 кастрычніка 1994 — 8 студзеня 1997)
• Генадзь Мікалаевіч Варанцоў (23 студзеня 1997 — 21 верасня 2001)
• Віктар Рыгоравіч Галаванаў (1 кастрычніка 2001 — 4 кастрычніка 2011)
• Алег Леанідавіч Сліжэўскі (13 снежня 2011 — 18 кастрычніка 2021)
• Сяргей Мікалаевіч Хаменка (з 18 кастрычніка 2021)

Гл. таксама

• Міністэрства юстыцыі БССР
• Міністры юстыцыі Рэспублікі Беларусь
• Народныя камісары і міністры юстыцыі БССР

Зноскі

1. ↑ Будова цэнтральнага апарату(руск.)  (недаступная спасылка). Міністэрства юстыцыі Рэспублікі Беларусь (10 верасня 2010). Архівавана з першакрыніцы 11 ліпеня 2015. Праверана 29 студзеня 2011.
2. ↑ Пастанова Рады міністраў Рэспублікі Беларусь ад 31 кастрычніка 2001 г. № 1605(руск.) . Нацыянальны прававы інтэрнэт-партал Рэспублікі Беларусь (10 верасня 2010).(недаступная спасылка)

Спасылкі

• Міністэрства юстыцыі Беларусі Архівавана 29 ліпеня 2015. (бел.)

Тэмы гэтай старонкі (6):
Катэгорыя·Вікіпедыя·Артыкулы з пераазначэннем значэння з Вікідадзеных
Катэгорыя·Вікіпедыя·Артыкулы з непрацоўнымі спасылкамі
Катэгорыя·Вікіпедыя·Органы выканаўчай улады без геаграфічных каардынат
Катэгорыя·Права Беларусі
Катэгорыя·З’явіліся ў 1991 годзе
Катэгорыя·Міністэрствы Беларусі