Груша́нка зеленаватая[3] (Pyrola chlorantha) — від кветкавых раслін роду Грушанка (Pyrola) сямейства Верасовыя (Ericaceae).
Шматгадовая травяністая расліна з доўгім карэнішчам. Кветаноснае сцябло вышынёй да 30 см, рабрыстае, звычайна чырванаватае, з 1—3 лускападобнымі лісцікамі. Лісце скурыстае, круглаватай формы, у прыкаранёвай разетцы, зімуючае. Кветкі зеленаватага колеру, па 2—9 у кароткай зрэджанай гронцы. Плод — адагнутая ўніз каробачка.
Расліна распаўсюджана на тэрыторыі ўмераных абласцей Еўразіі і Паўночнай Амерыкі. Добра пераносіць цень[4]. Мезафіт, алігатроф і мезатроф[4]. Расце ў хваёвых і яловых лясах[3]. Цвіце ў чэрвені—ліпені[3].
Лекавая і дэкаратыўная расліна[4]. Ахоўваецца ў шэрагу рэгіёнаў Расіі і Украіны[4].
Сінонімы паводле сайта The Plant List: