.mw-parser-output .t-geoinfobox td,.mw-parser-output .t-geoinfobox th{min-width:120px}.mw-parser-output .t-geoinfobox td:only-child,.mw-parser-output .t-geoinfobox th:only-child{text-align:center}.mw-parser-output .t-geoinfobox-name{font-size:110%;padding:2px}.mw-parser-output .t-geoinfobox-nickname{font-style:italic}.mw-parser-output .t-geoinfobox-cave th:only-child,.mw-parser-output .t-geoinfobox-mount th:only-child{background:#e7dcc3}.mw-parser-output .t-geoinfobox-surface th:only-child{background:#ffe4c4}.mw-parser-output .t-geoinfobox-blue th:only-child,.mw-parser-output .t-geoinfobox-water th:only-child{background:#c0daff}.mw-parser-output .t-geoinfobox-underwater th:only-child{background:#b0e0e6}.mw-parser-output .t-geoinfobox-green th:only-child{background:#d0f0c0}.mw-parser-output .t-geoinfobox-tomb th:only-child{background:#bbbbbb}.mw-parser-output .t-geoinfobox-yellow th:only-child{background:#fdeaa8}.mw-parser-output .t-geoinfobox-ny th:only-child{background:#cbd5c4;border:1px solid #aaaaaa}.mw-parser-output .t-geoinfobox-ny th:first-child:not(:only-child){background:#cbd5c4;text-align:right;padding:0 0.5em}.mw-parser-output .t-geoinfobox-grey th:only-child{background:#eaecf0}
Ергені́ (руск.: Ергени) — узвышша на паўднёвым усходзе Еўрапейскай часткі Расіі, у Валгаградскай, Растоўскай вобласці і Калмыкіі. Працягваецца ад Волгі (у раёне Валгаграда) да даліны р. Усходні Маныч. Даўжыня каля 350 км, шырыня 20—50 км, вышыня 160—221 м. Складзена глінамі, вапнякамі і пясчанікамі, у верхняй частцы спецыфічнымі (ергенінскімі) адкладамі, пераважна пяскамі. Усходні схіл стромкі (да 70—80 м) абрываецца да Прыкаспійскай нізіны, раздзелены густой сеткай балак, ля падножжа — прэснаводныя Сарпінскія азёры, заходні схіл спадзісты, увалісты, паступова зніжаецца да даліны Дона. Водападзел платопадобны, з вялікай колькасцю ўпадзін суфазійнага паходжання. Расліннасць паўпустэльная (палын,ціпчак, кавыль, салянкі) на светла-каштанавых глебах з плямамі саланцоў; у ярах усходняга схілу сустракаецца вярба, дуб, вяз, асіна.