Груша́нка[3][4] (Pyrola) — род кветкавых раслін сямейства Верасовыя (Ericaceae).
Шматгадовыя травяністыя расліны з доўгім галінастым карэнішчам. Лісце простае, суцэльнае, скурыстае, цёмна-зялёнага колеру, на доўгіх чаранках, у прыкаранёвай разетцы, зімуе. Кветкі белага, ружовага, чырванаватага або зеленаватага колеру, на доўгіх кветаносах, у гронкападобных верхавінкавых суквеццях. Плод — 5-гнездавая каробачка бурага колеру.
Род налічвае каля 40[4] (33[5]) відаў, пашыраных пераважна ва ўмераных абласцях Паўночнага паўшар’я.
На тэрыторыі Беларусі сустракаюцца:
У існаванні грушанак вялікае значэнне мае сімбіёз з грыбамі, асабліва на ранніх стадыях развіцця, калі праростак жывіцца выключна за кошт іх міцэлію[6].
Расліны роду выкарыстоўваюцца ў якасці дэкаратыўных і лекавых (мачагонныя і процізапаленчыя сродкі)[4]. У наземнай частцы раслін маецца вялікая колькасць дубільных рэчываў[4].