wd wp Пошук:
    ⬜

    Бабруйская акруга

    Бабру́йская акру́га — адміністрацыйна-тэрытарыяльная адзінка ў БССР у 1924 — 1930 гадах. Утворана 17 ліпеня 1924 года. Цэнтр — г. Бабруйск. Плошча акругі 14,5 тысяч км2, пасля ўзбуйнення ў 1927 годзе — 20,8 тысяч км2. Насельніцтва 499,8 тысяч чалавек, у 1927 годзе — 751 тысяча чалавек.

    Гісторыя

    Бабруйская акруга ў 1925 годзе

    У 1924 — 1927 гадах акруга ўключала 12 раёнаў:

    Раёны падзяляліся на 145 сельсаветаў. У склад акругі ўваходзілі 3 гарады (Бабруйск, Жлобін і Рагачоў) і 4 мястэчкі (Асіповічы, Глуск, Парычы і Стрэшын). У сувязі са скасаваннем Слуцкай акругі 9 чэрвеня 1927 года ў склад Бабруйскай акругі перададзены Любанскі, Слуцкі, Старадарожскі, Старобінскі і Чырвонаслабодскі раёны, Слуцк і мястэчкі Любань, Старыя Дарогі і Старобін. 4 жніўня 1927 года 1-ы і 2-і Бабруйскія раёны былі аб’яднаны ў адзіны Бабруйскі раён, а Гарадзецкі і Стрэшынскі скасаваны. 27 кастрычніка 1927 года Буда-Кашалёўскі раён перададзены ў склад Гомельскай акругі. Акруговая газета «Камуніст». 26 ліпеня 1930 года Бабруйская акруга ў складзе 13 раёнаў і 204 сельсаветаў скасавана.

    Старшыні Бабруйскага акругкама КП(б)Б

    Літаратура

    1. ↑ Улада і грамадства: БССР у 1929—1939 гады: у дакументах Cакрэтнага аддзела / Асобага сектара ЦК КП(б)Б / [Еўрапейскі гуманітарны ўніверсітэт]. — Вільня: Логвінаў, 2019. — 1120 с. — С. 18. — ISBN 978-609-8213-22-5.
    Тэмы гэтай старонкі (7):
    Вікіпедыя:Артыкулы з пераазначэннем значэння з Вікідадзеных
    Адміністрацыйныя адзінкі без геаграфічных каардынат
    Старонкі з нелікавымі аргументамі formatnum
    Гісторыя Гомельскай вобласці
    Гісторыя Магілёўскай вобласці
    Гісторыя Бабруйска
    Акругі Беларускай ССР